الطلاق

[مشكلتي]

السلام عليكم

انا خليجية ، عمري 24 ، شهادتي الثانوية العامة ، متزوجة عندي طفل وانتظر مولودي الثاني ، ربة منزل ، ساكنة دبي ،
زوجي مواطن عمره 27 . وماعندي الجواز.

انا قررت اطلب الطلاق من زوجي لأني ما اقدر اكمل وياه حياتي واذا استمرت بظلم نفسي وعيالي والسبب انه ما يعطيني حقوقي وعايش حياته مثل العزوبي ودام هذا في مصلحتي ومصلحة عيالي بسويه.

مشكلتي :

ان ابوي يقولي اوقفي ع حيلج داومي وخلي لج مبلغ فالبنك وقدمي ع ليسن وبعدين اطلقي .وقالي انا ريال عود فالعمر وظروفي ماتساعدني عشان اساعدج بشي. وانا البجر وعندي اخو فالجامعه واخت فالمدرسة ، وماعندي اربيعات والسبب ان فبيت اهل ريلي ممنوع كل شي علي.

اتمنى تساعدوني في هالمشكلة لاني ماقدر استحمل واصبر فترة لين القى وظيفة ولين اخذ ليسن ، اهانات من طرف اهله ومنه وغير الضرب والمعاملة ، وبعد عايشة فبيت اهله فغريفة مب غرفة ، ما فيها غير سرير وكبت ولا عندي خدامه ولا عندي حد من اهله يساعدني في المصاريف او يعطيني حقي وحق عيالي لبس او حاجة من احتياجاتنا ، وماقدر اخليهم فحضانه لانه مايعطيني مصروف وما اقدر اسير اقدم فمكان لاني في آخر شهري وقربت اربي ، وما اقدر اطلع من البيت الا لشي طارئ ، مايقدر يأجر شقة او يفرلي سكن لو كان استيديو، انا و ولدي نلبس من اللي اهله يتصدقون فيه علينا.

اتمنى تساعدوني وتخبروني كيف اتصرف لان مابا يبقى حالي جي واسكت.
كنت افكر بعد النفاس اسير مباشرة اطلب الطلاق وايلس في مركز خيري وبنفس الوقت ماعندي مصروف او حد يسلفني او حد يساعدني ولا اقدر احصل شغلة لو فالبيت.

اعذروني طولت والله نفسيتي تعبانه واسمحولي الكلام مب مرتب.

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الكلمة الطيبة صـــــدقة

[سوسو 92]

اختي مش يعني انك وافدة اذلي عمرك انا اعرف وحدة وافدة خذت مواطن من قرايبها ما صرف عليها ولا خلاها تدرس ولا تطلع من البيت وأطلقت منه وراحت اشتغلت وكدت على عمرها وعيالها اعتمدي على نفسج وطلعي ليسن واشتغلي

[Ward-uae]

كل الأسباب اللي حطيتيها ما سبب مقنع تطلبين الطلاق
هو اذا ما يبيج وعافج شو اللي مصبرنه عليج ؟
اذكري الله وشلي الفكره من راسج مب لج لعيالج
شو ذنبهم يتلتهون بينكم ؟ تبين بيت خبريه يقدم على الإسكان او انتي اتصلي وشوفي شو الاوراق ؟
هو ما يضربج ولا يسكر بس شكلج عودتيه على العزوبية وانه انتي تشلين العيال وتهتمين فيهم خليه يشاركج طلعوا لو حديقة عامة وخليه يشوفهم ويلعب معاهم اتكلمي معاه بعقلانية انه اليهال يكبرون ويبالكم بيت يلمكم
لا تقولين له انه اهله يتبرعون بملابسهم قوليله خاطري تشتري لعيالك شي على ذوقك لو كان مب شي لا تقللين من ذوقه او تذميه على العكس امدحيه وكأنه ياب شي غاوي
الحياة سهله وانتي تقدرين تحلينها عيالج جدامج لا تقللين من اهله او منه جدامهم باجر بيكبرون وبيردون عليج شو ما كانوا علميهم على الاحترام والأدب
الله يسهل عليج

[khaleejiya]

يمكن راتبه ع قد الحال ما قلتيلنا كم يستلم؟ ويمكن مديون
الحل لازم ادورين على وظيفه نفس ما قال ابوج وتعتمدين على نفسج

[أم حور26]

الله يعييييينج حبيبتي