حلم دخلت بيت رجل غريب

**حلمي** · 2017-12-04, 13:42

السلام عليكم

ارجو تفسير حلمي و اشكركم ع مجهوداتكم و شكرا لكم

مب متذكره بدايت الحلم بس شفت عمري مع ريال ما اعرفه واول مره اشوفه مب متذكره ملامحه عدل بس كان لابس كندره بيضه و طويل و ضعيف و ابيض البشره ولحيته لونها اسوود كنت داخله بيتهم ع اساس بيراويني بيتهم دخلت معاه ورحنا صوب الدرج علشان نروح للطابق الثاني فانا فصخت كعبي عند الدرج وكان لونه اسود و كعب عالي وكان فيه كرستال ع الشكل الماسي واحجامهم متوسطه تقريبا 10 قطع وكان شكله يجنن وفخم و بعد ما فصخته طلعت معاه للدور الثاني وشفت في يهال صغار موجودين فالبيت و اتوقع كلهم بنات عقب نزلنا تحت ووقفت عند الدرج اللبس الكعب وهو راح المجلس عقب ياني وقالي ان اهله كلهم فالمجلس فانا كنت وايد مستحيه بس قلت بروح اسلم عليهم عيب وقبل لا ادخل المجلس فسخت الكعب عند الباب و دخلت سلمت عليهم و سلمت ع امه وحبيتها ع راسها بس شفتها انصدمت من هالموضوع و شفت كم حرمه كبيره فالسن و اتوقع كانو عماته ونفس الشي حبيتهم ع راسهم اما بقيه البنات سلمت عليهم عادي بس الحريم تمو يتكلمون وهم مستغربين ان انا كيف احبهم ع راسهم بس كان عاجبهم هالشي وتمو يمدحون فاخلاقي و انا كنت اسمعهم بس مسويه عمري ما اسمع وكنت وايد مستحيه منهم عقب استاذنا ع اساس بروح يوم طلعت ما حصلت كعبي وتميت ادور عقب طلعولي كعب اسود وكعبه عالي بس ساده مافيه شي قلتلهم هذا كعبي بعد لان انا يايبه 2 معاي بس الثاني وينه وكانو اليهال هم يلي يدورون عقب وايد تضايقت وزعلت و قلت اكيد حد عجبه وراح خباه علشان يسرقه فانا لبست الساده و طلعت بس بعد ما قدرت اني اروح و اخليه فرجعت مره ثانيه ادوره الين حصلت حد مخبيه عند الدرج وخذيته فايدي و انا مستانسه وطلعت
انا طول الحلم كنت لابسه عبايه و شيله و الحريم يلي دخلت عندهم كانو لابسين مخور و شيله صلاه وكان في ريايل لابسين كنادير بيض بعد قاعدين معاهم بس انا ما قربت صوبهم ولا سلمت عليهم او كلمتهم

ارجو مسح البيانات

الموضوع: حلم دخلت بيت رجل غريب

أدوات الموضوع

عرض

مشاهدة المواضيع

حلم دخلت بيت رجل غريب

المزيد من آخر المواضيع من نفس القسم:

المواضيع المتشابهه

منو الذكية اللي بتساعدني في سالفة خدمة البلاك بيري؟؟؟ شي غريب

أشياء لا تعلمها يستطيع جهازك النقال فعلها غريب غريب غريب ..

من الواقع بشكارة فلبينية تفضل خدمة الكلب عن خدمة أسرة مواطنة