ختان ولدي

**Um-noof** · 2017-07-11, 21:30

هلا خوااتي
يوم الخميس ان شاء الله موعد ختان ولدي خذتله موعد ف عيادة الشرق اللي فالفجيره
ولدي الله يحفظه عمره سنتين و7شهور ووايد خايفه عليه وهاذا اول ولد لي مب عارفه كيف بتصرف وياه بعد الختان
شو اسوي وهو ما يلبس بامبرز ومب عارفه يعني بعد الختان البسه بامبرز عشان ما يعور عمره والا اخلي عادي ساااعدوني الله يخليكم شو اسووووي ؟؟!!

المزيد من آخر المواضيع من نفس القسم:

**موجوع قلبي** · 2017-07-18, 00:20

وعليكم السلام والرحمه
استغرب عليكم ليه تطولون ماتطهرونهم وبعدهم بشهور
الله يسهل عليه اول شي خذي زيت جوز الهند النارجيل يبعونه اغلب الهنود
لا بدون بدون بامبرز هلفتره لاتخلينه يتحرك وايد
وربي يسهل عليه وتكون ساعه سهله وايد عليه وأيده خفيفه

**تفاحتي** · 2017-07-19, 01:33

لاتشرهونً
محد يعرف ظروف خلق الله

**Um-noof** · 2017-07-24, 23:21

للحين ما ختنت ولدي
في مستشفى الفجيره قالولي لازم يسووله تخدير كامل ويتم عندهم يوم فالمستشفى وابوه ما رضى
واليوم سرت المستشفى اللي ف منطقتنا وبعد قالولنا لازم تخدير كامل ومب عارفه شو اسوي ماشي حل غير اني ارضى بالتخدير الكامل لان الولد كبير وما اقدر اخلي اكثر
وموعدنا تاريخ 7 ان شاء الله عشان العمليه
والله يسهل الامور ع خير والله مب خايفه غير من التخدير الله يعين

**تفاحتي** · 2017-07-25, 01:11

اول شي صلي ع النبي
واستخيري رب العالمين
وان شا الله ماعليه شر
توني من اسبوع طالعه من تخدير كامل والحمدالله بخير وعافيه

**شيخه بنت يوسف** · 2017-07-31, 13:50

عيادة فتحي عماره يختنون بدون تخدير كامل هذا الي اذكره من ثلاث سنين وديت ولد اختي (طبعا كله فراسي لان خواتي يخافن ) والولد كان كبير يمكن اربع سنين فعادي تخدير موضعي سووله . وطبعا يعطون مرهم ومن هالسوالف يعني مايحتاج تخافين

**سنيوريتا 2010** · 2018-03-24, 00:45

اذا تعدي عمر الولد فوق السنتين لازم تخدير كامل، فرضنا سووله موضوعي ومن شاف الدكاتره تحرك وتم يصيح والدكتور غلط وعقب ، شي طبيعي في نسبه الم ، ولا ما سموه موضعي، والياهل بيتعقد من المستشفيات ،الافضل كامل والدكتور يشتغل صح

الموضوع: ختان ولدي

أدوات الموضوع

عرض