....ريلي .........شورن علي خواتي

[بنت ابـويه]

الســلام عليكن خواتي


مشكلتي هل هي مشكله ولا اووهاام مدري

بس الي اعررفه اني اعااني منها


انا تزووجت بولد عمــي اللي يكبرني ب10 سنين عن اقتناع وعقب صلاة استخاره


والحمدلله مب مقصر وياااي ووواايد عاقل

يعني ماعنده خرابيط الشباب هالايــام الحمدلله


بس مشكلته ماشــي عواطـف

ماشــي رومانسيه ابــد

يعني اسير عنه اووو يســافر فشغل


يرجع احــسه مب مشتاقلي اول لحظه بسس اشوف فعيونه الشــوق

وبعدها يختفــي


يسيرعنـي بالساعات عادي مايرمسني


عمره ماسوا شي من عمررره كله بعد كلااام

وبعد زعل <<زعل من بينا

يقهرني جدولـه

يداااوم من الصبح ايي يرتاح نص ســاعه يقوم يرووح صوب ربعــه او يسير ويا عمــي صوب العزبــه

اييني تعباااااااااان يدووور الوساده ويرررقد وايـد انقهر من هالشي

اطلب منه مره مرتين فالشهر نطلع نغير جوو فوقت سيرته مابيردني يطلعني صح بس يمسكها علي

انتي تحرميني من وناستي ووانتي ماتخليني اسير لربعي
وانااقــوله

كم مرررره سرت ولارديتك وكم مررره خليت مشاويري المهمه وخليتك تسير

اذا طلبت منك مرررره وعطلتك عن ربعك استوي حرمتك مــن وناستك؟؟؟



هو طيب ادري ومايردلي طلب


بس ودي احس اني غااااليه على قلبــه

ودي احس بمكاني بقلبــه


ودي يسوي شي من خاااااطره

كل شي يسويه من بعد رمسه

ابى شي اي شي يسوويه من دووون ماااعررررف يفاجئني به

تعرفن انــي اطلب المستحيل بهالطلب

تخيلوو كنت يالســه عند هلـي يومين

اباه يشتاقلي

وسررت فوووقت كان فيه بيتنا خــالي<<بيت اهل زجي

عشـان يفتقدني بجــد

ونجحت تــم يرمسني متى بتردين؟ ضايج بعدج؟ من هالقبيل استانست

ورديت ثاني يوم


وتمينا نسولف وجيه ووحصل تتش بسييييط بينااا

زعــل مني ونا زعلت وسار يرقد ورقد

خــلاني رووحي


انصعقت يوم شفته راااقد



والله انــي تحســفت انــي رديت

تحســـفت انــي مااايلست فبيت هلي


شورني عليه خوااااتي


شسوي بريلي

يمكن يبت اكثرررر عن موضوع بس هاي معاناتي وياه


شورن عليه دخيلكن


شسوووووي وياه

كيف اعلمه يشتاق



للعلم مب مقصره وياااااه من اي ناحيــة البسله واتعدل ورتبله جووو

شوالحل فيدني

شوووووورن عليه



ادري ماحد بدنياه غيري وادري ان هاااي طبيعته وهاي شخصيته


ابغيييييييرهاااا ابحس بغلاتــي


اتعب وااااااااايد من طبيعة علاقتناا







فيدني خواتي دخيلكن

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[توتة بنوتة]

فديتج أغلب الريااايييل طبعهم جذه ما يبينون للحرمة اي شي .... و مشكلتنا احنا البنات نبا نسمع كلام حلوو ..
ترا مب كل الرياييل شرات اللي يطلعون بالافلام الاجنبية

[بنت ابـويه]

فديتج أغلب الريااايييل طبعهم جذه ما يبينون للحرمة اي شي .... و مشكلتنا احنا البنات نبا نسمع كلام حلوو ..
ترا مب كل الرياييل شرات اللي يطلعون بالافلام الاجنبية

تسلمين فديتج على هالررررد يتني الضحكه والله

تراني اقول بعد شكلي متأأثره بهم


بس من حقنا بعد نسمع كلام حلوو

نشتاق نسمع رمسه حلوه
ومشكروه الغلا مره ثانيه عالرد

[أم فرّوس]

حقج فديتج
تبين شوري وتطيعينه؟
صلي قيام واطلبي من ربج اللي افخاطرج
والله تشوفينه يتغير
وان داومتي ع الدعاء تلاقينه كل ماله واحسن
لا تستحين من ربج ترا الصحابة قبل اذا انقطع نعالهم يطلبون من ربهم
وصدقيني ... عن تجربة

والله يعطيج اللي بخاطرج ان شاء الله

[ملاكـ]

الله يعينج يالغلا

بس انتي حاولي ولاتيأسي

ريلج يباله وايد صبر لين توصلي للي تبينه
بقلج شي انتي حاولتي تيددي من حياتج ونفسج اكثر من الي تسوينه
مثلا مره قبل ليرد البيت حطي في الغرفه شموع يعني سوي جو رومنس وشوفي شو يسوي بيرد يرقد ولا يترياج
والله يكون بعونج يالغاليه

[بنت ابـويه]

حقج فديتج
تبين شوري وتطيعينه؟
صلي قيام واطلبي من ربج اللي افخاطرج
والله تشوفينه يتغير
وان داومتي ع الدعاء تلاقينه كل ماله واحسن
لا تستحين من ربج ترا الصحابة قبل اذا انقطع نعالهم يطلبون من ربهم
وصدقيني ... عن تجربة

والله يعطيج اللي بخاطرج ان شاء الله

مشكوووره الغلا عالررد اللي يرييييح

ربي يريحج شورج وهداية الله
وان شاااالله خير

[بنت ابـويه]

الله يعينج يالغلا

بس انتي حاولي ولاتيأسي

ريلج يباله وايد صبر لين توصلي للي تبينه
بقلج شي انتي حاولتي تيددي من حياتج ونفسج اكثر من الي تسوينه
مثلا مره قبل ليرد البيت حطي في الغرفه شموع يعني سوي جو رومنس وشوفي شو يسوي بيرد يرقد ولا يترياج
والله يكون بعونج يالغاليه

تسلمين فديتج عالرررد والمشوووره

وبنحاول بكل الطرق

[غلا الدنيا]

الله يعينج يالغلا

بس انتي حاولي ولاتيأسي

ريلج يباله وايد صبر لين توصلي للي تبينه
بقلج شي انتي حاولتي تيددي من حياتج ونفسج اكثر من الي تسوينه
مثلا مره قبل ليرد البيت حطي في الغرفه شموع يعني سوي جو رومنس وشوفي شو يسوي بيرد يرقد ولا يترياج
والله يكون بعونج يالغاليه

[::قصـــــايد::]

امممممممممممم على فكره ختيه ....

ريلج حاس فيج ويحبج بس المشكله انه من النوع الكلاسيكي اللي ما يبين عواطفه فهمتي عليه ....



اتمنى الخوات يساعدنج


الله يوفقج ويسعدج وياه ياااااارب ان شالله وينصلح الحال بينكم ..أميييييييييييين

[فساتيني]

هلا حبيبتي

في رياييل جذه طبعهم,,,,هو اكيد يحبج ويغليج,,,,لكن في رياييل مايعبرون,,,وهالشي يقهر,,,والحرمه تبا العواطف,,,,بس بعد قولي الحمدلله,,,,شوفي هالحريم اللي يشتكن,,,الحمدلله ريلج سيييييده,,هذا أهم شي,,,,

انتي حاولي تغيرينه,,,ان ماتغيّر,,,,لاتتعبين,,,لان بتتعبين بهالطريقه,,,,وكله بتمين اتفكرين,,,بالعكس اتقبليه مثل ماهو,,,اهم شي انه مرات يقولج انه يشتاقلج لو بعد مرات مايقول,,شو دراج يمكن ف داخله ,,,لكن مايعرف يعبّر,,,وانتي لاترددين عليييه كلمة قولّي كلام حلو لان الريال يتعب ومايحب هالاشياء,,,عنده مب شرط الرمسه,,مايدري ان الحرمه ماتي الا بالكلام الحلو خخخخ,,,,,,,واهم شي انه معاج,,,,صادق,,,,مايخون,,,,,هذا اهم شي فهالزمن

[كتكوتة2005]

الله يهنيكم يا رب\

والله يا اختي اللي الاحظة ان الطبع اللي يغلب على شبابنا وبالذات انج ذكرتي انه اكبر عنج ب 10 سنوات
يعتبر يمكن يكون في نهاية 30 من عمره
هذا السن يا اختي من بعض الرجال ما تطلع عليهم مثل هاي الرومانسيات

يعني هاي حياتهم صعب انج تسمعين منهم كلام حلو

بس انت حاولي قدر ما تقدرين

ا اطلعوا برع

مثلا في فندق في اي سويت مكان خارج البيت

ثانيا قولي له مثل ما انت تبي تستانس
انا بعد ابي استانس معاج

طرشي له مسجات يمكن يقدر يعبر لج عن طريق الكتابة

لان في ازواج واي يعبرون عن طريق الكتابة احيانا

وبالتصرفات ما يطلعون مشاعرهم

يعني الله يعينج

دام سال عنج وقال لج تعالي البيت

يعني فيه خير ويحبج بس

العيب يا اختي
هي العواطف
اللي الخليجين بالذات ما ادري ليش ما يطلعونها

[الجوهرة المصونة]

اختي
اهم شي انه خايف ربه و ما فارنج في مشاكل مع حريم!!!!!!!!!!!!!!!
جوفي هذا القسم اغلب البنات يشتكون من ريايلهن اللي يرمس و اللي بيتزوج عليها...........الخ
يعني عيب ريلج شي هين عند عيوب غيرج
و اللي يشوف مصايب غيره تهون عليه مصيبته
ويمكن ريلج يستحي؟؟؟؟
او انه ما تعود يقول هذا الكلام
بسسسسسسسس
في قلبه كلام وايد و ما يقوله الا بعيونه
صدقيني انه كلام العيون احلى شي غير ...........يدش القلب و ما يحتاي انه يدور كلام مرتب
وهو بروحه كلام و لا في الخيال
اذا ريلج من هذا النوع
حافظي عليه و لا تفرطي فيه

و الله يهنيكم و بسعدكم دنيا و اخرة
والله يلين راس ريلج ويحرر لسانه ينطق بكلام ينسيج كل تقصيره معج ^__^

[بنت ابـويه]

مشكوراااااااات خواتي ردودكن تبرد الخاطر

ببرد عليكن خلاااف لانـي الحين مب فاضيه

[بنــuaeــت]

صدقيني يا اختي
محد بيفهم اللي في قلبج وخاطرج غير اللي مطلع عليج في كل وقت
الجئي لربج وادعيه في كل وقت
وبتشوفين كيف بيكون التيسير
بس المهم أنج ما تقصرين في حقه لو شو ما صار
وحاولي تغيرين الروتين لو كان عندج

وربي يفرجها عليج

[Q8ia_100%]

غيري اسلوبج
خليه يحس باختلاف عن كل يوم علشان يبين انج شرهانه عليه

شوفي انتي لما رحتي بيت اهلج حس بالفرق وقالج تعالي بس انا ما اقولج ردي بيت اهلج مره ثانيه لاني ضد ان الوحده تحل مشاكل بسيطه مثل هذي بالهجر

انتي كل يوم شتسوين له؟
يعني اذا تستقبلينه بهلا هلا واشلونك حبيبي ومالونك غيري طريقتج وقولي وعليكم السلام ولهي عمرج بمجله والا قلبي قنوات التلفزيون
وان قالج وين الغدا او وين اهدومي قومي زهبيهم عقب امره يعني لا تشتطين واتعدلين اغراضه من اول ما يدش
يعني حسسيه في برود شويه
انا مو قاعده اشيشج عليه انا ابيه يحس انج متضايقه علشان اهو يغير طبعه معاج

وان قالج اشفيج اليوم قوليله مافيني شي سلامتك ولا تفتحين وياه ولاموضوع ان سألج ردي بس انتي لا اتسولفين علشان يعرف ان خاطرج ثقيل ومع ذلك مو مقصره معاه

اختي ريلج لازم يتعود ان يرضيج مثل ما انتي ترضينه
الله يعينج ويسخره لج