شو بيكون مصيري ؟؟

[غافلة]

السلام عليكم ورحمة الله وبركاته
خواتي انا بخبركم عن عمري وانتو احكمو وان قدرتن ساعدني
بنات انا خايفة
خايفة امووت
وانا بعدني غافلة عن ربي وديني
واشعر بفراغ بداخلي
ابي ارتوي بديني
بس ماعرف كيف ؟؟
لا تنصدمن
هيه ماعرف
صحيح اني متحجبة
بس انا ماعرف شي بديني
ابي اتعلم كيف اصلي
هيه كيف اصلي لا تنصدمن
ابي اعرف عن ديني
لان الفراغ الديني اللي بداخلي جاتلني
وكل يوم احس ان مالي هدف بالحياة
واني اعيش للفراغ انا اعرف هالشي
بس كيف املي قلبي بحب ديني ماعرف
خاطري اكون شرات هالتائبين لله
ابي اشل هالغمامة عن قلبي
والله ابي اصيح
ابي حد ياخذ بايديه ويساعدني
ويعلمني امور ديني
انا غافلة
لاتقولن دوري واقري وسوي
انا اساسي غلط
فكيف بساعد عمري
والله اخاف امووووت
اخاف من القبر
ابي اتوب
انا ماسويت شي جايد بدنيتي
طول عمري امي وابويه
راضيين علي
ومااسوي شي غلط
بس الغلط اني ماعرف ديني
بنات انا اخاف من الحساب
كيف بجابل ربي ساعدوني
لو بدعوة صالحة
انا ماعندي حد يعلمني
انا وحيدة بهالدنيا
وماعندي غير هاللاب
سااااااااااعدوني
يزاكم الله خير
كل اللي ابيه الجنة
بس ماعرف دربها
سااعدوني
مابي ادخل جهنم
اسال الله لي ولكم الجنة

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غافلة]

ايميلي صوووووووووووووووووووووووووووووبج^_^

استقبليه ع الرسايل

عندي محاضرات تفزع>>كل ماسمعها اموت ..

بحاول ادورها لج

المهم

ايميلي بيكون عندج وبنسولف

وبعطيج كل شي كل شي يخص امور دينا

بكون معاج من البدايه لين النهايه
يارب يهديني وياج ويثبتنا

,,

فديتج يزاج الله خير

[missuae3003]

انتي كمـ عمرج ؟؟
وين الوالد والوالدة ...؟
ليش ماعلموج !
.
.
بعطيج رقم ع الخاص ... اعرضي مشكلتج على المختصين .. و لاحياء في الدين ..
اي سؤال عندج اعرضيه عليهم .. حتى طريقة الصلاة بيعلمونج اياها ..

.
.
شيكي الخاص فديتج
والله يهدينا ويهديج ..

[منشغل بالها دوم]

يقول الله تعالى: (أنا عند ظن عبدي بي وأنا معه إذا ذكرني فإن ذكرني في نفسه ذكرته في نفسي وإن ذكرني في ملإ ذكرته في ملإ خير منهم وإن تقرب إلي بشبر تقربت إليه ذراعا وإن تقرب إلي ذراعا تقربت إليه باعا وإن أتاني يمشي أتيته هرولة) رواه البخاري (7405)، ومسلم (2675).
و أنتي الحين مادام خذتي قرارج أخذي الخطوه الأولى و أهمها الصلاة شوه تبين
من معلومات أو أمور مب فاهمتنها بيبها لج

[بنت_البلاد]

االله يهدينا اختي معاج...
ويصلح حالنا.. ونكون من اصحاب الجنه ان شاء الله...
وكلنا انخاااف... من الحساب والعقاااب...
وانا خااطري اتغير بعد.. واصير للاحسن... لاني احس ما سويت شي في دنيتي يخليني ادخل الجنه...
أختي نوني... انا خاطري بعد اطرشين لي هالمحاضرات.. ابي اسمعها.... اذا ما فيها تعب عليج... وبكون شاكره لج..
^_^

[كنـت هنـا]

السلام عليكم ورحمة الله وبركاته


أختي الكريمه / غافله..


أسمك اولا هوسيكون سبب أستمرارك ما انتي فيه غيريه الى المتفائله او الناجحه..

لانه سيرسم بمخيلتك انك غالفه حقا دائما وستصدقين ذلك الامر وانك كان ذلك غير صحيح بالواقع..

اسمعيني حبيبتي..

هذه الخطوه الاولى اعترافك بالخطأ الذي انتي واقعه فيه..

وهذه اول خطوه للنجاح ووصولك لما تريدين..

والحمد الله انك استوعبتي المشكله وحددتها بنفسك .. وكما تقولين انك تحتاجين لمن يدفعك للأمام..

صاحبي الصحبه الصالحه عزيزتي.. فهن من سيمسكن بيدك ان شاء الله الى الصلاح..

لن اسالك عن عمرك ولا اين اباك وامك.؟؟

ولكنني سأسألك اين قلبك؟

هل هو صاح ام مريض او قد مات وكفنتيه بيديك..؟

قلبك عزيزتي.. هو اساس صلاحك اصلحيه واعقدي قرار بينك وبينه بالصلاح..

بعدها شدي من ازرك فلن ينفعك احد بهذه الدنيا قدر ما ستنفعين نفسك بنفسك..


حفظك الرحمن غاليتي..

[ام محمد !!!]

غلاي...


اذا ممكن بعطيج ايميلي وضيفيني ...

ممكن؟؟؟

[امونة2006]

الله يهدينا جميعا .....ويرزقنا الجنة باذن الله .......بناات رجاءا الي عندها محاضرات...تعرضها ...علاش الكل يستفسد ..زوبارك الله فيكن جميعااا

[المنقبة]

الله يهدينا الى ما يحبه الله و يرضاه و الله يدخلنا الجنة
اللهم اعنا على دكرك و شكرك و حسن عبادتك
اللهم امين

[ملكة الملوك 333]

الله يهدينا جميعا .....ويرزقنا الجنة باذن الله .......

[المريه]

اذا تبين اي شي حاضرييين للطيبين

بس راسليني عالخاص ومابقصر وياج

والبنات بعد فيهن خير مابيقصرن

واسأل الله لي ولك الهدايه والجنه ولكل بنات المسلمين

الرب حافظ ^ن^

[خيالية]

عيبنا يالغاليه أن احنا مجتمع مانحب القراءه...أنا عن نفسي كنت أكره اي شي اسمه كتاب وقراءة بس سبحان الله انحطيت في ظرف وفي فتره ماكان ونيسي فيها غير الكتاب...وأقدر أقولج أني حتى الصلاة اللي كنت طول عمري أصليها اكتشفت انه فيها أخطاء وايد بس ولله الحمد قدرت اتلاحق عمري واصححها من سنه تقريبا عقب ماقريت عن كيفية صلاة الرسول صلى الله عليه وسلم للألباني...البنات بيفيدونج والقنوات الدينيه والأشرطه والكتب..ولا تقولين ماقدر (اسعى ياعبد وانا اسعى معاك) لاتخلين ابليس يضيق عليج ويصعب عليج الموضوع...


اللهم أرنا الحق حقا وارزقنا اتباعة وارنا الباطل باطلا وارزقنا اجتنابه

يا مقلب القلوب ثبت قلبي على طاعتك

اللهم نسألك قبل الموت توبه وعند الموت شهادة وبعد الموت جنة ونعيم

اللهم اجعل خير عملي مايقارب أجلي

اللهم إنا نعوذ بك من سوء الخاتمة وسوء المنقلب

[فديت اماراتي]

الصراااااااااااااااااااااااحه
ماشاء الله عليــــــــــــــــــــــــــــــــــــــــــــــج
أحيييييييييييييييييييييييييج من كل قلبي
انتي حسيتي بعمرج وهذا يدل على ان الله وياج ويبا لج الخير ويحبج
في ناااس ما تصلي وما تبا تتعلم في ناس عيبتنها العيشه بهالطريقه


لا تخافين حبيبتي في وااااااااااااااااااااااااااااااااااااااااااااااايد نا س مثلج وأخس عنج بووووايد بعد...
بس انتي الحمدلله الله اختارج عشان تقومين من الغفله اللي كنتي فيها,,
وترى نحن بشر وكلنا نتعلم في كل يوم شيىء يديد..


طرشيلي ايميلج..

[ستايلي غير]

اختيه لا تحسبين انتي ابروحج في محنتج ترا اعتبرينا خواتج و اي شي تبغينه في الدين محد بيقصر وياج...

الله هداج و اعترفي يعني تبغين الاجر و الي يبغي الاجر ما يستحي و يتم يبحث في كل مكان ...

اختيه لا تنسين خوانج و خواتج حتى ابوج و امج لا تخلينهم شريلج اشرطة و سمعيهم و ان شاء الله هدايتهم اتصير بيدج

ترى الصح دومه في طريقه عراقيل لا تنسحبين ابسرعه تمي ناضلي لدينج و صلاتج... ترا هالايام بتحسين ان الوسواس قوي يس كوني اقوى منه...

ارجع و اقول لا تنسين الي من حوليج... اذا ربج هداج اكيد بيهدويم اهم بعد... و اخيرا كثري من الاستغفار ....

[أم السعف والليف]

طرشت لج عالخاص ختيه وما أعرف جانج قريتيه ولا لا؟؟