زواج

[مشكلتي]

سلام عليكم ..
اني ما عندي احد اخد برايه و اخاف أخطأ التصرف عشان كذا لازم اسالكم
اول شي اني ادخل الالعاب في النت و فيها دردشه .. تعرفت على واحد حاله صعب بعد ما فقد زوجته الله يرحمها و بعدين مرض هو عرض علي موضوع الزواج
بس اني احس هذا الشي صعب
هو مو من بلدي بس قريب جدا من بلدي
وضعه المادي زين .. الخ
لكن احس ان في مشكله ان هو مو من بلدي و مو من طائفتي برغم اني احس هذا الشي عادي لاكن البنت لازم تكون تحت رضا اهلها ..
ونفس الوقت اني اشك انه مو صادق ..و نفس الوقت اني متعاطفه معه ..احس صعب اقول له اسمي عشان اذا هو صادق يخطبني ..وبعد أني صغيره 17سنه هو اكبر من بسبع سنوات ..وبعد ما ادري شنو العيوب لزواج من شخص متزوج من قبل ..و هو من عائله معروفه بس ما اعرف غير الي قال لي ..
بالنهايه اني خايفه على سمعتي اذا كان كذاب و بعد اذا انسالو من وين يعرفونه ؟ ويش يقولون ..اني ما ابغي اهلي يدرون اني اصرف كذا ..احس الوضع صار صعب و اني اخاف ولا اقدر اواجه اهلي و اذا قلت الى امي بتحرمني من التلفون وبتعصب ..و ابوي وايد عصبي
ارجوكم انصحوني..و اذا هذا غلط قولو بي شلون انسحب ..
مشكورين .لو سمحتم نزلون مشكلتي لان ما عندي احد اساله

الله يجزيكم الخير

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

ببساطة اعطيه طاف ... احذفيه من البرنامج اللي تعرفتي عليه ولاعاد تدخليه
وحكمي عقلك واتركي التعاطف اللي ممكن يوديك للندم

[Nooraabdalaziz]

وعليكم السلام ورحمته تعالى وبركاته انصحك اختي بالابتعاد عنه باسرع وقت ولا تتمادي ممكن يسبب لك مشاكل انتي في غنى عنها انته لسه صغيره ركزي في دراستك الحين واتركي اللعب مع الشباب لا تغضبي ربك واهلك وانتي عارفه انه هالشي غلط
احذفي كل البرامج هذي وركزي على نجاحك وتفوقك العلمي انتي محاسبه امام الله استفيدي من وقتك في اشياء منها فائده

[ام احلى بنات]

السلام عليكم و رحمة الله و بركاته

اضافة الى كلام الخوات ، انت عارفة ان اساسا مش مناسب لج

1. اول شي من غير بلدج، يعني لو سيرتي لعنده بتكونين بدون اهل و عزوة و خبرة بالحياة
2. ثاني شي متزوج من قبلج، و شو اللي جابرنج تاخذين واحد مطلق و انت بنت صغيرة
3. من غير مذهبج او طائفتج ، اختي هذا الموضوع استوى خطير و حساس ، خاصة انج ما بتكونين موجودة قريب اهلج.

اخت هذا الشخص مش مناسب لج و لو خذتيه (و طبعا هذا الشي وايد صعب لان الاهل اكيد بيرفضون) بتكونين ضعيفة و بدون اهل.

[غزالة AD]

عوفيه

[رسايل غلا]

اختي ابتعدي عنه وريحي نفسج، اللي يدردشون عالنت اكثرهم لعابين وانتي بعدج صغيرة اساسا وهو لو يباج صدق ما بيألف
قصة انه كان متزوج وزوجته ماتت...الخ واساسا واضح انه سنه صغير مب اكبر منج ولا شي، بالعقل فيه واحد متزوج يدش العاب ودردشة!
اتريي نصيبج بالحلال والطريق الصحيح، وهو لو صادق ويبا يتزوج ما بيدور وحدة عالنت وفي موقع العاب
الله يسهل امرج ويهديج للصواب

[Rori_]

مسحيه وانسي البرنامج وبعدج 17 سنه صدقيني من توصلين العشرين بس بتشوفين كيف انه هذا الشيء كان ممكن يسبب لج مشاكل وينهي مستقبلج، ركزي ع مستقبلج بعدج صغيره فكري بأشياء أكبر من هذا زواج حتى انتي مش متأكدة منه والأغلب يجذب عليج ..... ركزي ع الدراسه وبناية مستقبلج أما هذا اقلعيه وبعد خمس سنين بتقولين الحمدلله اني سويت جذيه

[وجدان الفجر]

السلام عليكم و رحمة الله و بركاته

اضافة الى كلام الخوات ، انت عارفة ان اساسا مش مناسب لج

1. اول شي من غير بلدج، يعني لو سيرتي لعنده بتكونين بدون اهل و عزوة و خبرة بالحياة
2. ثاني شي متزوج من قبلج، و شو اللي جابرنج تاخذين واحد مطلق و انت بنت صغيرة
3. من غير مذهبج او طائفتج ، اختي هذا الموضوع استوى خطير و حساس ، خاصة انج ما بتكونين موجودة قريب اهلج.

اخت هذا الشخص مش مناسب لج و لو خذتيه (و طبعا هذا الشي وايد صعب لان الاهل اكيد بيرفضون) بتكونين ضعيفة و بدون اهل.