مشاكلهم و ماتخلص

[abeerali3]

ابغا اشكي لكم عن اهل ابويا و معاملتهم معانا.... امي و انا و اخواتي معاملتنا معاهم بكل طيب نضحك لهم و نبتسم زياده عن اللزوم لدرجه بيتنا مايعرفونه... بيتنا و بيت جدتي من أبويا ملاصق في بعض لدرجه يتعدوا من جنب بيتنا ولايسلمون علينا ولايزورونا حتى المناسبات لما نحضر مايسلمون علينا و لايجلسون معانا ولايكلمونا اذا فيه زفه بيطلعوا الكوشه لدرجه كرهنا جمعاتهم اعياد لما نحضر بيت جدتي من ابويا نحصلهم انا وامي و اخواتي نجلس هما كلهم يروحوا يتجمعوا و يجلسوا في ركنيه في المجلس و سوالف مع بعض و انا و امي و اخواتي مثل الجدار اذا جيناهم قالوا شغلوا الشيلات عشان مايبغون يسولفون معانا و اذا رحنا قفلوا الشيلات.. عمتي الصغيره من جدي ف ايام الويكند اذا زارت جدتي تمر علينا ف البيت لكن اذا تجمعنا ف اعياد او حضرنا زواج ماتعرفنا تجلس مع اخواتها و بنات اختهاولا كأن ف يوم من الايام جلست معنا كأننا اغراب و اذا جاء الويكند تجينا ... جات عمتي قالت لنا نبغا نتجمع ف استراحه الاهل كلهم ولازم كلكم تجمعوا مبلغ معين يعني بالقطه يعني كل وحده تدفع طبعا احنا رفضنا بحجه الميزانيه ماتكفي عشان زواج اخويا اقترحنا عليهم نتجمع كل اسبوع في بيت طبعا رفضو كلهم الا و يبغو استراحه قالت امي لهم احنا دفعنا او مادفعنا لما نحضر لكم بناتكم يجلسوا مع بناتي و يسولفو معهم قالت الا يسولفوا قالت امي خافو الله بناتكم في جهه و بناتي في جهه كأننا اغراب مايعرفون بعض على ايش نحضر . لأن عمتي تبغا استراحه عشان تهايط بتصور سناب عشان اهل زوجها يقولوا و الله اهلها حماس لأن هيا قالت عمتي بلسانها بنسوي استراحه عشان حماتي و سلفاتي يقولوا والله جماعتكم حلوه ...المهم رفضنا المشكله مو هنا المشكله ان راحت عمتي واساسا مسويين قرول للعائلة في عماتي و بناتها و حريم اعمامي مضافين الا امي و انا و اخواتي ضافونا عشان يبغون يطرحون هرجه الاستراحه طبعا رفضنا و اقترحنا ف البيت قامت عمتي قدام الكل في قروب الواتس تبغا تشوهه سمعتنا قدام حريم اعمامي قالت اصلا انتو يابنات فلان لو ما رحنا عندكم ما نشوفكم و بيتكم ف العيد ندقه ولاتفتحو لنا ولا تفتحوا الباب و تقفلوا بوجهنا ... و الله العظيم يا اعضاء سيدات الامارات حلفت بربي ان كل كلمه تقولها غلط مع العلم عمتي دعت قبل على حرمه عمي قدامنا و حرمه عمي رايحه ف نفسها المهم بعد ماقالت علينا كذا امي ردت عليها ف الواتس ف نفس القروب كذا (السلام عليكم و رحمه الله و بركاته
كيفكم كثرة العتاب تفرق الأحباب
مو بضروره تجبرون الشخص بالقوه في أولويات في حياتنا أولى مو الشخص اذا ماجاء صارت مشكله ..اذ الواحد صار مو كفو وراعي واجب لا يحط اللوم على غيره و يا أم فلان تقولين وين بنات فلان لو مارحنا عندهم مانشوفهم متى جيتي لهم عشان ماتشوفينهم ؟ الشخص يزور بيت اخوانه مو لمناسبه أو يكون لغرض عالعموم عطيناكم عذرنا و لو ربي يسرها اكيد بنقولكم ان شاء الله و ربي يهدي الجميع) هذا رد امي قامت قالت عمتي الحق على اللى يبي جمعتكم انتو منتو حقين جمعه انا اهم شي عندي اخواني وانتو الله يستر عليكم و زعلت عشان امي كتبت الشخص اذا مو كفو ... قلت انا لها ليش زعلتي احنا قلنا الشخص ماخصصنا عممنا ودام محنا كفو وماهميناك و اعطيناكم عذرنا على ايش مطوله الموضوع و تتكلمين علينا قامت عمتي حذفتنا من القروب انا و امي و اخواتي ..
جاتني بعدها ف الخاص بنت عمتي عيب تتكلمي على عمتك العمه اذا ما احترمت امي و تدعي على ابويا و تتكلم علينا و تألف انها تجينا ف البيت عشان حريم اعمامي قولوا طيبه معليش مو حقت احترام قالت بنت عمتي انتي يابنت الخال الى تتكلمين على الادب و الاحترام و كذا ف عمتك لكن الجمل دايم مايشوف عوجه سنامه رحت انا من غير اي رد لها سويت لها بلوك ...

بعدها جات عمتي الصغيره من جدي طبعا متزوجه كنا عازينها زي اخواتي و اكثر نطلعها معانا نعطيها من ملابسنا نوديها مطاعم المهم رسلتلي كلام امك مستفز و الأم مدرسه دام منتو محترمين و انا ما ارضى على اختي حتى احنا بعد مانرضى على امي قامت قالت نظفو قلوبكم ايش الحقد لو ظليتو كذا ماراح يكون لكم اهل... المهم سويت لها بلوك بدون اي رد لان هاذي عمتي من جدي امها الله يرحمها جابت هاذي البنت و ولد كانت جدتي و عماتي يعذبونها و يطيحون فيها الله يرحمها و سبحان الله تكشي في صفهم على قد ماتشوف منهم ... لكن حسبي الله ونعم الوكيل ..

هاذي عمتي عمرها يمكن 50 تخيلوا تدعي قدام ابويا تقوله عساني الى اشوفوا في ابويا اشوفو فيك والله لو امي و ابويا ماتو ماتشوفني في مدينتكم ولا اقرب بيتك.. ابويا يقول طنشتها لانها حرمه و الحرمه ضعيفه ماعليها شرهه هذا الى زعلنا عليها ..


اليوم جات عمتي الى اكبر و مسكت اخويا الصغير عمره 20 راح يزور جدتي قالت له امك الى ماتستحي تطرد امي طبعا ألفت الكلام من عندها هذا الكلام قبل 5 سنوات لان جدي الله يرحمه زعل على جدتي و جبناها بيتنا و ربي امي حاطتها في عينها و تصحى الصباح و تسوي لها الفطور و مخصصه لها غرفه ووللخدامه تخيلوا تقول ل اخويا امي طردتها و كمان لما امي الى هيا جدتي بتغطي قالت امك ليش مفكرتني فلان زوج بنتك ..وربي وربي امي ماقالت هذا الكلام قال لها اخويا قصدك تبغيني اوصل الكلام ل اهلي عشان ترتاحين قالت ايوا الحمدالله وتخبط صدرها و تقول الحمدالله ارتحت حسبي الله عليهم كلهم يا ر ب...

انا و امي و اخواتي شخصيتنا جدا حنونه و طيبه مانحب نجامل اذا جانا الضيف نضحك له و نبتسم حتى لو جلس ساكت نقول ياالله لازم نسعده نجلس نجيب سوالف عشان ينسبط و طيبتنا سبب خلونا ضعاف



المهم زواج اخويا ف العيد نعزمهم او لا و ايش ردكم على المعامله الى يعاملونا فيها

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[تفاحتي]

اعزموهم


وعاملو ربكم
الوصخ لنفسه والزين لنفسه


اللي بيحضر حياااه واللي ما بيحضر الله معاااه

[mouzan7mod]

خلوا الوضع عادي
اعزموهم إذا حبوا يزورونكم للعرس حياهم الله و اذا ما حبوا ف مو لازم
المهم أديتوا الواجب

[ماحد شراتي]

الله يعينكم

لكن اعزموهم ولا تخلون شي عليكم اذا حضروا حياهم الله وذا لا انتوا سويتوا اللي عليكم

وبالبركه مقدما