مطلقة و ..

[ام احلى بنات]

أختي العزيزة ، ما بزيد على كلام الخوات ، كلهم جزاهم الله خير كفوا و وفوا.

بس بقولج عن مشكلة مشابه عشتها، فترة من الفترات زوجي تعرض لحادث خلاه طريح الفراش لمدة اكثر من 6 اشهر ، طبعا خلال هاي الفترة اضطريت ان اترك البيت الايجار اللي ساكنه فيه و اروح اسكن في بيت اهلي لان زوجي راح يعيش ببيت اهله عشان امه ترعاه بما اني في الدوام معظم الوقت.

و الله يا اختي ما بذم في الاهل الله يحفظهم و يعزهم بس ع قولت اخوانا في مصر (من خرج من دارة قل مقدارة) ، و حصل لي نفس اللي حصل لج و اكثر بدون ما اذكر تفاصيل.

ما ارتحت الا يوم سرت أجرت بيت بروحي لي و لبنتي الكبيرة (ما كان عندي غير وحده ايامها) و ارتحت و تميت فيه لين ما الله من على زوجي بالشفاء و رجع و عاش بينا.

أختي عن خبرة الزيارات بين الاهل احسن من السكن مع بعض ، و طول ما انت بعيدة عن اهلج او اهل زوجك يحبونج و يحترمونج اكثر.

توكلي على الله و روحي بيت خاص فيج ، نفسيتج و نفسيت بنتج بتكون احسن ، و بتقدرين تربينها بطريقة افضل بإذن الله تعالى،،،

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام الدحمي]

اسكني بروحج احين تشوفيته صعب عقب بتحمدين الله والله يوفقج

[M-Alshehhi]

قدمي عالأسكان الدولة ماتقصر والله يفرج عنج همج .