كيف اخلي حبيبي يتقدملي؟

[Bent_uae_dxb]

سلام عليكم .. بدش فلموضوع ع طول
انا اكلم شخص صارلي معاه ست شهور عقولته يحبني وجذه لكن مشكلته ابدا مافاتحني بموضوع الزواج خير شر
وكم مره جسيت نبضه وقتله اذا هلي جكوني بعطي رقمك حق ابويه يقول عادي
المهم انا مابي اهلي يجكوني واطيح من عينهم لا
انا ابي افاتحه بهالموضوع .. بس شقايل
مابيه يعصب او يحرجني عشان مايطيح من عيني
ابي اقوله كلام ويخطبني ..

المزيد من آخر المواضيع من نفس القسم:

• اهم الاخطاء التي تقع فيها الفتيات المراهقات
• اهم نصائح للبنات عند دخول مرحلة المراهقة
• نصائح مهمة للبنات وقت الدورة الشهرية
• نصائح حياتية هامة لكل بنت
• اهم نصائح للبنات في أول سنة جامعة
• اهم نصائح للفتيات المراهقات في جميع المجالات
• اهم نصائح للفتيات خلال فترة الخطوبة
• لكل فتاة تعلمي اتيكيت الكلام
• اهم نصائح لأناقة الفتاة قصيرة القامة
• هل هاذه الشي طبيعي ولا!!

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غزالة AD]

اذا ما فاتحج فالموضوع من نفسه مب حلوه في حقج تقوليله تعال اخطبني.
بطيحين انتي من عينه جنج عاقة عمرج عليه.
احسن شي تسوينه تقطعين معاه العلاقة هاي وتقوليله يا ولد الناس انا مب مالت هالسوالف اذا تباني تعال اخطبني من اهلي ودش من الباب.

[غلآ نفسي]

ودريييه

ان ياج يخطبج كان بها ما يا معناته يتسلى

منو قالج اللي يقولج احبج معناته ان هذا دليل كافي للحب ؟؟؟

[ليلى24]

ماشي طريقة تخلي يتقدملك .. لازم هو لي يبادر لو يباك بس لا اكثر ولا اقل..ونصيحتي ابتعدي عن هالطريق واشغلي نفسك بشي مفيد ليش شايلة هم الزواج ومتعبه عمرك مع الشباب؟!

[ام احلى بنات]

اختي الكلام الحلو مش دليل الرغبة بالارتباط

خلج صريحة وياه عشان ما اتضيعين وقتج ويا واحد يبغي يتسلى و بس

بس هذا مش معناه انج تفاتحينه برغبتج بالارتباط ، اتوقع طريقة الاخت غزالة الافضل عشان ما تاكدين منه و لا تنزلين من قيمة نفسج

بالتوفيق،،،

[لوكل]

مرحبا عزيزتي

رسالة من قلب لا تخسرين ثقة اهلج وتخسرين دينج وتخسرين نفسج عشان شخص يبى يلعب فقط

قوليلة السموحة يا فلان انا ما ابغي اغلط اكثر وايد ندمانة وهاي مب تربيتي واخلاقي وفعلا تعلقت فيك لكن ما ابغي استمر بالحرام والغلط وشوفي ردة فعله اذا قالج لا انا ابغيج واحبج بيسالج عن رقم اهلج واذا قال برايج اتمنى انج وصلتي الوقت الصح لقطع العلاقة

لا تضعفين خليج قوية انتي تستحقين الافضل

[mrs.abk]

أختي خليه على المحك .. قولي له كاش شو نهاية هالعلاقة .. وقولي له أنا بنية أدور الاستقرار وهالعلاقة بهالطريقة مخلتني متوترة .. وشوفي رد فعله .. والخطوة الثانية ما تردين على اتصالاته اسبوع واللي وراها بلوك من المكالمات والواتس .. وبعدها باسبوع حاولي تغيرين رقمج كامل ,, عطيتيه فرصته 3 أسابيع انه يقول لج اباج وما استغنى عنج وبخطبج وما قالها خلاص بلوك عظيم عليه وعلى سوالفه ..

[عطر رومانس]

مع راي الاخوات

[تفاحتي]

يعني صدقتي انتي


يحبج يمكن بس شو
شعرج لبسج دلعج يعني الاشيا اللي تجذب الرجل

زوووجه ام عياله


ما بيتأخر عليج بييج يخطب مو سوالف وضحك

الله يهديكم

[وجدان الفجر]

لو على قولتج وقولته يحبج , يخطبج ببساطة ! موضوع تكلميه ست شهور ,تراه هذه مجرد تسلية وتقزير وقت بالنسبة له . وأنت غير أنكم الأثنين تغضبوا رب العالمين ,فأنت يمكن تفقدي سمعتج ويمكن تطيحي من عين أهلج وتفقدي ثقتهم .
مثل ما قالن لج الأخوات ,قولي له , أنا ما مال هذه السوالف ولو تباني تعال أخطبني , وأنهي الموضوع وأقطعي علاقتج به .

[سهل لي امري يارب]

كلام الخوات ميتين ميتن بتقولين مااقدر اقطع اتصالي او اني تعودت عليه انسي اختي مثل ماقالن الخوات خبريه انج مب مال هالسوالف وهاي غلطه كلمة احبج مب معناه اني باخذج هي كلمه وتنقال انتبهي لنفسج عزيزتي والله يوفقج

[فتاة يائسة بائسة]

استغفر الله
اتقى الله وابعدى عنه ...هو اكيد بيتسلى بيكى طالما مش فاتحك ف الارتباط ..من ترك شيئا لله عوضه الله خير منه ....
بأذن الله راح برزقك بالاحسن منه ويبقى عايزك ف الحلال

[شوشيتا]

يتسلى .. تلاحقي عمرج

[ورده خضراء]

اللي يحب يجئ من عند الباب والمفروض يحترم هذا الحب

[مالكة عرش قلبه]

حبيبتي الحب مب كلام و بس الحب افعال و دامه ما رسم ف مخيلته وما حط ف باله انه يرتبط فيج و انه ع الاقل يقولج ان شاء الله انكون ف بيت واحد او اتمناج ام لاعيالي معناه يا انه يلعب و يتسلى عليج و ع غيرج او انه مش مستعد و يباله وقت اكثر بس الافضل مثل ما قالن الخوات ابتعدي واذا يباج بيوصلج و بيتقدم و بيفكر بالحلال و هذا افضل حل اما اذا تميتي معاه ف يمكن الحب يكبر ف قلبج و بعدين صعب انج تتخلين عنه

فكري ف نفسج و ف اهلج و تربيتهم و انتي ف النهايه بنت ناس هو ما يرضى ع اخته و اكيد بيموت ف اليوم الف مره اذا اخته كلمت واحد ف كيف بيكون موقف اخوانج طبعا ما ترضين تجرحينهم عشان واحد بعده غريب عنج ومافي بينج و بينه اي شي غير كلام و بس

فكري عدل حبوبه والله المستعان