انا خلاص طفرت

**أمل أحمد** · 2007-10-24, 01:22

انا يا خواتي سالفتي سالفة ولا شغالة راضية انها تشتغل عندي على الرغم من الراتب الزيادة والدلع وعندي شغالتين وانا الثالثة والله لو ما علي دين للبنك كنت استقلت ، بخبركم السالفة عندي ولد عمره 6 سنوات وبنت عمرها 4 سنوات بس عقليا سنتين وأولاد توأم عمرهم سنتين ، مطفريني ومطفرين ضيوفي وما يخافون من شي استويت ما أطلع من البيت ما أعزم حد وأحس اني بعيز وانا توني شباب وعناد الدنيا فيهم ، وفوق هذا كله وايد ضعاف يدورن بالراس من كثر ما نلاحقهم نلمح واحد يركض هني وواحد هناك وحد هني وحد هناك وطول اليوم على هالموال وكل شي مكسر في البيت ، ما يحبون التلفزيون ، لو يحبونه زين كنت ضمنت يلسون حتى لو ساعة فس اليوم ، وفوق هذا كله صغار صغار أحجامهم مال سنة وشوي تقريبا وما ياكلون لو عطيتهم لقمة شوي زايدة بيردون اللي كلوه كله يعني وجبتهم اللي تكفيهم (التوأم ) قد 3 ملاعق أكل عادية اللي نحن ناكل فيها ، بليييييييز خبروني شورا علي شو أسوي خاصة ن الخدامة اللي تامة في البيت شكلها طفرت وانا عيالي وايد شياطين ، وكله مشاكل ويضاربون الناس حتى لو غرب ما نعرفهم وانا وايد اتفشل ،

المزيد من آخر المواضيع من نفس القسم:

**TaRgEt** · 2007-10-24, 01:24

من رايي ادوريلهم نشاطات برع البيت يسونها ... يفرغون طاقاتهم

**umRashid** · 2007-10-24, 01:25

الله يعينج الغاليه وان شاءالله ايفيدونج صااحبات الخبره

**غرشه عسل** · 2007-10-24, 01:29

الله يكووووون في عونجـ

**قطرة** · 2007-10-24, 01:33

الله يعينج اختي العزيزة

ددوري لهم اى شىء يشغلهم

**doooba** · 2007-10-24, 01:36

حاولي تشغلين وقتهم باشياء مفيده
وحاولي انج تفضين عمرج شوي وتلعبين معاهم
واذا حد فيهم احتشر وعصب وتم يكسر عاقبيه مب بالضرب لا العقاب الوحيد انج تحرمينه من شيء في خاطره

زحطيلج زاويه في البيت خليه مكان للعقاب ،،، يعني اذا كسر او صارخ خليه يقعد في هل المكان مده خمس دقايق وكل ما يزيد في الشطانه تزيد مدة العقاب .
وصدقيني هل الشيء مجرب لانه اختي بعد عندها ماشاء الله 4 ربي يحفظهم ويخليهم بس واااااااااااااااايد شياطين وكانت تضربهم ويزيدون في العنف،، وبعد ما علمتها الطريقه اتقول لي نجحت والحمد لله.

واليوم اتقول لي استوالها موقف مع ولدها انه ما يبي يدرس وضربها والله انها اتراويني ايدها مشمخه اتقول لي سويت مثل ما قلتيلي خذته وقعدته على زوليه في زاوية وقالت له هذا عقابك ولا تتحرك، اتقول كل ما يتحرك ارجعه بدون ما تكلمه بس قالت له اللعبه اللي في خاطرك ووعدتك اني ايبها خلاص ماراح ايبها لين تتاسف لي وما تذاكر،، والحمد لله نفعت معاه الطريقه.
وانا انصحج فيها لانه معضم اهلي الحين يتبعونها وارد اقولج العنف والصراخ ما ينفع،، كوني هادئه وعاقبيه وانتي ساكته.
وربي يعينج ويهديهم يارب..ويتربون بعزكم واتشوفينهم كبار

**ام عبدالرحمن23** · 2007-10-25, 09:45

يارب يساعدج ويعينج
ويوسع صدرج

**النرجس** · 2007-10-26, 21:58

الله يكون في عونج اختي

ليش ما تسجلينهم في حضانة

**أمل أحمد** · 2007-10-27, 09:32

هم يسيرون حضان ويردون الساعة 12:30 ويرقدون الساعة 9 مساءا بس الساعة في اليلسة وياهم عن عشر

الموضوع: انا خلاص طفرت

أدوات الموضوع

عرض

انا خلاص طفرت

المزيد من آخر المواضيع من نفس القسم:

المواضيع المتشابهه

خلاص طفرت

مشكلتي طفرت خلاص

ابي امتن .. خلاص طفرت

مشكلتي مع اخت زوجي ... خلاص طفرت اعطوني حل ..!!

خلاص طفرت من ام ريلي