شو من الخدم تيبون فالوقت الحالي

[كركر]

السلام عليكم بنات
بغيت خبرتكم لأني مثل ما تعرفون أعاني من الخدم فوق العشرين وحدة جربت من اندونيسية وإثيوبية وفلبينية اللي زيارة واللي مرجعة واللي جديدة بس أكثرهم مرجعات او فيزة زيارة جاهزين فَانتَهُوا شو تختاروا من الخدم الحين وأكثر متوفقين فيهن اي جنسية وهل طلب او مرجعة او ياية زيارة ؟
اي جنسية الحين سعر الاندونيسية نفس الفلبينية الاثيوبية أقلهم بس شرادات ومسوغات فيه أوغندية او كينية بس ما جربت هالجنسية سعرهم معقول ويتكلمون انجلش السيلانية سعرها مرتفع ولا جربت غير مرة وحدة صراحة ولافة كانت العالم كله ما ادري الحين كيف
تعرفون الحين الشغالات مش نفس اول الحين 2.17 الشغاله ما تبغي تشتغل كل الشغل يا تقول تنظيف بس او يهال بس او طبخ بس ومن هناك من فوق لفوق واذا راقبتيها ولا نصحتيها بطت بوز ولا تحرطمت ولا وديني المكتب تبغي تلفون وتبغي تنام من وقت وتبغي تنام الصبح وتاخذ راحة الظهر وتآكل علا كيفها وتبغي تطلع
فابغي تجاربكن وَيَا الخدم شو جنسية تيبون يعني إنتوا او اهلكم صديقاتكم وكيف ترتبون الشغل وهل فيه الحين شغالة تنظف وتشوف يهال وتطبخ لأني صراحة ميزانيتي ما تسمح غير بوحدة وعندي يهال اثنين ووضعي الصحي ما يسمح بالحركة مع أني اي خدامة ايبها لازم أساعدها علي اليهال والطبخ وأحيانا بالتنظيف بيتي 3 طوابق مش كبير بس فوق وتحت صالون ومطبخ تحت والغرف فوق وغرفتها والغسيل بالثالث ممكن تساعدوني لانه اليهال يوسخون ويفرون الألعاب بكل مكان الله يحفظهم

المزيد من آخر المواضيع من نفس القسم:

• طلبات تمريض وعماله منزلية
• طريقة تدريب الخادمة على الطبخ
• كيفية السيطرة على غضب الخدمات
• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كركر]

ليش محد رد معقولة محد عنده خدم

[تفاحتي]

خبرتج عن مكتب اسمه العماله في ابوظبي
يضمن لج الخادمه مده سنتين
وفوق جي جاهزا اوراقها من فحص وهويه واقامه
وعندهم هالجنسيات

[شيخه بنت يوسف]

بالنسبه لي الاثيوبيات زينات ويتمن عندي يكملن سنينهن / بس ياختي تنظيف وطبخ وغسيل وكوي وترتيب وخدامه وحده اشوف صعب خصوصا بيتج تقولين ثلاث طوابق ماشاء الله
انا مقسمه الشغل بين الفئة المساعده الي عندي وحده للمطبخ وغسيل الملابس والثانيه تنظيف البيت من داخل (دورين ) والكوي اما تنظيف الحوش مرتين في الاسبوع ويتساعدن هنتيناهن

[كركر]

مشكورات حبيباتي وما قصرتن المشكلة أني اروح بالويكند عندي بيت ثاني عند الأهل وخط السيارة واليهال 3 ساعات متعب صراحة وبالنسبة لي انا الطبخ اهم شي وجبة الغدا ومش كل يوم والريوق الجاهز بس تحضير وعشا يا خفيف او من برع
بس إنتوا الحين تيبون مرجعات ولا زيارة وتجربونهم ولا طلب

[كركر]

وأختي شيخة انتي تيبيهم جداد ولا مشتغلات وأي مكتب تتعاملون وياه

[شيخه بنت يوسف]

وأختي شيخة انتي تيبيهم جداد ولا مشتغلات وأي مكتب تتعاملون وياه

والله يا اختي اغلب الي يبتهن مسترجعات يعني رادينهن للمكتب وانا اشلهن والحمدلله ييلسن عندي بس وحده يبتها على المكتب وهاي تمت 6 سنين عندي وسافرت تبا تعرس / تبين الصراحه انا معوده العيال ما يامرون الفئه المساعده يعني اذا الطباخه طبخت سوا الريوق او الغدا او العشا ينحط الاكل في حرارات وفي غرفة الطعام (خارجيه الغرفه ملاصقه للمطبخ ) اذا ما اجتمعنا ناكل رباعه الي يوصل قبل يغرف لعمره وياكل ونفس الشي بالنسبه للملابس ممنوع منعا باتا يسالون الفئه المساعده عن اي لبس كلشي مرتب في الكبت الخاص بكل واحد منهم واذا بغو شي يكلموني وانا اكلم الفئه المساعده / سوالف هاتيلي ماي شلي هذا وين وديتي هذا ممنوع علمتهم انهم يايين يساعدوني مب يخدموني / واهم شي المعامله يعني نسولف وياهن ونطلعهن في رحلاتنا اذا حبن / ما ننسا انهم خلو اهلهم علشان لقمة العيش / اول مايبتهن اراويهن مكان الكيمرات وين عسب يعرفن ان كل شي تحت نظري انا وريلي

[كركر]

مشكورة حبيبتي وما قصرتي احاول أعاملهم زين وأساعدهم وعيالي صغار ما يأمرون انا اخدمهم بروحي أصلا والطبخ علي بس مب محصلة حد يساعد اللي تقول ما تبغي يهال واللي تقول ما اعرف اطبخ ولا يحضرن ريوق ولا شي ولا يسألن سو تتريقوا شو تاكلوا شو نيبلكم ابدا ابدا ماسكات هالمكنسة وبس ومب من زين التنظيف

[كركر]

يالله بنات ساعدونا بخبرتكم وتجاربكم
اختي اللي تيبينهم مشتغلات ولا اول مرة وين احسن مكان واي مكتب ثقة وهل تعطينهم تلفون ونت

[القلب 2009]

بصراحه عن نفسي دايما ايب وحده مو مشتغله سواء فلبينيه او اندونسيه من البدايه تحسينهم توب بالشغل كانها وحده توها متعينه وتبي تشتغل ومن تكمل سنه ينقلبوا سبحان الله
مع اني انا اللي اطبخ واشوف البيبي هم بس تنظيف عليهم
وماعليج من اللي يقول انتي بتعلميها على طريقتج
هذك قبل الحين كل خدامه من تكمل ثلاث شهور تقول ابغي موبايل ولازم نت فيه تتواصل مع اهلها
انا الحين رديت وحده وهذه الاندونسيه مطفرره فيني عمرها صغير
مع انه بالسي في كاتبه 24 ولما يات 19 وكله تشتكي ايدها وظهرها ماتروم تشتغل ولما رمست امها وامها مشتغله بدبي تعرف عربي قالت حرام توها مخلصه من المدرسه قلت لها ليش سفرتيها وبلشتينا فيها قالت بس سنه وسفريها قلت لها على كيفج بيزاتنا بس نفرها عليكم وبكل برود تقولي سفريها
وديتها المكتب هزبوها قالوا لها اذا انتي ماتبي تشتغل انتي تدفعي عشر الاف بكت وردت تشتغل بس صاير شغلها تدمير تحرق العبايات وتنظيفها اي كلام
والله لو مو الحاجه كنت طيرتها بس حرام 15 الف عليهم حدهم تسعه وبس

سامحوني اني طولت بس من القهر

[كركر]

مشكورة حبيبتي وما قصرتي
يا اختي لو تعطيهم اللي يبونه لو تين تعاتبيها علا شغله انا ما ابغي رجعيني
والله من أسبوعين يبت فلبينية يديدة وعلمتها وقالت بشتغل وسويت الها تعديل وضع وعطيتها رصيد وتلفون نوكيا تتواصل مع اَهلها ولا كملت أسبوع قالت ابغي نت وفيس بوك ووتساب قلتلها يبي تلفونج وحاولت اشبكه علا الواي فاي ما طاع وعقب تمت تزن يبتلها تلفون سمسونج حق ريلي ومسح اللي فيه وقلتلها استخدميه للنت سارت وغيرت البطايق ويت اونه ما ابغي النوكيا بستخدم السامسونج عاقبتها وخذت التلفون عنها يوم وعقب رجعته عليها وعصبت عليها لانها ما كانت غاسلة يونفوزم البنت لين الليل وبالباجر ما ساعدتني علا تحضير اليهال وقالت وديني المكتب
اااخ والحين بدون حد الله يعين
شوروا علينا شو تسوون معهم

[ام احلى بنات]

السلام عليكم اختي، موضوع الخدم صار وايد متعب ها الايام.

بالنسبة لي كنت محظوظة بآخر 3 اندنوسيات ، كل وحدة فيهم تمت عندي 2 و شوي و آخر وحدة كانت الاحسن بس للاسف انا فرطت فيها بعد ما زعلت لانها سوت علي مكالمات بـ3000 ، لكن و الله اني ندمانة ، يعني كان من الممكن اني اتفاهم وياها و اخصمهم منها على دفعات او حتى لو سامحتها و الله مش خسارة ع اللي اشوفه هاي الايام من دلع الخدم.

[ام احلى بنات]

بالنسبة لي اعاملهم مثل الخوات قدر الامكان، يعني بعض التصرفات البسيطة تخلي البشكارة تفرح و تعتبر نفسها وحدة من البيت ، احسن لان الياهال احيانا يكونون معاها بسبب ظروف عملي .

المهم بعد ما سارت عني بشكارتي الاندنوسية ، تبهدلت و غيرت اكثر من 5 بشاكير كلهم اندنوسيات لين ما انجبرت اجيب وحدة اثيوبية بـ4500 لان هذا اللي متوفر عندي بعد ما خسرت اكثر من 30 الف (مش مبالغة) و انا كل شوي اغير بشكارة.

البشكارة هاي جت عندي قبل رمضان بـ15 يوم ، يعني كنت مجبورة ، خلاص ماشي وقت و ماشي فلوس كفاية، كانت مسترجعة سألت سبب استرجاعها قالوا لي ان الكفيل القديم كان بخيل و يدفعها قيمة الشامبو و الصابون اللي تستخدمه ، أنا ما صدقت لكن قلت خلاص خليني امشي وياهم دام اني مجبورة، و مسكت عليها هاي النقطة.

[ام احلى بنات]

طلعت مشتغلة في لبنان 3 سنين و نص ، ما تعرف تطبخ الا اكل لبناني و مب كل الاكل بعد ، تتكلم عربي لبناني ، يعني انا اضطريت اتكلم لبناني بعد عشان تفهم

النظافة اشوفها نظيفة لكن تطلع منها ريحة ، فاضطر كل شهر اوديها الصالون اسويلها واكس اندر آرم، و طبعا ما اجرحها بالكلام ابدا ، اقول لها ان بلادنا حارة و لازم وايد الشخص يهتم بالنظافة حتى أنا ، و اشتريت لها ديو زين احسن من اللي كانت تستخدمه .

اول ما جت اشتريت لها لبس جديد بس مش غالي و خليتها ع راحتها تبا تلبس الحجاب لبست ما تبا كيفها لانها مسيحية و صغيرة عمرها 22 سنة فما حبيت اضغط عليها.

عموما كنت في البداية وايد احاسب على مشاعرها و ما اصارخ عليها ابدا لين ما شفت انها وايد مصختها ، تنظيف اي كلام حتى الطبخ لين اليوم مش لين هناك ، حتى اغراض البيت كل يوم تكسر شي . عاد هني شافت مني شدة و صراخ.

[ام احلى بنات]

كانت اول الايام كل ما لفت نظرها لشي تصيح و تبكي على طول ، لكن بعدين كلمتها اني مثل ما انا حاطتها على راسي هي بعد لازم تقدر و تهتم بكل اللي اسويه لها ، يعني روحات و طلعات حتى المطاعم اخذها وياي تلعب و تاكل ويا بناتي ، نظافة و راحة فلازم تقدر و اذا ما تبا برجعها المكتب او بطرشها بلادها ، هني خافت و بدت تهتم بالنظافة .

عن الطبخ ، اول كمن شهر كنت افتح لها الاكلاب باليوتيوب ، بعض الاكلات البسيطة اتقنتهم مشيت لها على اساس انها ما كذبت علي و كانت صريحة معاي من الاول ، بس بعدين احيانا اوديها بيت الوالدة عشان تتعلم و تحسنت بالطبع.

عاد هي لانها اثيوبية ، يوم كانت تسير اماكن الالعاب ويا بناتي تتكلم ويا اثيوبيات ، و انا متأكدة ان معظم من فئة الشاردات ، و اعرف ان رواتبهم من 1600 لين 2000 او اكثر فعرفت و تمت تتطالب بزيادة راتب ، قلت لها ان مستر مش راضي لانج ما تسوين اكثر من اللي كانوا قبلج يسوون ، لكن بعدين زدتها 100 فصار راتبها 1100، و قلت لها تحسني اكثر بزيدج و ناوية بعد 3 او 4 اشهر ازيدها 100.