~*¤ô§ô¤*~*¤ô§ô¤*~ ذكريات أيام الطفولة ~*¤ô§ô¤*~*¤ô§ô¤*~

**عالية المقـام** · 2005-11-30, 21:17

السلام عليكم و رحمة الله و بركاته ..

في يوم من الأيام كنا صغار و كل وحده فينا استوت لها مواقف تضّحك، و مواقف فيها ظهرت براءة الطفولة عنده ، تعالن نتذكر سوالفنا لما كنا يهال ؟؟؟؟ ..

الله الطفووله ؟؟

عني كنت هااااااااااااااديه جداً .. بس وايد عنيده وما اقتنع بالرمسه بسرعه ..

وبخبركن بسوالفي بعدييييييييييييييين ..

ياالله المجاال مفتووح لذكريات الطفوووله ..

اعترفن شو كنتن تسون يالله .. ادريبكن راعيات علوم ههههههههههه ..

فكرة الموضوع منقوله

السموحه

..

المزيد من آخر المواضيع من نفس القسم:

**صدى حنيني** · 2005-11-30, 21:24

اكيد مابكون احسن عنج

**عالية المقـام** · 2005-11-30, 21:54

لووووووووول .. كنت حاسه ..

يالله خبريني ببعض المواقف

..

مشكوره ع الرد ^_^

**شمـــ وفا ـــعة** · 2005-11-30, 22:55

أتذكر إني كنت دلوعة البيت لأني كنت أول حفيدة للعايلة..
قبل ما أيي كانت خالتي الصغيرة هي دلوعة البيت..
وعقب ما ييت أنا خذت مكانها وكانت وايد تكرهني يوم صغيرة لدرجة إنها دايمًا كانت تضربني وتقرص فيّه..
ولين ألحين أييب طاري هالشي وياها..
والله أيااااام..

[01]بتيكم السوالف تراها وايد!!![/01]

**DesigneR StylisH** · 2005-12-01, 18:23

هههههههههههههههههههههه .. ما اريد اتذكر .. كنت عفريته ....

**شمـــ وفا ـــعة** · 2005-12-03, 00:42

وين صاحبة الموضوع..
ما حطتلنا شي عن أيام الطفولة؟!
عالية المقام أحيدها بتسافر أكيد سافرت..
[01]عمومًا لا تنسين الصوغة وتراها هنتين حقي وحق النونو!!![/01]

**بنت بوظبي** · 2005-12-05, 20:59

انا عيل العكس كنت وايد شيطانه (ماشاءالله عليه) واللي يشوف هدوئي الحين يوم كبرت مايصدق
ومن كثر شطانتي والمناقز على الشجر والحيطان مره كسرت يدي ومره ريولي
وكانت عندنا مدرسة علوم وكنا مطلعين عينها واحيد بيتها جريب من المدرسة وكنا نلحقها لين بيتها

**عالية المقـام** · 2005-12-16, 00:15

احم احم ..

بعد شوووووووووووو !! ..

ابا مواقف جيه حلوه يالله قوووووووووووولن

**غبيشة** · 2005-12-21, 22:02

طـــال عمرج ممم الملف أسود مايشرف

معروفة بشقاوتي وبمعاركي

الشهيرة في الفريج :12 (84): وكان لعبي أكثر شي مع الأولاد وكنت أنضرب ضرب

ولا اصيح بل أتحمل الآلام

ولي رجعة أخري وحكايات بالتفصيل الممل

**مــــيره دبــي** · 2005-12-26, 21:14

مرحبا...

صدق بتكشفون ماضيه الأســــــــود....

بصراحه.. كنت شيطــــــانه.. لابعد الحدود...

[06]أييب الصغاريه اللي أصغر عني طبعا. ويمعهم ورى البيت وأضربهم ضرب وأقرصهم..
وأقولهم ســـــــــيروا بيتكم..[/06]

وعـــاد الله لايقول أسمع أنه بنظهر مكان..... العالم كله درا.....

[01]أوقف في السكه... وماخلي (( هندي وألا بتاني ومن كل طبش)) وخبرهم وين سايره... [/01]

ووايد أشـــــــياء بصراحه... بس خلوا الطابع مســـــــــتور...

**دبيّه** · 2005-12-27, 09:38

الحمد لله كنت هاديه >>>>>>>>> جيه الحين شوه؟؟!!

ووووايد أستحي , لدرجه أني يوم علمونا الصلاه في المدرسه

كنت أقفل علي الحجره وأصلي >>>>>>> عفانا الله جني أصلي صلاة اليهود

ما كنت أبغي أي حد يشوفني ,,,,,

ويوم العيد ما كنت أسير أعايد ,لأني لأستحي وعيب أي حد يعطيني فلوس

أخواني يدورون يعايدون , ويمعون وأنا عندي عادي . بس أبويه

الله يرحمه كان يعطيني. وإذا تذكرت شئ برد لكم.

الموضوع: ~¤ô§ô¤~¤ô§ô¤~ ذكريات أيام الطفولة ~¤ô§ô¤~¤ô§ô¤~

أدوات الموضوع

عرض