حلم سرقة أغراضي الشخصيه

**حلمي** · 2017-07-17, 07:52

السلام عليكم ورحمة الله وبركاته

صباح الخير .. رأيت رؤيا اليوم قبل صلاة الفجر
كأنه في مجمع أو صالون كبير وفيه ناس رجال
ونساء كنت مع بنت خالتي نسيت البدايه بس اذكر
أني صعدت الدرج للدور الثاني إلا حسيت أن الغطاء
مو تمام ووقفت على زاويه حتى أعدل عباتي ونقابي
وكانت معاي شنطه فيها أغراضي الشخصيه المحفظه
والجوال واعتقد طقم ذهب وكانت حولي بنت صغيره
تكلمني ولا اعطيتها وجه بعدين نزلت تحت الا عند
الرسبشن كأنه مطعم فيه فلبينيين المهم اشوف
الا الاغراض مسروقه بحثت عنها ما حصلتها واقول
لبنت خالتي واجلس ابكي قلت الجوال جديد اخوي
لسى اشتراه لي ومحفظتي وفلوسي راحت من وين لي
فلوس وقلت يالله بنروح للبيت وسكتت بنت خالتي
وفجأه اختفت وجتني هالبنت اللي شفتها عند الدرج
تقريبا عمرها 10 او 11 سنه وكانت تبتسم وقالت
حنا نوصلك للبيت وطلعنا برا زي الحوش وخفت وقلت
لا روحي انتي اول وراحت وانا اشوفها وراحت يسار
وبعدها خفت وتراجعت ودخلت المجمع وجلست وكان
فيه السكورتي والموظفين الفلبينيين كلمت الموظفين
بقولهم ابي جوال اكلم اهلي يجوني بعدين قالي واحد
لا كلمي السكورتي أضمن لك ورحت اخذت جواله الا جتني
البنت ومعها وحده لابسه عبايه ومستتره جدا وقفازات
وشرابات وقالت تعالي معانا وقمت هاوشتها قلت انتي
نصابه وانتي اللي سرقتي اغراضي ومن هالكلام قالت لا
حرام اتهمتيني وتركتها الا جتني بنت خالتي الثانيه
وخالتي عشان اروح معاهم وانتهت الرؤيا

العمر : 34 سنه
الحاله الإجتماعيه : عزباء
الجنس : أنثى
وقت الحلم : قبل الفجر بشوي
الحاله الدينيه مع الصلاة والأمور الشرعيه : الحمدلله
مواظبه قدر الإمكان ولكن فيه تقصير بالتأخير أحيانا
عفا الله عنا وعنكم
هل يعاني صاحب الرؤيا أمراض : لا ولله الحمد
المهنه : خريجه ولم أتوظف حتى الآن

الموضوع: حلم سرقة أغراضي الشخصيه

أدوات الموضوع

عرض

حلم سرقة أغراضي الشخصيه

المزيد من آخر المواضيع من نفس القسم:

رد: حلم سرقة أغراضي الشخصيه

المواضيع المتشابهه

هل ضعف الشخصيه هو سبب ذلك؟؟

االعنايه الشخصيه

ظاهرة او مشكلة سرقة نعول المصلين و اخيرا سرقة السياكل !!!من الفرجان...صور ,,

الشخصيه النرجسيه

بطـــــــاقتي الشخصيه