حلمت بزوجي المتوفي

[apiuser]

السلام عليكم ورحمة الله .. حلمت وكأني على اتصال مع زوجي المتوفي حسيت من صوته تعبان وماامداني اتكلم الا قال سكري بفتح لسوزان ( بنت اخوه ) وانا جلست على الخط وكأن فيه كاميرا كاشفه لي مكانه ، فتح الباب لسوزان وجلست اشوف المكان اللي جالس فيه وانتظر اشوفه كان مكانه زينه ولبسه نظيف جا وجلس على الكنب وكان بصره باتجاه الامام مايلتفت وكان وجهه اصغر مما كان بالواقع لكن كان منحقن اقصد وجهه ومتضايق وجات بنت اخوه وقفت تناظره ولااحد فيهم يتكلم وكانت كاشفه شعرها ولاكانت حاطه ميك اب ولافه جسمها بعبايه وتناظره بصمت ، وكاني جيت وجلست جنبه وحطيت راسي على صدره وحضنته وقلت انت تعبان ليه رحت الشرقيه الا عصب بدون مايتحرك دره من جسمه او حتى يتغير نظره وقال انتي اكلي تبن وخفت ورفعت راسي من صدره وصحيت من الحلم .. انا لما صحيت حسيت كانه زعل ليه جيت وهو قال لي سكري بفتح لسوزان .... ياليت الاقي عندك تفسير جزاك الله خير

المزيد من آخر المواضيع من نفس القسم:

• [تفسير مستعجل خاص]حلم السفر
• [تفسير مستعجل خاص]الجوال
• [تفسير مستعجل خاص]حلم السيارة
• [تفسير مستعجل خاص]حلم غريب
• [تفسير مستعجل خاص]طعن بالسكين
• [تفسير مستعجل خاص]تحلمت بالوزغ
• [تفسير مستعجل خاص]فساتين
• [تفسير مستعجل خاص]حلمت ان باب بيتي مفتوح
• [تم التفسير] [تفسير مستعجل خاص]تفسير حلم عن متوفيه
• [تم التفسير] [تفسير مستعجل خاص]تفسير حلم ولدت بنت