كيكة الجزر.. اللي ما بتجربها بتندم لأنها واااااايد لذيذه!!

[شمـــ وفا ـــعة]

مرحبا خواتي..
اليوم يايبتلكم وصفه يديده..
أنا عن نفسي ماخذتنها من أمايه..
بس ما أدري هيه من وين يايبتنها..
هالشي لذيذ جدًا لدرجة ما تتخيلونها..
لا تستغربون إن السالفة فيها جزر..
في ناس يوم يسمعون طاري الجزر يقولون أكيد مب حلو..
بس هالوصفه غير..
بخليكم مع المقادير والطريقة..

(( كيــــكة الجــــزر ))

المقـاديــــــــــــــــر:

- 1 كوب طحين رقم 1
- نصف كوب جوز مفروم خشن (( أقصد بالجوز عين الجمل ))
- نصف كوب جزر مبشور
(( إما بالمبشرة أو بالمكينة بس بالمكينة أحسن ولا تبشرونه واااااااايد ناعم خلوه ناعم بشكل معقول!! ))
- رشة صغيرة ملح
- 2 ملعقة صغيرة بايكينغ باودر
- نصف كوب زبدة
(( ما يعادل نصف القالب الكبير مال لورباك اللي وزنه أعتقد 454 غرام أو 400 وشوي ))
- ثلاثة أرباع الكوب سكر
- 3 بيضات + 1 ملعقة صغيرة فانيليا


الطريــــــــــــقة:

- دايمًا وأبدًا أول شي لازم تسوينه يوم بتسوين كيك هو انج تفتحين الفرن عشان يسخن، لأنه لو حطيتي الكيك في الفرن وهو مب ساخن كيكتج بتفشل..

- نذوب الزبدة على نار خفيفة وبعد ما تبرد شوي نخلط معاها كل من السكر + البيض + الفانيليا ونمزج الخليط عدل..

- نضيف للخليط السابق كل من الجوز والجزر ونخلطهم عدل في اتجاه واحد..

- ننخل الطحين + الملح + البايكينغ باودر بعدين نضيفهم على خليط الزبدة ونظل نحرك باتجاه واحد فقط..

- يوضع الخليط في قالب الخبز ويخبز في الفرن لمدة نصف ساعة أو حتى النضج..

ملاحظات..

- إذا كنتي بتسوين كب كيك (( كيك الأكواب الصغيرة )) ما بيحتاج لأكثر من ربع أو ثلث ساعة..

- إذا كنتي بتسوين في قالب كبير بيحتاج أكثر..
بس دايمًا لما تسوين الكيك لا تفتحين الفرن أول ثلث ساعه وإلا كيكتج بتهبط..
بعد الثلث ساعة تقدرين تفتحين الفرن تشوفين إذا الكيك مستوي ولا لأ..

ودايمًا خلي أول خمس دقايق حرارة الفرن عالية بعد ما تحطين الكيكة فيه.. بعد الخمس دقايق خليها متوسطة عشان كيكتج ما تحترق..


وبالهنا والعافية

أتمنى تعجبكم وصفتي..
اللي بتجربها تخبرني شو استوى وياها..
وترى المقادير مظبوطة لأني دايمًا أسويها..

تقبلوا مني أرق تحية..

المزيد من آخر المواضيع من نفس القسم:

• طريقة عمل كنافة بالعسل اللذيذه
• طريقة عمل كيك الاناناس الهشه
• طريقة عمل كيك البرتقال الشهية
• طريقة عمل كيك الكاكاو السهل
• طريقة عمل بسبوسة السينابون السهله
• طريقة عمل كنافة بالمهلبية السهله
• طريقة عمل معمول التمر السهل
• طريقة عمل كيك التمر اللذيذ حصري
• طريقة عمل كيك التمر السهل حصري
• طريقه عمل كيك النستله السهل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[¨°o.O الدلوعـه O.o°¨]

[08]تسلم إيدج يالغاليه ..[/08]

[شمـــ وفا ـــعة]

[08]الله يسلمج دلوعتنا..
أترياج تقولينلي تجربتج ويا الوصفة [/08]

[*أم اسمـــا*]

عيبتني.. جان ماسويها الحين
وبخبرج بالنتيجه

[*أم اسمـــا*]

لذيذه ماشالله
حطيت بدل الزبده زيت.. والسكر نقصت الكميه اللي انت حاطتنها
تقريبا ثلث كوب وما حطيت جوز لأنه ما عندي

[01]كيكه ثانيه استوت[/01]

[صدى حنيني]

مشكورة حبيبتي عالوصفة ...

ام اسما كيكة شو انتي مسوية ههههههههههه

[شمـــ وفا ـــعة]

يا سلااااااااام عليج يا أم أسما..
ما جد جربت أسوي الكيكة بالزيت..
والسكر أصلا أنا أقلل منه لأن اللي عندي في البيت ما يحبون الكيك اللي يكون وايد حلو..
بس الجوز شي أساسي في هالوصفة..
لأن طعم الكيكة يكون غير..
جربي تسوينها مرة بالجوز (( يوم بيكون عندج جوز في البيت ))..

[01]ما تقول بعد حماة بنتي بطرشلها شوي[/01]

[شمـــ وفا ـــعة]

العفو صداوي..
بس ما جربتيها؟!!!
[01]ولا انتي مب ست بيت!!![/01]

[شمـــ وفا ـــعة]

أم أسمااااااا..
سويت الكيكة البارحه..
سويتها مثل ما سويتيها انتي..
بدال الزبدة زيت وقللت السكر..
بس حطيت فيها بدال الجوز فستق!!
وطلعت عجييييييييييييييبة..

[01]شكلي ببدأ من اليوم ورايح أخبص في كل وصفات الكيك وأغير منها!!![/01]

[ظبية بوظبي]

[16]يم يم شكلها لذيذ[/16]

تسلمين الغاليه على الوصفه الحلوه

[DesigneR StylisH]

مشكوره .. إن شالله بنجربها ..

[*أم اسمـــا*]

أم أسمااااااا..
سويت الكيكة البارحه..
سويتها مثل ما سويتيها انتي..
بدال الزبدة زيت وقللت السكر..
بس حطيت فيها بدال الجوز فستق!!
وطلعت عجييييييييييييييبة..

[01]شكلي ببدأ من اليوم ورايح أخبص في كل وصفات الكيك وأغير منها!!![/01]

[01]شفتي ام اسمــا المُلهِمه[/01]

[شمـــ وفا ـــعة]

ظبية بوظبي
DesigneR StylisH

تسلمن عالطلة الحلوة..
أتريا تجاربكم..

أم أسما
[01]ما نروملج..
أم أسما تراج!!![/01]

[طفلة زايد]

مشكوره يالغلا

[شمـــ وفا ـــعة]

العفو حبيبتي..
أتريا تجربتج ويا الوصفة!!