خطيبي يستخدم ذكائه عليه

[مشكلتي]

خطيبي يقولي لاتروحين المكان الفلاني لأن ربعه يروحون هناك ومايبي يسمع رمسة من حد

انا قلت له اوكي مابسير وفعلا ماسرت

الحينه يقولي كلام قهرني
قالي انا قلت لج ليش لاتسيرين اذا اقتنعتي زين واذا مقتنعتي الأمر لله

يعني يستخدم ذكائه اونه عشان شو مدري!!

المفروض يقولي لاتروحين مب اذا اقتنعتي

شو ارد عليه ؟

خطيبي الأولي كان غير غير كان يقولي غصبن عنج لاتروحين مب هذا

مب عايبني أسلوبه

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

اول شي انتي صارحيه شوفي ليش اسلوبه كذا ؟؟
وهذه فرصة تفهمينه وتعرفين شخصيته
الامر الثاني لاتقعدي تقارني خطيبك بالاولي انتبهي
لانه اكيد في ميزات لكل واحد فيهم
اذا تبي تعيشي عموما لاتقارني بأي شخص فالله معطي لكل شخص ايجابيات وسلبيات
واخيرا استخيري الله في كل خطوة تعمليها

[تفاحتي]

ماشوف فيه ذكاء زوج المستقبل
بالعكس
هذا ما يعرف شو يبا 

يمكن وأظن ان يبا يتكلم معاج بإسلوب حضاري يعني
ف يقوم يتنقى الكلام

الله يعيينج هالنوع متعب مايعرف شو يبا

[وجدان الفجر]

ماشوف فيه ذكاء زوج المستقبل
بالعكس
هذا ما يعرف شو يبا 

يمكن وأظن ان يبا يتكلم معاج بإسلوب حضاري يعني
ف يقوم يتنقى الكلام

الله يعيينج هالنوع متعب مايعرف شو يبا

هذا الرد اللي كنت برده بصراحة وسبقتني له الأخت (تفاحتي )
وين الذكاء في كلامه ؟
تكلمي معاه بصراحة ووضوح من بدايتها واسأليه شو يقصد ؟ وأنه اسلوبه هذا يضايقج .
لا تقارني بين خطيبج هذا وخطيبج السابق .

[غلآ نفسي]

ما فهمت شي

[المعآني]

شكلج كنتي تبين تسيرين وفاتج ههههههههه
احسه من الطيبة مرات يحسون انج زعلتي فيقولون عقب خلاص عادي

[Ward-uae]

ههههه
يعني لا عيبج العصبي ولا اللي يسايسج
اشوف انه انتي اللي تستخدمين ذكاءج بزيادة وتقارنين بينهم
أرسي على بر وصارحيه

[رسايل غلا]

للأسف ما فهمت شو السالفة او بالأحرى الجملة اللي قالها مب مفهومة

[ام احلى بنات]

كل اللي فهمته انج تقارنين بين الاولي و الثاني و هذا اكبر غلط

[sa7el]

كيف يعني خطيبج ويتامر عليج على اساس منو هو؟
وين أبوج وامج واخوانج؟؟؟

لو ملج عليج هيه نعم تسمعينه وتطيعينه اما الحين على اي اساس تكلمينه؟

[ريم العسووله]

بقول لج من الآخر ، لا تصيرين أمعة لأي رجل خليج انسانة مستقلة بتصرفاتها و كيانها و محد له سلطة عليج ، دوري لج واحد يعزج و يحترمج و يقدرج و يعاملج كأنثى لها كيان و شخصية ، مب واحد يتحكم في التفاهات و طلعاتج و دخلاتج و هالخرابيط ، واحد يشاركج حياته ، مب واحد يعتبرج ملك له و يقيدج و كل حركة منج محسوبة عليج ...

أسمحي لي لا الخطيب الاول و لا الخطيب الثاني يصلحون لج و نصيحة مني أتركيه دامج عالبر ، الكتاب من عنوانه و هالأشكال من اللحين أقول لج ما يصلحون للزواج ، الا اذا أنتي كنتي حابة تربطين من هالنوعية من الرياييل كيفج ... أنا علي أني نصحتج