قصة ولادتي الكاذبه و ولادتي الحقيقيه !!!!!

**Roo7_AD** · 2007-11-04, 17:09

مرحبااااااااااا .. اشحاااااااااااااااااااااالكن حرمات و بنات .. عساكن بخير و نعمه ...

اليوم بخبركن قصة ولادتي من الولاده الكاذبه الى الولاده الحقيقيه ..

اكيد كلكن مستغربات شو سالفة الولاده الكاذبه خخخخخخخ

الله يسلمكن .. انا دخلت التاسع اول ايام العيد .. المهم و ثالث ايام العيد الفليل ياني ويع مش طبيعي .. يعني مارمت اتحمله .. و فجيتها مناحه .. و يحليله ريلي اتروع و قالي قومي بوديج المستشفى .. انزييييييييييييين ..
واصلا انا كنت ناويه اربي فالنور .. و طبعا على طول رحت مستشفى النور .. و جيكوا عليه جان يقولون عندج ولاده ..
بس الله يخسهم ذلوني .. اتخيلن .. الدكتوره اتقول اونه انتي البيبي عندج وايد صغير و اخاف ينولد قاصر و نحن مالنا خص اذا انولد قاصر و ماعدنا الشيشه ولازم اتروحين الكرنيش و مادري شو .. المهم اخر شي قالت اذا تبينا انولدج وقعي على ورقه و على مسؤوليتكم اذا طلع فيه شي .. ها بروحها قصه .. و القصه الثانيه .. الدكتوره يالسه و اتحاسب ريلي اونه اذا تبا اتربي اهني لازم تدفع 5000 لا 10000 و كل دقيقه تعطيه رقم .. و اذا تبا غرفه في اي بي ترى كل ليله 1500 .. ريلي يقول انتي ما يخصج انا بدفع بس انتي سيري اتطالعيها ..
المهم يت النيرس جيكت عليه قالت فاتح 4 سانتي و انا اتويع و حالتيه حاله .. و راحت و عقب شوي يت اتجيك مره ثانيه جافت دم ينزل جان تتروع و اتخبر الدكتوره .. و الدكتوره قالت يللا ودها الكرنيش نحن ما بنتحمل مسؤووليتها .. اتخيلووووووووووووووو الوقاحه .. والله قهر .. ريلي قال اصلا هي مش فاتحه ملف فالكرنيش قالت عادي بيدخلونها و الكرنيش عندهم خبره اكثر ... المهم رحت الكرنيش .. و طبعا نقعوني اكثر عن ساعه كله اونهم يفتحون لي ملف .. و عقب ساعه و شي دخلت على الدكتوره و تمت تسالني مليون سؤال و سؤال .. و عقب التحقيق كشفت عليه و قالت عندج ولاده قلت لها ادري المهم ودوني غرفة الولاده و عقب ساعه راااااااااااااااااااااح الويع و راااااااااااااااااااااااح الطلق و راااااااااااااااااااااح كل شي ... و تميت كمن ساعه في غرفة الولاده بس للاسف ماشي طلق كل شي ذهب مع الريح خخخخخخخ .. و تميت امشي و امشي بس بعد ماشي فايده .. جان يحولوني و يودوني غرفه عاديه اونه لين ما اييني الطلق بيردوني الولاده ... وتميت عندهم يومين و مول ما ياني شي .. امايه قالت لي اظهري اليلسه مب منها فايده .. و ابويه يقولي هذا هدوووء ماقبل العاصفه خخخخخخخخ اونه يزيغني

المهم ظهرت من المستشفى و طبعا على مسؤوليتي و الدكتوره اتزيغني اونه اذا ظهرتي عادي اتربين فالسياره خخخخخ ...
و هذي قصة ولادتي الكاذبه ...

اما ولادتي الحقيقيه كانت بعد 12 يوم من بعد ما ظهرت من المستشفى ..

و بعد كانت فليل .. المهم اول شي نزل عليه المااااااي و من بعد ما نزل عرفت ان عندي ولاده استانست و سرت اتوضيت و صليت و قريت سورة مريم و تميت ادعي .. و بعدين قامت اتيني الويعات اللي خلتني اتحرقص مكاني .. كل نص ساعه و بعدين كل ربع ساعه و بعدين كل 5 دقايق .. و بعد كمن ساعه من المعاناة ربييييييييييت و يبت بنوته حلوه و سميتها " الريم "

و الحمدلله كل شي كان اوكي .. كنت وايد زايغه من مستشفى الكرنيش من كثر ماكنت اسمع و اقرى و قلت مستحيييييييييل اربي هناك .. بس سبحان الله .. الله رايد لي اربي هناك .. و الحمدلله حصلت لي غرفة في اي بي بدون ظرابه و بدون رشاوي و ناديه كانت وايد محترمه خخخخخخ حتى ريلي يقول مسكينه الناس ماخذين عنها فكره غلط خخخخخخخخ ...

و الحمدلله على كل حال ...

اللهم لك الحمد كما ينبغي لجلال وجهك و عظيم سلطانك

المزيد من آخر المواضيع من نفس القسم:

**القمزية** · 2007-11-04, 17:12

الحمدلله عسلامتج الغالية

**الكشيخه** · 2007-11-04, 17:17

الحمدالله على سلامتج

و عقبالج يالقمزيه ^ـــ^

**أم ريمـاني** · 2007-11-04, 17:21

الحمدلله ع السلامه

ومبرووووك عالبنوته

وربي يحفظها لكم

واتشوفيها عروس ^^

**لب لفواد** · 2007-11-04, 17:22

مبرووووووووووووووووووووك والحمد الله على سلامتج وسلامة الريم......

**ME_ME** · 2007-11-04, 17:35

الحمدلله ع سلامتج وسلامة الريم شيخة الحريم ^.^

**طي السنيين** · 2007-11-04, 18:40

الحمدلله على سلامتج
ومبرووووووووووووووووووووك

**ام رووضة** · 2007-11-04, 19:02

هههههه << عسى ان تكرهوو شيئا وهو خير لكم ...
والحمد لله ع سلاااامتج يالغاليه ..
والولاده الكاذبه كاااااان عباره عن مناااان << لانها بنت والحمد لله ع كل حاال

**وردة راك** · 2007-11-04, 19:07

الحمدلله عسلامتج الغالية

**كيوت ومن** · 2007-11-04, 19:27

الحمدلله ع السلامه

ومبرووووك عالبنوته

**غلا المحيربي** · 2007-11-04, 19:32

لكرنيش الكرنيش الكرنيش الكرنيش مافي غيره هو يتحمل المسوليه وكل الشيخات يربن فيه والحمدلله عالسلامه الغاليه وانا بعد سالفتيه سالفه ..... بس متعايزه اكتبها ...........وتتربي بعزكم الريم@_@

**جنة أمل** · 2007-11-04, 19:39

مبرووووووووووووووووووووووك عقبالي.

**عقد لؤلؤ منثور** · 2007-11-04, 19:40

**Baby** · 2007-11-04, 19:44

بصراحة زيااااااااااااااااغ

**missuae3003** · 2007-11-05, 02:57

الحمدلله على السلامه ومبرووووووووك عليكم العرووووس

الموضوع: قصة ولادتي الكاذبه و ولادتي الحقيقيه !!!!!

أدوات الموضوع

عرض

قصة ولادتي الكاذبه و ولادتي الحقيقيه !!!!!

المزيد من آخر المواضيع من نفس القسم:

المواضيع المتشابهه

قصة ولادتي ...قصدي معركة ولادتي بدندونة فديتها...

قصة ولادتي

قصة ولادتي ..

قصة ولادتي

قصة ولادتي