تعبت من أهل ريلي

[قلبي روضة]

هلا اخباركم حببت افضفض لكم وعطوني نصايحكم
انا عايشه بيت أهل ريلي وعمتي احبها وايد وهيه تحبني بس بناتها ذبحوني يدخلون في كل شي كرهت كل شي هناك انا وريلي نداوم رواتبنا ع قدنا والحمدلله ونعطي مصروف البيت وأي شي ينقص في البيت يعقون علي كلام أو عمتي نقصها شي ومحد عطاها مايقولون لريلي كله يعقون علي نغزات ويجرحوني وانا اضايق انزين خبرو ولدكم ويقارون ف البيت بيني وبين حريم اخوانهم الثانيين وكله حد ينقل كلام في بيتهم ويتكلمون عني وعمتي تحب حريم عيالها الثانيين اكثر مني بوايد تشل عيالهم وتحبهم حتى ابو ريلي مااعرف ليش مع اني هاديه وأحب الكل بس مدري ليش جي يعاملوني الغلط مني ولا منهم بس حريم عيالها الثانيين يودونها اي مكان تبا ويعطونها اي شي تبا انا اعطيها اقل منهم ولا اوديها مكان لأني يديده ع السواقه وبحكم انها ادلع عيالهم وجي ياخذولها كل شي وانا احيانا أخذ بس اقل ع حسب ميزانيتي وأحيانا أقول ليش اخذلها وجي ماتستاهل ماتسويلي شي لا تشل عيالي ولاادلعهم مع اني الوحيدهً اللي اقرب لهم ابا اعرف المشكلة يمكن فيني حتى ريلي يحبونه اقل من عيالهم الثانيين ماابا أقولهم انتو جي وجي مااحب اجرح حد ولااجبر حد يحبني بس تعبت من جو بيتهم ولا اقدر اطلع بيت روحي كيف اتعايش معاهم نفسيتي تعبت حتى خوات ريلي احيانا وحده فيهم تسالني متى بتروحين بيتكم امج ومتى دوم انزين شو تبا فيني تبا الفكه كرهتهم كلهم والله ادعي دوم الله يعوضني ويرزقنا البيت وافتك منهم مع ان في داخلي وايد احبهم كلهم وأعزهم بس بديت اكرهم كلهم شوي شوي أقول احيانا يمكن اكبر السوالف وهم مب قصدهم مااعرف إحساسي صح ولا بس يوميا نفس الموال وعمتي وعمي موول مب مسوين لعيالي اعتبار احيانا يحظنونهم بس لا ياخذون لهم شي ولا يحبونهم الله يسامحهم والله وهييلاك دلع من الخاطر وأكثر الناس ملعوزين عمتي عيالهم طول الوقت عاقين عيالهم عندها ولا تقول شي وانا عيالي مول ماتشلهم ولاتقولي خليهم عندي موول مع ان عيالي والله هادين ومب مشاغبين بزيادة بتقولون انتي اهتمي في عيالج اوكي بهتم بس هم ليش جي يعاملوني انا ماابا الاهتمام بس ع اقل احترموني انا في بيتكم والله شايله في قلبي وايد عليهم والله يسامحني اذا غلطانه ف شعوري حبيت افضفض لكم وابي نصايحكم وكيف اتجنبهم وادعولي الله يعوضني

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المعآني]

هلا حبيبتي سبحان الله كاني اقرى مشكلتي في بداية زواجي في الاخير اكتشفت السالفة وما فيها اني انا اتريا دوم هم يبادرون ويهتمون وانا اساسا من كل النواحي مثلج في الهدايا وغيره اهتمامي أقل قويت ثقتي بنفسي ما قمت انجرح من اي شي قمت اسو توزيعات مرة بالشهر اذا تجمعنا لليهال واكتب مرات انها اهداء من عيالي قمت اهتم اكشخ عيالي اكثر واهتم فيهم شوي شوي قمت اتميز في أمور ثانية وقاموا يمدحوني واخذ اهتمامهم اتركي الحساسية بتتعبين هم كبار في العمر ومن طيبتهم ما يقدرون يخشون محبتهم هذا شي عادي صدقيني المشكلة حلها بيدج خلج في جو اجتماعي يفيد عيالج رغم السلبيات لان لو طلعتي من البيت بتعزلين نفسج عنهم اكثر واكثر

[قلبي روضة]

شكرا المعاني
190 مشاهده ولا فكرتو تردون الله يسامحكم 😩

[Ward-uae]

يا حظج انج عايشه عندهم داومين ومطمنه انه عيالج عندهم او لا سمح الله مرضوا تقدرين تشلين المريض وتخلين الباقيين معاهم
لو ما يشلوهم او يبنون حبهم لكن اقولج انج انتي اقرب وحده لهم
حافظي على النعمة اللي انتي فيها صدقيني بتسكنين في بيت بروحج وايدج على قلبج تحاتين عيالج ولا انيس ولا ونيس لو داومين العيايز سوالفهم غير
اذكري الله ورتبي وقتج الصبح انتي دوام والعصرية لعيالج وبعدها يلسي عند عمتج وباجر يوم يديد ان شاء الله
الحياة حلوة وسهله لكن الشخص نفسه يخليها حزن وكآبة
لا تحتكين مع حمياتح شكلج من النوع اللي يتحسس خلي معاملتج معاهم باحترام يمكن من طيب نيتها تسألج تخاف تفتقدج فكري بطريقة إيجابية لا تكونين دوم سلبية

[ليندااااا]

السكن في بيت اهل الزوج مشكلة
الانفصال هو الحل
الله يقدركم وتطلعون لبيت بروحكم

[hamoudmam]

اختي لا تتضايقين من هالشي و لا تخلينه شي كبير ..انتي بنفسج قلتي انتي ما تعطينهم و لا تطلعين عمتج نفس باجي حريم عيالها فطبيعي اهتمام عمتج يكون اكثر عيالهم ...تقبلي الأمر برحابة صدر دام بروحج تعرفين سببه ..و لا تخلي هالشي يأثر عليج و على عيالج ..ارضي و لو بالقليل من اهتمامهم احسن من عدمه و كثر خيرهم على اي حب و اهتمام يقدمونه فالنهاية هذيلا حسبة والدتج و والدج و بيي يوم يتمون ذكرى ..و تذكري شارك برأيك

    

يقول الله تعالى في كتابه الكريم: {وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ *وَمَا يُلَقَّاهَا إِلاَّ الَّذِينَ صَبَرُوا وَمَا يُلَقَّاهَا إلا ذُو حَظٍّ عَظِيمٍ} (سورة فصلت الآيتان (34 - 35).

فمابالج هم ما فيه عداوة ما بينكم ..
انتي اهتمي بعيالج و بنفسج و بريلج و لا تخلين عيالج يحسون بأي فرق فالمعاملة بينهم و بين باجي العيال و دوم التمسي جدامهم العذر ليدهم و يدتهم عشان عيالج ما يتأثرون بهالشي..و حاولي اغلب الوقت تطلعين عيالج و تستانسين وياهم و تعوضينهم بطلعات حلوة و باهتمامج ..
و مرحلة و تعدي على خير ..لا تكونين وااااايد كلوز و لا تقطعين ..و عمتج هي عمتج مب والدتج و عمج هو عمج مب والدج فلا تترين منهم يعاملونج ويعاملون عيالج نفس والدتج و والدج الا اذا قاموا من نفسهم بهالاسثتناء ...