خبيرات الدخون

[banat_star]

السلام عليكم.....
بغيت أحد يساعدني في خلطة الدخون.....
يوم أسوي الدخون في البداية كل شي تمام
و بعد فتره يجف وتخف ريحته....................
بغيت أتفادى هذي المشكلة أو في شي معين انحطه في الخلطه مثل مثبت..............
واذا في خلطات للدخون أو العطور البخاخه أو عطور الفراش افيدوني......
ولكم مني جزيل الشكر................

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[راعية الخير]

والله يا اختي ماعندي اي فكره وابصراحه اختي اتواجهها نفس المشكله لانها اتسوي دخون بس ما يضبط معاها وقلتلها انتي فاشله
واقول عط الخبز خبازه لو باق نصه
هههههههههه
انا اقول اسالي خبيرات الدخون والعطور ماشاء الله عندهم فكره وخبره ب هالشي مع ان على قولتهم سر المهنه
واسمحيلي على الاطاله

[صبح وليل]

وكلنا نعج نتريا الردود من الخبيرات بهالمجال

[مــــيره دبــي]

السموحه منج حبوبه..

ماعرف

بس الأمل في أهل الخبره..

حياااااج الله

[إمارات الخير]

أختي خبريني اذا حد فادج

[بنت البلد]

عندي قريبة كان عندها نفس المشكلة وبعد البحث والتحري لم تصل الى شيئ ولم يفدها أي احد من الخبيرات على قولتج .... وبعضهن صديقات وقريبات ...

.... الاكثر يتهربن والصراحة ما يكشفن السر ....
لا لشيئ الا اخوفهن انج اتنافسينهن وتسحبين عنهم الرزق ....

لكن الذي اعرفه ان الارزاق بيد الله ...

جربي وحاولي راح تكتشفين السر ونتمنى انج تخبرينا عنه وما تكونين انانية

الله يوفقج

[Sheikha]

عندي قريبة كان عندها نفس المشكلة وبعد البحث والتحري لم تصل الى شيئ ولم يفدها أي احد من الخبيرات على قولتج .... وبعضهن صديقات وقريبات ...

.... الاكثر يتهربن والصراحة ما يكشفن السر ....
لا لشيئ الا اخوفهن انج اتنافسينهن وتسحبين عنهم الرزق ....

لكن الذي اعرفه ان الارزاق بيد الله ...

جربي وحاولي راح تكتشفين السر ونتمنى انج تخبرينا عنه وما تكونين انانية

الله يوفقج

صح لسانج بنت البلد.. واتمنى من الجميع انهم يتذكرون ان الهدف من هالقسم المساعدة.. ولو بنصيحة..

[banat_star]

اشكر جميع الأخوات الي ردو علي وانشالله اذا اكتشفت السر ما ببخل عليكم نحنا نعين ونعاون...
وصدقج يا بنت البلد الأرزاق بيد الله .. والسموحه منكم..

[الشيخة جواهر]

اعتقد اللى يثبت الريحه هو العطر كل ما زاد العطر المركز ثبتت الريحه .... وغالبيه الحريم يكثرن من ماي الورد وايد ويخففن العطر للتوفير وهذا غلط .... وانا استغربت من بعض الحريم يوم قالولي انهم يحطون عطورات البخاخة العربية والفرنسية فى الدخون وهذة اكبر غلطة ...لأن العطورات البخاخة يكون فيها كحول وعلى طول يتبخر ويمكن يشب ....

بالنسبة لخلطة عطورات البخاخ.... انا اسويلى عطري الخاص ...اخلط اي عطر فرنسي عندي فى الغراش الصغيرة الخاصة للشنطة تكون اعتقد 10 ملى بس واحط عليه نقطتين دهن عود معتق ... او احيانا احط مخلط دهن العود شيوخي من عند اجمل اللى فى الهند وتطلع ريحته روووعه ( واجمل عندنا ولا شى بالنسبة لعطووراته اللى فى الهند .... عنده مصنع فى جبل على مختلف تماما عن هناك )

ان شاء الله اكون افدتج .... وانا تراني صح ابيع دخون بس ما اسويه ومن كثر هذربان العيايز عندنا استوتلى خبرة

[غبيشة]

فعلا العطر الزيتي والمخلطات العربية والزباد والعنبر القطع المذوب في دهن الورد والمسج الابيض والسكر المطحون كل هاذي الاشياء ترطب الدخون واتخليه طري واخيرا طريقة التجفيف في مكان ما في تيار هوا اتخلينه ايجف بروحه بدون مراوح والسموحه منكم يا بنات

[banat_star]

مشكوره اختي الشيخه جواهرو غبيشه على المعلومه بس حد يعرف شو هو الزباد؟

[زكية الذكية]

أنا ما جد سويت دخون ...

بس اللي أعرفه ان الدخون عقب ماتخلصين منه شي منه ينحط تحت المروحه عشان يجف وشي منه تحطينه في غرشه .. وتسكرينها ولا تستخدمينه إلا عقب اسبوع عشان تثبت الريحه ...

ولو تخشينها في مكان ظلمه بعد يكون أفضل ... مادري ليش يمكن الدخون يستحي ..


بس بشكل عام كل العطورات لو تنحط فالظلام قبل الاستخدام تثبت ريحتها ...


واتمنى أكون أفدت ما خرفت ولا عفست الدنيا هههه