زوجي وأهلي💔

[ام احلى بنات]

السلام عليكن ورحمة الله وبركاته

أولا فرج الله همك أختي الحبيبة،

وإن مع العسر يسرا ،،،

اختي انا مريت بنفس المشاكل تقريبا (لكن ما وصلت لين يعقون ثيابة و اغراضه في الزباله)، حلج يا اختي باختصار البعد ، عشان الكل يشتاق لج و يحس بقيمتج ابعدي (ما اقول قاطعي اهلج) لا بس خليج بعيدة و مع الوقت بتهدأ النفوس لان كثرة الخصام راح يكسر رابط المحبة الصادقة و الود بينكم .

انت افضل شي سويتيه انك طلعتي بيت بروحج ، لكنك الى الان مش قادرة تستقلي عنهم بدليل انج كل شوي تسيري لهم (انا كنت مثلج في البداية) لكني مع الوقت و الانشغالات خفيت وايد عن زيارة اهلي و عشان ما اكون قاطعة رحم باستمرار اتصل بالوالدة و اطمن عليهم و ازورهم بالويك اند ، لكن مش كل اسبوع.

و ما في داعي تربين عندهم ، لو في امكانية جيبي لج بشكارة "احسن لو تكون طباخة مشتغله و عندها خبره" بهاي الطريقة بترتاحين اكثر.

اختي خفي من زيارة بيت اهلج و لو ما شفتي تحسن بعد لا تسيرين لهم كل اسبوع ، يعني بالشهر مرة الى ان يبدأ يظهر الاحترام من بين جميع الاطراف.