ولدي وعدد الرضعات

**فدا تراب زايد** · 2017-07-16, 00:41

السلام عليكم ،،

ولدي عمره 8شهور واحس ان حليب صدري مايكفيه
كان بالليل ينش كل ساعه او نص ساعه ونومه متقطع
ف قررت اعطيه رضعة صناعي قبل ماينام بالليل
وتحسن نومه شوي
بس يقولون عطيه رضعتين لانه حتى هالرضعه ماتشبعه
انا متردده و خايفه اكثر له عدد الرضعات ويتعود عليهم بدل صدري خاصة اني مابي افطمه الحين

انتو شورايكم

المزيد من آخر المواضيع من نفس القسم:

**تفاحتي** · 2017-07-16, 01:03

المفروض من زمان دخلتي عليه الصناعي

لان الصناعي يشبعه وفيه فوايد مو مضر
بس استمري ع الطبيعي مابيقطع الولد رضاااعه
بس لازم الاثنين بتحسين بالرااااحه يوم يشرب جرعه حليب

ومو شرط حليب باودر انا اعيالي اعطيهم حليب بوش
سهالات حبيبتي

**موجوع قلبي** · 2017-07-16, 15:05

وعليكم السلام والرحمه
عطيه ابتاميل وايد زين
دخلي صناعي معليه شر سبحان الله عوديه من احينه ع صناعي ومفروض لحينه تسوي له اكل وعصاير ربي يحفظه لج

**فدا تراب زايد** · 2017-07-16, 16:39

انا كنت اظن انه لازم اتريا لين يكمل سنتين وبعدين اعطيه الصناعي يعني يظل لمدة سنتين بس يشرب من صدر الام
لهالسبب كنت متردده ماكنت ادري ان لازم يعطونه الاثنين

**فدا تراب زايد** · 2017-07-16, 17:16

ألاحظ انه ماياكل او يشرب دايما
يعني مرات عادي يوم كامل ماياكل شي بس يتم عالحليب
مع اني احاول انوعله ف الاكل و العصاير
ياكل لقمه لقمتين عقب يسكر حلجه و يتم يصيح
من الشهر السادس بديت اعطيه اكل
بس يمكن هالشي طبيعي فعمره ؟
ماعرف كيف اخليه ياكل حتى ان جسمه ضعيف

**تفاحتي** · 2017-07-16, 21:59

الله يهداج اقري ف النت وثقفي عمرج
كتبي ف قوقل
متى يبدا الطفل بالاكل

شو الاكل اللي يحتاج الطفل قبل السنه
افضل حليب للطفل قبل السنه

كل سؤال يخطر ف بالج كتبيه

**الراقيةُ** · 2017-07-17, 04:52

سوي له وجبات عيش مهروس او فواكه مهروسة و خضراوات مهروسة الحين لازم يكون متعود على الاكل الحليب ابروحه مايكفيه كل ساعتين وجبة ورضعات بين الوجبات مرة طبيعي ومرة صناعي ..

الموضوع: ولدي وعدد الرضعات

أدوات الموضوع

عرض

ولدي وعدد الرضعات

المزيد من آخر المواضيع من نفس القسم:

رد: ولدي وعدد الرضعات

رد: ولدي وعدد الرضعات

رد: ولدي وعدد الرضعات

رد: ولدي وعدد الرضعات

رد: ولدي وعدد الرضعات

رد: ولدي وعدد الرضعات

المواضيع المتشابهه

حكم دعاء عدد ما كان وعدد ما يكون وعدد الحركات والسكون..انتبهوا اخواتي

سبحان الله عدد ماكان وعدد مايكون وعدد الحركات والسكون

لا إله إلا الله عدد ما كان وعدد ما يكون وعدد الحركات والسكون ... تثبّت قبل أن ترسل

دعاء لا إله إلا الله عدد ما كان وعدد ما يكون وعدد الجركات والسكون ذكر موضوع

][ ما صحة لا إله إلا الله عدد ما كان وعدد ما يكونـ وعدد الحركاتـ والسكناتـ ][