لو سمحتوا

**@n@** · 2007-10-26, 03:40

خواتي في طفل
لا يحب المدرسة ولا المذاكرة
ويشغل عمرة بأي شئ عن المذاكرة
وكل مانحطلة معلم خصوصي مايطيع يدرس
وأوراق العمل ونشاط مايطيع يعطيها المعلم و
أحترت شوه نسوي وياه ويصيح بأتفعه الاسباااااب

ماذا أفعل ؟؟؟؟

المزيد من آخر المواضيع من نفس القسم:

**دبي1212** · 2007-10-26, 03:51

مادري الله يهديه يارب

ان شاء الله المتزوجات يساعدونج

**@n@** · 2007-10-26, 04:15

يااارب
إن شاء الله
مشكوره ع المرور والرد

**العذوب** · 2007-10-26, 04:41

هذا مدلع حبتين ..

يباله دروس في التربية

اساليب عقاب مثل دايرة العقاب .. مكان تخصصينه لعقابه يوم يغلط لوقت معين يوقف فيه ..

يباله صبر وتعليم باللعب ..هذا ما بيعلم لأنه ما يبا يكتب ويدرس .. بس بيتعلم بأغنية .. بلعبة .. باخوانه

ممكن تعلمينه يكتب اسمه بس .. وعقب اسماء ربعه واخوانه وامه وابوه

وشوي شوي نعلمه الحروف ( من خبرتي الطفل يحفظ الكلمات قبل الحروف )

وممكن الارقام نحفظه اياهم بألعابه .. نخليه يحسبهم ونعلمه اشكلهم ونخليه يرقمهم

يعني مزج كامل للعب بالدراسة

بس الخطوة الاولى ايقاف الدلع .. وعدم تلبية كل الطلبات ( بدون عقاب ) .. وعقب قوانين يديدة ونظام يديد .. وعقب نظام العقاب والحساب .. وبعدين نبدا نكسب الثقة بقراية القصص واللعب بس بدون تعليم .. وبعد كسب الثقة مع المحافظة على مٍألة العقاب والقوانين وعدم تخطيها وايقاف الدلع .. عقب نبدا نعلم وحبة حبة نخليه يثق بالمدرسة ويحبها ونعطيه دور في الفصل وفي الألعاب وممكن يشارك بنشاط علشان يكون عنده شيء يجذبه للمدرسة غير الدراسة ..

**ورده جوري** · 2007-10-26, 04:55

شوفي اذا لولد يخاف من امه ولا ابوه خليه دوم يراقب عليه في دراسته ةيشد عليه
وروحي المدرسه وعطي المس هدايا صغيره من اللي يحبها الياهل وقوليلها من تشوفه سوا شي صح تعطيه هديه اونها من عندها وتخلي العيال يصفقوله
وبتعيبه السالفه وبيتم بروحه يتشطر مشان الهديه والتكريم

**رافينا** · 2007-10-26, 09:34

اول شي حبيبيه بالدراسة مكآآفات

ولو مارضى بالنصايح ولو ما رضى تحرمينه من الشيء الي يحبه

ولو ما رضى بالقوة والضرب الي يخوفه ما يألمه

**شمس الامارااات** · 2007-10-26, 15:37

لازم تتبعين معاه طريقة ثانيه في المذاكره
يعني اسلوب الجزاء والعقاب
ويمكن يكون ها الطفل في مرحله عمريه معينه وكل الاطفال الي مثله يسوون نفسه

**ونــة ألــم** · 2007-10-26, 15:42

خصصي له وقت للعب ووقت للدراسة

وخصصي له مكافآت وقولي له اذا يبت علامات زينة باعطيك شي حلو عشان يتشجع ويدرس

وفي نفس الوقت اذا استمر في عناده عاقبيه

امسكي العصا من الوسط

لا تخلي الحبل سايب على الاخر والا انتي اللي بتتعبي

وبيتعود اي شي يباه يتحقق والسبيل الى ذلك البكاء والصراخ

حاولي تخلي ابوه يتدخل الطفل يخاف من الابو الا اذا كان ابوه مدلعه هو بعد

في هالحالة ما لك الا المدرسة وتخليهم مع ان المدرسة ما راح تهتم فيه بالبيت

يعني حاولي تكافئيه اذا درس زين وفي نفس الوقت تعاقبيه اذا كان العكس

وعمليه من الحينة قبل لا يكبر ان مب كل شي يباه بيلاقيه

واذا كان يبا الافضل له لازم يسعى لتحقيقه

وربي يساعدج

**@n@** · 2007-10-27, 02:56

مشكورات خواتي ....
بس المشكلة أنه صف أول ....
وقبل كم يوم يايب الشهادة وكان تقديرة جيد جدا
بس كنت متوقعة أكثر ومش عارفة أتصرف معاه ممكن تعطوني فكرة لتدريسة ...

**@n@** · 2007-10-27, 03:40

مشكورات خواتي ...

**@n@** · 2007-10-27, 16:00

up
up
up

الموضوع: لو سمحتوا

أدوات الموضوع

عرض