بليز الي عندها خبره ومرت بهالشي تفيديني

[الراقيه.123]

السلام عليكم خواتي شخباركم
انا مالي حظور وايد في هالمنتدى بس دايما احب ادخل واقرا المواضيع واستفيد اليوم حابه اكتب موضوعي مع زوجي الي يكبر المواضيع على اتفه الاسباب ً انا صار لي ثلاث سنين متزوجه وعندي ثلاث عيال الحمدالله الله يحفظهم ويبارك فيهم يارب ..مشكلتي مع زوجي انه ما يهتم فيني ولا يدري عن هوا داري ولا يعبرني طبعا انا ساكنه بيت اهله مو بروحنا ويعني اذا قعدنا مع اهله ما يكلمني وسوي لي سالفه والله وايد اتضايق يعني شوفو هو عادي يسولف ويه اهله بكل شي يديد يصير وياه كل شي يديد جربه اي مكان راح له اي شي يجد في شغله ودوامه وانا ماعرف عن حياته ولا شي يعني ما يسولف وياي مثل ما يرمس ويه اهله مع اني والله وايد حاولت اتقرب منه وايد حاولت افتح وياه مواضيع لما نكون بروحنا بس ابد يعطيني الاذن الصمخه ولا كاني اتكلم يحسسني اني وحده هبله وغببيه وما اعرف شي فالدنيا ..ودايم تصير بينا مشكله يكبرها وعادي ايتم بالاسبوع ما يكلمني اخر مره والله عق علي كلام والله ما اتحملت تغيرت نظرتي له صرت ما اقدر احط عيني فعينه وهو الي قالي انا مو مرتاح وياج من زمان بس صابر عشان عيالي وانا مكرهتنه حياته ومنكده عليه عيشته واقسم بالله اني مالي حس ومو مثل الحريم الي تطلب وتتشرط وتطول لسانها بس مادري ليش قال جي يدور عليه الزله عشان يطلعني انا غلطانه ً..😭😭😭قلت يمكن قال هالكلام لانه كان معصب مني بس حتي ولو مافي شي يسوا يخليه يعق هالكلام واذا هو مش مرتاح ليش ما واجهني من زمان وكيف يبت منه عيال اذا ع قولته مب مرتاح حاولت افهم منه ما رضي يرد عليه ما وضي يفهمني .
الله يخليكم ساعدوني كيف اتصرف معاه شو شسوي مع اني مو مقصره لا معاه وله ع عيالي بشي واهتم بنفسي كثر ما اقدر عشان اطلع فعينه حلوه مع اني حمدالله رب العالمين حلوه ومو قاصرني شي والكل لي يشوفني ما يصدق اني معرسه وعندي عيال من كثر ما اني ابين وايد صغيره بلييز ساعدوني عطوني الحل كيف اغير نظرته لي واخليه يغير كلامه

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الصبر الطويل]

زوجك مثل زوجي بالظبط ... حبيبتي لا تفكرين انه كيف تغيرين نظرته لج لا حبيبتي سوي الشي اللي يخليج انت مفتخره بنفسك وراضيه عن نفسك ... حاليا قللي الاهتمام فيه وصبي اهتمامك على نفسك وعيالك وطنشيه وسوي لك معارف وأصحاب وخليج دايما مشغوله اذا ما تدرسين ادريس او اشتغلي لا تفكرين فيه خلي هو يحس انج متغيره ... اكثري من الدعاء والاستغفار .. والله يعينج...

[ام نهييان]

كلام الاخت صح من ناحية انج تهتمين ف نفسج بس ما اايد انج تتجاهلينه يلسي معاه عزيزتي وطلعي كل لي فخاطره لازم تعرفين شو لي يفكر فيه وشو لي خلاه يقول هالكلام

الشي مش طبيعي انه يتجاهلج ولا يسمعلج غلط
بينكم 3 عيال ماشالله يعني لازم اموركم تكون احسن عشانهم وعشانكم حبيبتي ريلج شي فيه يا انه ناقصنه شي منج او انه عنده لي ماخذه مكانج ف داري ع ريلج قبل لا تقولين ياليت وياليت

[ماما_روري]

السلام عليكم. حبيبتي أنا مع اللي قالن الخوات؛ داري على ريلج وافهمي منه شو فيه. يمكن هو مو قادر يعبّر وحاس أنج ما تفهمين له.

- حاولي انج لا تكثرينزفي الكلام وتقلبي الحوار لدرامة.
- لا تعاتبي وكوني ذكية.
- اطرحي مواضيع قصيرة للنقاش وناقشي بثقة ووضوح.
- اسأليه عن مستجدات موضوع يهمه
- استقبليه بالأحضان وودعيه بها وبالدعاء
- سمعيه كلام حلو من فترة والثانية
- اسمعي له من دون مقاطعة
- انشغلي بعمرج ولا تركزي عليه وهو بييج
- خططي ليومج وخبريه بالجدول عشان يعرف انج مشغولة
- لا تكثري الكلام مع اهله يوم تكونوا معاهم وخلج رزينة وبتلاقيه يدورج.
- اهتمي باليهال صح بس لا تهمشينه وتنشغلي عن واجباتج تجاهه.
أخيرا وليس آخرا لا تتشكين له من اي شي الا لو سألج شو بلاج.

ربي يسعدج ويسعد كل زوجة وأم.

[red cheeks]

شوفي حبيبتي هذا اللي انا اسوي مع ريلي :
-نطلع انا و ياه بروحنا مكان هادي او حتى بيت احاول اني الطف الجو اول بعدين نتكلم بكل صراحة مع بعض، عن الاشياء اللي تضايقني و تضايقه و كيف نقدر نحلها.
-مرات انا ابداء اتكلم عن يومي و اساله بين الكلام اذا هو سوي ها شي او جرب شي ها و بعدين هو بروحه تشوفينه يتكلم

و عندج الاشياء الصغير اللي يحبها الريال مثل
- يوم يطلع من البيت حتى لو يسير الدكان ادعيله بالسلامه او الله يحفظه من شر
- يوم يرد بيت يشوفج كاشخة و سلمي عليه جني من زمان مب شايفتنه
- اذا شي يضايقني اتكلم معاه و اسمع نصيحته حتى لو ما اسويها بس اقول له "ان شاء الله المرة الياي"
-ملابسه مدخنه و جاهزات لللبس هاي وحدة من اسراري ( احط المدخن داخل الكبت و تخليه عشان ثبايه كلها مدخنه و جاهزاتو ما اتعب عمري ادخن كل مرة )
- دلعي بطنه
- قبل ما يمد ايده على شي ييبه عطيه مثل عصير او كلنيكس
- حطي العطور اللي يحبه يوم تكونين معاه

عاد بعد دلعي عمرج لا تنسين ها اهم شي