بلاهم الرياييل

**قصص** · 2007-10-31, 15:28

السلام عليكم

ادش في السالفه على طول

ما تلاحظون انه الرياييل في بلادنا ما يقضون حاجات اهاليهم

لا ريل منه فايده ولا اخو منه فايده

يشوفون اهل بيتهم عندهم حايه او مشكله او معامله في جهه معينه

بس ما يفزعون يخلون الحرمه بروحها تراكض ورا حاجتها ترمس

فلان وعلان وهم همهم بس يسيرون رحلات ويا ربعهم والا يبرزون في الميلس

والا عزايم ////////

والله غصه /// هالزمن زمن الحريم // والا الريال احسنله يلبس

شيله وعباه ويتبرقع بعد

انا ما كتبت الموضوع الا عقب ما جفت ربياعتي شقا يعانون وحتى

حريم من هلي // ويمكن انا بعد

انعدمت الشهامه يا ترى والا اشوه السالفه

شاركوني في الموضوع وقولو رايكم بصراحه

رياييلكم يحلون المشاكل اللي تتعرضون لها والا يخلونكم

ادقون براسكم شرق وغرب وهم يطمشون

المزيد من آخر المواضيع من نفس القسم:

**ام رشوودي** · 2007-10-31, 15:34

والله صدقتي

**قصص** · 2007-10-31, 15:37

المشاركة الأصلية كتبت بواسطة ام رشوودي

والله صدقتي

منوره الغاليه

**NonaSecret** · 2007-10-31, 15:38

هذا من وجهة نظري يعتمد ع التربية في البيت وإذا الوحدة ربت عيالها ع المسؤولية بيظهر ريال والنعم فيه لا تلومين الريال لاومي أمه .. الأم مدرسة إذا أعددتها ,, أعددت شعبا طيب الأعراق
اللهم لا تبتلينا مما أبتليت به كثير من الناس ... عافانا الله
الله يهديهم إن شا الله ..

**قصص** · 2007-10-31, 15:45

المشاركة الأصلية كتبت بواسطة NonaSecret

هذا من وجهة نظري يعتمد ع التربية في البيت وإذا الوحدة ربت عيالها ع المسؤولية بيظهر ريال والنعم فيه لا تلومين الريال لاومي أمه .. الأم مدرسة إذا أعددتها ,, أعددت شعبا طيب الأعراق
اللهم لا تبتلينا مما أبتليت به كثير من الناس ... عافانا الله
الله يهديهم إن شا الله ..

وحليلهم امهاتنا ربوهم وما قصرو وعلموهم يعتمدون على عمارهم

لكنهم شو سووو تحملو مسؤلية عمارهم وبس

وتركو اهلهم

الزمن تغير

امايه تقول يوم ابويه موجود الله يرحمه كنا ما نحتاي شي متحمل مسؤلية

كل شي

والا الحينه الريال حتى الحرمه تفزع له وهوه راقد ويناخر بعد

مشكوره الغاليه

**...(مريّة)...** · 2007-10-31, 16:05

طبعا مب الكل بس الأغلبية ، وااااااااااايد
رياييل مافيهم غيرية ، ما يصدق الحرمة تعاونه شويه إلا
عق عليها المسؤولية كاملة
الله يهديهم

**قصص** · 2007-10-31, 16:13

المشاركة الأصلية كتبت بواسطة ...(مريّة)...

طبعا مب الكل بس الأغلبية ، وااااااااااايد
رياييل مافيهم غيرية ، ما يصدق الحرمة تعاونه شويه إلا
عق عليها المسؤولية كاملة
الله يهديهم

فاقدين الغيريه

والا شقا يخلون حريمهم يخلصون معاملاتهم بين الرياييل

سامحوني ارمس من قهري

ومشكوره

**منهالية** · 2007-10-31, 18:22

صدقتي والله الريايل مامنهم فايده هالزمن الحرمه لازم تعتمد على نفسها بس

**خيالية** · 2007-10-31, 18:43

وياج وياج يالغاليه...أونه يستحي ...مايحب ينزل نفسه ومايحق يطلب جدام الرياييل...بس إنتي يالحرمه عادي...لا غيره ولاحشمه ولا كرامه...

الله المستعان..

**قصص** · 2007-11-01, 01:11

المشاركة الأصلية كتبت بواسطة خيالية

وياج وياج يالغاليه...أونه يستحي ...مايحب ينزل نفسه ومايحق يطلب جدام الرياييل...بس إنتي يالحرمه عادي...لا غيره ولاحشمه ولا كرامه...

الله المستعان..

هيه فكرته انه ما يروم يرمس عسب ما ينزل من عمره

انزين فيه امور ما تعتبر انها تنزيل من الشان لكنهم ما يخلصونها

مشكوره

**نعنوشة** · 2007-11-02, 19:25

للاسف كلامج في محله
صرنا بزمن انعدمت فيه الرجولة
تشوفين الحرمة هي الي تراكض وهي الي تسوي كل شي
والريال مبقق عيونه،،لا وبعد في حريم يشتغلن وريايلهم في البيت رقوود(الله يهديهم )

بس احيانا تكون الغلطة من الحرمة هي الي تعود الريال على الراحة
يعني مثلا في حريم يودون عيالهم الحلاق وخيايط الكنادير
حق شووووو؟؟ خليه هو الي يسوي،،خليه يتحمل المسؤلية
ومحد بيلومج ،،بالعكس الكل بيلومه،،

ومثل ماقالوا الخوات كله يعتمد ع التربية

اختكم نعنووووووووووووشة

**أم بو مايد** · 2007-10-31, 15:39

يعرفون انه الحرمه تقدر اتسوي كل شي بدونهم

الحين الحرمه صارت مثل الريال ما في بينهم فرق

طبعا هم عايبنهم وساكتين لانهم مفتكين من صدعه الراس

**قصص** · 2007-10-31, 15:47

المشاركة الأصلية كتبت بواسطة أم بو مايد

يعرفون انه الحرمه تقدر اتسوي كل شي بدونهم

الحين الحرمه صارت مثل الريال ما في بينهم فرق

طبعا هم عايبنهم وساكتين لانهم مفتكين من صدعه الراس

لكن تعبنا والله

ترا صعب الحرمه تسوم ويها في كل مكان

مشكوره

**cheeseburger** · 2007-11-01, 16:54

المشاركة الأصلية كتبت بواسطة أم بو مايد

يعرفون انه الحرمه تقدر اتسوي كل شي بدونهم

الحين الحرمه صارت مثل الريال ما في بينهم فرق

طبعا هم عايبنهم وساكتين لانهم مفتكين من صدعه الراس

**الوتر الحساس** · 2007-10-31, 15:44

في ريايل مثل ما قلتي وفي ريااايل والسبعة أنعام فيهم بس تقدرين تقولين قلّ عددهم في مثل هذي الأيام
ومثل ما قال حافظ إبراهيم :
من لي بتربية النساء فإنهم .. بالشرق علة ذلك الإخفاق
الأم مدرسة إذا أعددتها أعددت شعبا طيب الأعراق

ويقول ثاني :
وينشأ ناشئ الفتيان منا ع ما قد عوده أبواه

يعني كلااا من إنائه يغرف

الموضوع: بلاهم الرياييل

أدوات الموضوع

عرض

العرض المتطور

بلاهم الرياييل

المزيد من آخر المواضيع من نفس القسم:

المواضيع المتشابهه

شات كل الاوقات مب بس فالليل البرزه(87) حآآن موعد سفرهم ويل حالي بلاهم

بلسان ربيعتي : بيـاخذون اعيالي مني ماقدر اعيش بلاهم !!!

معلش يعني البدون شو بلاهم ،، ؟؟؟؟؟؟؟

شوه بلاهم الاماراتيين تخبلوا انجنوا !!!!!!!!

وأنا أقول بلاهم القروود مناقز ونشاط((هاي فعايل الموووووز))