خايفه ما اقدر ايب عيال

[مشكلتي]

السلام عليكم

انا ابي اقوللكم يلي صار معاي ممكن الاقي وحده تعطيني امل او تدعولي دعوه حلوه قصتي بدت يوم كان عمري 18 سنه كنت اساعد الخدامات في تنظيف البيت وكنت اشيل أشياء ثقيله وانا اشيل نقع ظهري وياني الم فضيع بس اهملت الموضوع وما رحت المستشفى مع مرور الوقت قام الألم يزيد ورحت لكذا دكتور كانو يسولي اشعه ويقولو مافيج شي ومرت السنوات الين صرت 22 سنه ويت فتره ماقمت اتحمل الألم الين خذيت موعد عند دكتور كوري وسوالي اشعة ام اراي شاف الاشعه و شاف ظهري وضغط ع أماكن الألم صح عقب قالي انا مصدوم ومب عارف شو اقولج انتي بعدج صغيره ع هالشي بس انتي عندج الدسك عندج فقره مدمره وفقرتين شبه مدمرات وقالي انتي كيف كنتي تتحملي الألم قلتله اني كنت اروح لدكاتره بس يسولي اشعه عاديه ويقولولي مافيج شي طبعا قالي انا ما اقدر اسويلج شي بس لازم تسوي رياضه وتخفي من وزنج قد ما تقدري وقتها سئلته شو ممكن ياثر علي هالشي قالي فوايد أشياء فسئلته لو تزوجت وحملت عادي ولا ممكن ياثر علي قالي ما اقدر اقولج شي اكيد بس هو بياثر عليج بدون شك وفي حالات للأسف الحمل ما يثبت عندهم طبعا انا ما عطيت للموضوع اهميه كبيره وللأسف حالتي بدات تدهور الحين انا عمري 25 سنه وللحين ما تزوجت واي مجهود كبير اتعب وايد واتم راقده ما اقدر اتحرك ومره كنت اجهز اغراضي للسفر عقب ما خلصت نمت وقمت ورحت المطار بس ياني الألم كان ينزل ع ريلي كامله بس هالمره صارلي نفس تشنج تميت واقفه لاني قادره احرك ريلي ولا قادره اقعد ولا أي شي كان الم فضيييييع الله لا يراويه لحد لدرجه اني واقفه فنص المطار اصيح لاني مب قادره ارفع ريولي من الألم طبعا الأيام قاعده تركض وانا للحين ما تزوجت وطبعا حلم كل بنت انها تيب عيال وتكون اسره صغيره بس احس هالحلم قاعد يضيع بس ابي حد يعطيني لو امل بسيط ويكون مر بنفس حالتي ويقولي في امل اني ايب عيال ولا لا طبعا انا ادري و مؤمنه ان مافي شي مستحيل وان رب العالمين قادر ع كل شي بس كنت ابي اسمع ارائكم و اعرف اذا في امل ولا لا وشكرا لكل وحده قرت الموضوع ودعتلي دعوه حلوه و كل وحده ردت وكتبتلي وشكرا

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

عالجي نفسك وحاولي ترتاحي وماتشيلي اغراض ثقيلة وكل فترة شيكي على صحتك
ولاتقلقي من المستقبل كله بيد الله ترى الحمد لله مشكلتك مو بالرحم عشان تكبري المسألة
ثقي بالله ووكلي امرك له فقط عالجي المشكلة وامورك ان شاء الله بخير

[وجدان الفجر]

أختي, الانزلاق الغضروفي( انزلاق الدسك ) والفتق الغضروفي وكسر الفقرات وحتى تآكل الفقرات معرض لها أي شخص حتى ولو كان طفل ! يعني مب بس تصير لكبار السن ممكن تصير في اي عمر , هناك عوامل ممكن تزيد القابلية للتعرض لمشاكل الدسك او الفقرات والغضاريف وهناك اسباب قد تؤدي لها مثل الحوادث والسقوط وهشاشة العظام وغيره .شفت كذا شابة صار عندها انزلاق غضروفي وسوت العملية والحمدالله شفيت , وحدة منهم بنت عمرها 18 سنة فجأة حست بألم في الظهر نزل على رجلها وفي المساء فقدت الحركة ويابوها أهلها عندنا المستشفى وبعد الأشعة قال الدكتور: الغضروف منزلق وخانق العصب ودخلت العمليات والحمدالله ثاني يوم رجعت تمشي طبيعي.
كل هذه الحالات لها علاج , سواء علاج جراحي او علاج تحفظي بالحقن او العلاج الطبيعي والحين بعد يستخدموا القسطرة لعلاج الانزلاق الغضروفي مما سهل العملية كثير , والفقرات المكسورات او التالفات يتعوضن بفقرات صناعية بدون أي مشاكل ومن مواد يتقبلها الجسم . وما في شي أسمه ما اقدر اسوي لج شي مثل ما قالج الدكتور!!! لأنه يقدر يسوي لج عملية ! روحي لدكتور ثاني ودكتور ثالث ! الخطورة انه لو الانزلاق الغضروفي ضاغط على عصب بشدة ممكن لا سمح الله يضر العصب وتتأثر عندج الحركة او الجزء الوصول بهذا العصب . موضوع الحمل ما يخصه مايمنع الحمل , أعرف وحدة عندها انزلاق غضروفي في كذا فقرة وحملت وولدت مرتين قبل ما تسوي العملية وبعد العملية بعد الحمدالله حملت وولدت .
لا تفكري بموضوع الحمل والولادة لأنه مثل ما قلت لج ما يأثر وسألي بعد دكتورة نسائية وبتخبرج و الولادة لو الولادة الطبيعية كانت صعبة في بعض الحالات ففي الولادة القصيرية , ولكن لصحتج وعلشان ما تعيشي مع الألم المستمر وعشان حالتج لا تسوء لا سمح الله , روحي لدكتور ثاني ودكتور ثالث وإذا محتاجة للعملية لا تترددي في عملها . ولكن الاستخارة في كل شي أمر أساسي
الله يشافيج ويعافيج

[رسايل غلا]

اختي لا تشلين هم لانه كل شي بأمر رب العالمين
انا حرمة اخوي فيها الدسك بعد وعندها عيال لكن الدكتور او الدكتورة اللي فحصتها قالتلها لازم تريح عالاقل سنة وما تحمل ولازم تمارس السباحة لانها مفيدة وايد
مارسي السباحة لو تقدرين مع العلاج الطبيعي وان شاء الله بتكونين بخير

[الدكتورة سعاد]

ان شاء الله تتزوجي وتجيلي عيال.الحين فكري في علاج حالتك الخالية وابتعدي على التوتر النفسي لانه مسبب قوي للالم .بالنسبة لعلاج ظهرك ورجلك اتجهي للعلاج بالمساج والحب البديل وان شاء الله سوف تتخلصين من كل هذه المعاناة.مع دعائي لك بالشفاء والصحة والعافية يارب.

[Ward-uae]

هذا مب سبب انج ما تعرسين شوفيني عندي القلب وكم عملية مسويين لي من يوم صغيرة والحمدالله عرست وعندي عيال
انتي اذا متينه اضعفي احيانا الوزن الزايد يسبب الم الظهر
اتحركي وامشي وشوفي التمارين اللي تناسب حالتج حتى تقوى عظامج ويخف الضغط على جسمج كامل مع الظهر
اشربي حليب الاهمال في الصغر وقلة الكالسيوم في الصغر يسبب هشاشة للعظام وألم في العظام كامل واي مجهود يسبب آلام كبيرة