سحب الجنسية

**ALWARD2004** · 2005-11-29, 12:23

السلام عليكم ورحمة الله وبركاته
سمعت انه يتم سحب جنسية الفتاة المواطنة التي تتزوج من وافد وان عليها لازم تحصل موافقة من وزارة الداخلية والا السجن لها وكذلك سمعت انه لا يتم سحب جوازها ولكن يتم معاملتها كوافدة؟؟!! انا مب فاهمة هذا الشي هل يعني عدم حصولها على الوظيفة والترقيات ؟؟ّّّّ!! هل صحيح ذلك؟؟؟؟!!!

المزيد من آخر المواضيع من نفس القسم:

**شمـــ وفا ـــعة** · 2005-11-29, 16:53

ما عندي فكرة اختيه عن الموضوع.. بس أنا اللي سمعته إن أبناء هالمواطنة لا يعاملون كمواطنين وما ينعطالهم جوازات.. ماعرف أي شي ثاني..
إن شالله الخوات يفيدونج..

**DesigneR StylisH** · 2005-11-29, 22:12

اللي سمعته إنه لازم اتيبين أذن قبل الزواج ... بس إذا ما كان عندج أذن وتزوجتي يا ايخيرونج او تنسحب الجنسيه ...

وإن شالله غيري يفيدج أكثر

**صدى حنيني** · 2005-11-29, 23:40

انزين اذا المواطنة تزوجت خليجي هالاجراءات بعد يسوونها ؟؟؟؟؟؟؟

**واثقة الخطى** · 2005-11-30, 00:20

ما عندي فكرة والله بس البنات كفن

**أم الـغـالـي** · 2005-12-27, 15:07

مادري والله عن هالقانون بس انا اعرف وحده متزوجه من واحد ما عنده جواز الامارات يمكن صحيح هالخبر ويمكن لا ليش ما تتصلون للمحكمه الشرعيه في الاماره التابعه لكم وتسألونهم عن هالمسأله علشان تحصلون الجواب الأكيد

**رمـــش الغـــلا** · 2005-12-31, 15:09

أنا الي اعرفه انه لازم تاخذين اذن من الديوان اذا كنتي من ابوظبي قبل الزواج عشان مايسحبون عنج الجنسية

لكن ما اعتقد اذا اتزوجت خليجي يسحبون عنها الجنسية

**فطيم** · 2006-01-02, 14:48

**الناقدة** · 2006-01-03, 02:43

انا اللي سمعته انهم يسحبون الجنسية ،، الا اذا حصل موافقة من الحكومة

،،، و ما اي حد يحصل الموافقة ،،، لازم يكون الوافد من الأهل عسب يوافقون

ليش تسألين ؟؟؟؟

لايكون فيه مشروووووع ؟؟

اعترفي احسن لج

**نبضة قلب** · 2006-01-05, 11:49

عزيزاتي
الزواج من غير مواطن مهما كانت حسناته واخلاقه الطيبه فيه عده مشكلات
بقولكم قصه قريبتي متزوجه من خليجي عايش معنا في الامارات
اتزوجته ما شاء الله وخلفت واحد ورا الثاني وكانت اضمهم لجنسيتها ومع المود القليل والمعاش الي يدوب ايساعد والي ظروفهم جذيه سبحان الله الله يكثر من ذريتهم يمكن سبحان الله ينفعون يوم يكبرون؟
ومع ذلك تمت اتقاوم وادور واسطات وتتعرض لعده مهانات مره تبغي جواز لزوجها مره ادور ارض مره مساعدات ومشكله وراء الثانيه
الين ياليوم الي لغو اعيالها من الجنسيه واصبحو بدون واحتاروا وهم حاطين ابالهم انهم مواطنين وتموا رافضين اي جنسيه اخرىمده لايقدرون يسافرون جامعه مستحيل الين خذوا في النهايه جنيسه بلاد ابوهم
شو تنفهم جنسيه بلاد ثانيه وهم عاشوا في هالبلد ما يعرفون غيره يرحون هناك يضيعون ما يعرفون احد
وقررت بنتها تدخل الجامعه ما خلت الام مكان ومع الواسطه دخلت البنت
المواطن ياخذ الوافجه مب مشكله لانها لو بعد 10 سنوات بتخذ الجواز اولادهم اول ما ينولدون مواطنين
لكن المواطنه ينسبون اعيالها لبلد زوجها دايركت

عندج مثال آخر صديقه عزيزه علي زوجها بع معاناه حصل الجواز بدون جنسيه وبعد عده سنوات سحبوها وهالكلام من قريب ومهدد بالطرد من الدوام لعدم الرغبه في توظيف غيلار مواطنى شو مصير عيالها ولو دور الريال شغل اهناك شو الراتب اساسا

وفوق كل هذا ان الازواج خليجين
ولو سهلو قرار حصول اي واحد يزوج مواطنه جواز له عده سلبيات اهم اللعب بعقول البنات بس احتفاظ المواطنه بجوازها هذا الموضوع مهم جدا لانا نعتز بلدنا صعب جدا نتنازل بكل سهوله عن جنسيتنا في ناس عايشين سنين طويله ولهم احفاد وما يعرون لهم وطن غير الامارات لكنهم بدون؟؟

**ALWARD2004** · 2006-01-05, 13:45

السلام عليكم ورحمة الله وبركاته

مشكورة على تجاوبك معاي بهذا الموضوع ، بالنسبة لأبناء المواطنة المتزوجة من الوافد لا يحق لهم الحصول على جنسية الامارات طالما يتبعون والدهم، لأن نسبهم يتبع مع والدهم وليس والدتهم ، إذن هويتهم مرتبطة مع والدهم بداية من اسم العائلة وقبيلته مرورا بجنسيته وبلده!! وإلا لماذا حرم الاسلام زواج المسلمة من غير المسلم ؟؟ لماذا اقترن اسم الابن مع اسم والده وليست والدته؟؟
لكن القبيح عندنا بالامارات ان تسحب جنسية المواطنة المتزوجة من الوافد و تتبع جنسية زوجها فهذا حرام لأنه تشبه بالنصارى حيث إن المرأة تتنازل عن اسم عائلتها وتلحق باسم عائلة زوجها وكذلك جنسيتها وهويتها ؟؟؟
المفروض من دولة الامارات ان تسمح لزواج المواطنة من الوافد بس بضوابط مع احتفاظ بحقها في الجنسية وهويتها والامتيازات فهي ابنة البلد ولا تعطي الجنسية لزوجها وابنائها
المفروض من دولة الامارات ان لا تعطي الجنسية للوافدة المتزوجة من المواطن ولا تعامل كمواطنة
بأي حق الوافد أو الوافدة تحصل على الجنسية الاماراتية ؟ عشان عقد الزواج ؟؟ لا هذا غير معقول
عشان الفلوس؟؟ عشان الرزق؟؟ عشان المستقبل ؟؟ لا هذا غير معقول
المفروض من الدولة لا تعطي الجنسية لكل من يطلبه حتى لو عاش هنا مئة سنة وانما تعطي لكل من يقدم خدمات جليلة للوطن وتستفيد منه كطالب متفوق، كمهندس ، كدكتور ، واللي يعرف تاريخ الوطن حتى لو كانت مدة أقامته سنة هم الذين يستحقون الجنسية ، ليس الشخص الذي جاء من بلد غريب وعاش بالامارات من مئة سنة ثم طلب الجنسية لكسب الرزق وضمان مستقبله ولا خدم الامارات بأي صورة
الله سبحاته هو اللي يقدر الرزق والانسان يتبع اين رزقه موجود وليس بأهله أو بجنسيته فكم شخص ترك بلده وأهله حتى يتبع رزقه وعيشة أكله؟؟ حتى المواطن الاماراتي ترك بلده ليتبع رزقه رغم ان الامارات بها خير وسلام وذاك الفلسطيني لم يترك بلده وسكن ببلده رغم ان فلسطين بها حرب وعدم أمان !!
وانا اعرف وحدة عراقية عاشت ببلدها غنية جدا رغم الحصار المفروض
اسأل الله يفرج كربة قريبتج ويرجع كل حق حقه

**نبضة قلب** · 2006-01-05, 15:10

عزيزتي الجنسيات هالايام للمطربين
والي قدموا خدمات جليله يستون مطربين احسن
هم ايبكي وهم ايضحك

**ALWARD2004** · 2006-01-05, 15:57

للاسف الناس ابتعدت عن تعاليم الدين الاسلامي وحتى الدولة نظامها وقوانينها بها خلل وظلم ماشيين على حسب رغبتهم وأهوائهم حاطين سياسة التوطين لكن تطبيقها غلط يفنشون موظف وافد حاطوا بدلا منه موظف وافد بدل مواطن شو ها السياسة هههه يضحكوني مسؤولي الدولة يعطون الجنسية حق وافدة متزوجة من مواطن ولقوا من وراهم مشاكل وسحبوا الجنسية عن بنت البلاد المتزوجة من الوافد وبخلوا الجنسية عن البدون وابناء المواطنة وزوجها الوافد اللي يحاولوا يحسنون مستواهم ويقدموا خدمات للبلد
احسن شي خل كل بيت يربي ابن او ابنة فاسدين ويحصلوا الجنسية عشان البلد يصير فاسد بسببهم مثل عيال المطربيييييين وحق الروسية والهندوسية والفليبينية المتزوجة من المواطن وعيالهم هههههههههه
شوفوا كيف صارت الامارات الحين من قلة الخير وارتفاع اسعار البترول والاكل وغلاااااء المعيشة والله يعينها شوبعد رايح يصير في المستقبل اللي تدمع العين وتصدم القلب
الله يحفظ الامارات من شرار الناس ويرزقها الامن والخير آآآآمين

**أمووون** · 2006-01-09, 01:37

بنات... والله اللي احنا فيه من ظلم الناس...

البدون اللي ما يدري حد عنهم... يذلووووون اعمارهم ذل علشان يقدمون أوراقهم

و عقب نفس المذلة عسب يسوون لهم مقابلة

و اشد و اشد لين يسمعون نتيجة المقابلة

و حلني بأه لين يقولولهم موافقين و الا رافضين

بينما المغنية و الساقطة و اللي امس ياية من بلادها ... ركض سوولها الجواز و هي ما تعرف شو السالفة و لا تدري شو تسوي بالجواز مثل المسماة أو المأدية اللي تطلق على نفسها فنانة اماراتية (نسايم)

انا ما احط اسمها للتشهير بس هي لو كانت تربت في البلاد و تشربت من عاداته و تقاليده ما صار اللي صار و خلتنا مطنزة و مصخرة جدام اللي يسوى و اللي ما يسوى...

و اللي يكمل 30 سنة يحق له بالجواز و يتم ولاءه و انتماءه لبلده الأم...

على الأقل البدون ما عندهم بلد غير هالبلد.. و لا عندهم انتماء و ولاء غير لهالأرض الطيبة

وين يسيرون؟؟؟

انا في دوامي القبلي... وحدة من جنسية عربية... يتني مرة تررررربع.. باركيلي باركيلي... قلتها مبروك خير

قالت وافؤولنا على الجنسية راح نسير مواتنين.... تتوقعون كيف شعوري هذيج الساعة اللي ويانا بنفس الشركة بنات بدون ما يعرفون غير هالدولة

و نفس الانسانة يتني عقب شهر تقول لي استلمنا الجوازات... مب شي يقهر....

المواطنة أولى انهم اتم مواطنة.. لكن عيالها وافدين.. لنهم بهالطريقة بياخذون حق مش حقهم لأنه عندهم دولة مسؤولة عنهم.. بدل ما يسحبون عن بنات البلاد خلهم يسحبون عن اللي يمرمطون سمعة البلاد ... حسبي الله و نعم الوكيل في الواسطة و اللي صنع الواسطة

**صدى حنيني** · 2006-01-09, 01:50

والله يا أمون كفيتي و وفيتي ..

الموضوع: سحب الجنسية

أدوات الموضوع

عرض