حلمت جنيه

[حلمي]

السلام عليكم

من يومين شفت حلم يروّع .. حلمت اني قاعده في ممر بيتنا واكل موزة وفي وقت متأخر من الليل فجأة انفتح الباب وقلت اكيد احد من اخواني جاي متاخر خبيت الموزة وعدلت وضعية الجلوس شفت ايد تفتح الباب وكأنها امي ف قلت شكلها امي كانت ف المطبخ بسس شفت وحده ترووع 😭 قصيرة وشعرها طاير وكلها سواد بسواد ماتبين ملامحها كانت بتدخل البيت بس شافتني ووقفت وبدأت تقول كلام مش مفهوم والصوت يبين وااايد بعيد رغم انه المسافة بيننا كانت مترين تقريبا او ثلاثه المهم حاولت اقول بسم الله ماقدرت حسيت لساني انشل وماقدرت اتكلم هنيه استوعبت انه اللي قدامي جنيه قلت بحاول اقرا قرآن بقلبي بديت بسورة الصمد وبعدين آية الكرسي وانا اقرا حسيت قلبي وعيوني بيطلعون من مكانهم ولساني ابدا ماقدرت احركه ومع هالاحساس كنت اقول خلاص شكلها شوي وبتختفي .. وبعدها صحيت من النوم على إقامة صلاة الفجر وماذكر هي اختفت قبل اصحى او لا .

شفت الحلم تقريبا الساعة ٤ الفجر وقبل لا انام كنت صاحيه توضيت وصليت وبعدها نمت وشفت الحلم.

* في العاده اذا بفسر حلم حتى لو يروع اكتبه عاادي هالحلم وانا اكتبه احس قشعريره بجسمي كله
عمري 28
عزباء

المزيد من آخر المواضيع من نفس القسم:

• [تفسير مستعجل خاص]حلم السفر
• [تفسير مستعجل خاص]الجوال
• [تفسير مستعجل خاص]حلم السيارة
• [تفسير مستعجل خاص]حلم غريب
• [تفسير مستعجل خاص]طعن بالسكين
• [تفسير مستعجل خاص]تحلمت بالوزغ
• [تفسير مستعجل خاص]فساتين
• [تفسير مستعجل خاص]حلمت ان باب بيتي مفتوح
• [تم التفسير] [تفسير مستعجل خاص]تفسير حلم عن متوفيه
• [تم التفسير] [تفسير مستعجل خاص]تفسير حلم ولدت بنت