انقذوني

[alhosanih]

السلام عليكم ورحمه الله وبركاته

بنــــــــــــــــــات انقذوني ههههههه والله انا تعبت خلاص ماعرف شو اسوي بخبركم السالفه......يوم احط البودر يتم جي ساعه اوكي عقب خشمي يلق من بعيييييييييييييييد اتقولون زيت العافيه ههههههه لا صدق انا متضايقه من هاي السالفه ماعرف شو اسوي قلت من البودر او من الكريم الي احطه قبل البودره غيرتهم ماشي فايده ماعرف شو اسوي,,,المشكله الثانيه عقب ساعه من حط وضع المكياج بعد يطلعلي خط صوب الحلج من الطرف تعرفونه ها الخط مال المكياج ماعرف بعد شو اسوي جنه خط الاستواء هههههه مع العلم ان بشرتي مب دهنيه بس ماعرف ليش جيييييييييي ممكن تفيدوني؟؟؟؟ والسموحه

المزيد من آخر المواضيع من نفس القسم:

• كل ما تحتاجين لمعرفته عن عطر كلوي نرسيس...
• حل مشكلة تكتل كريم الاساس بخطوات بسيطة وفعالة
• خطوات تطبيق مكياج شتوي ساحر للسهرات
• اخطاء في تطيق البرايمر انتبهي لها
• طريقة عمل مزيل مناكير طبيعي في البيت حصري
• طريقة عمل منظف فرش مكياج سهل وفعال في المنزل
• طريقة عمل منايل ازالة المكياج في البيت
• كيفية تنظيف فرش المكياج بفاعلية
• خطوات بسيطة وفعالة لتثبيت العطر
• نصائح هامة قبل شراء العدسات اللاصقة

[ستايلي غير]

عيل اكيد من نوعيه البودرة الي تستخدمينها...

اي ماركه اتحطين انتيه...

[Alyasiyyah]

بشرتج بتكون مختلطة يعني دهنية عند الجبهه والخشم والذقن .. وجافة في الأماكن الباقية .. نصيحتي لج تستخدمين جل قابض عشان تتحكمين بافرازات الدهون .. بتلقين من وايد ماركات مثل استي لودر كلينيك وغيرها .. وبالتوفيج حبوبة ..

[جمانه الامارات]

اظن مساماتج مفتوحه وما يخص البشره دهنيه او مختلطه او جافه
نفس اختي وحليلها تعبت منبشرتها وهي ما شاءالله بشره حلوه بس مساماتها مفتوحه يمكن ماتبان الا اذا سرتي لدكتوره او دكتور جلديه
يعني لو بتاخذين احسن نوع من البودرات بعد ما شي فايده لا ترمين بيزاتج للبودرات

[عاشقةالصمت]

اكيد من نوع البودره وكيف تستعملينها

[alhosanih]

مشكورات حبوباتي..وانا استخدم كنت غيرلان واحين كنيبو بس نفس الشي

[Alyasiyyah]

ما يخص نوع البودرة .. جربي اللي قلت لج عليه وبتعجبج النتيجة ..