نفسيتي تعبانه ...ابغي حل...,,

**منشغل بالها دوم** · 2007-10-18, 13:19

أقولج أيلسي عنده لين ينسى و لا تمين عند أهلج تباتين خلاص أنتي معرسه و يوم أكتشفتي أن عند زوجج هذا المرض المفروض ما تخلينه بروحه ... الحين لو هوه محموم أو مريض ما بتيلسين وياه أكيد بتمين تراعينه و تجابلينه
و هذا مرضه يوم يختلي بعمره خليج لصقه يلين يتعدل و لأن شكل زوجج نفسه مريضه و يمل ( و هذا مبين
من النكات اللي يستخدمهن) جددي من حياتج عشان تستريحين و في المستقبل العيال و هموم الدنيا بتنسيه حاولي تشغلينه
بترتيب البيت و الحواطه و هاتيله علوم و سوالف و خليه يشوف معاني الرياييل بيستريل
و هب كل يوم تزخينه مسوي شي و تواجهينه و تردين تجذبينه تراه بيكبر راسه و بيتم عادي عنده ولا عليه
لازم تحاولين تحلينها من غير ما يحس عشان يتلوم بينه و بين نفسه و يستصغر و يلوم عمره ...
أي حد بتسيرين تواجهينه بغلطه بيرد السبب عليج خذيها قاعده لأن القليل اللي يعترف !!!
عشانج و عشانه

**الخــــــــافق** · 2007-10-18, 17:13

حبيبتي
امسحي برنامج الجافا من الكمبيوتر
لأن الشات ما يشتغل إلا بالجافا
وهاي أول خطوة
" امسحي البرنامج وجربي ادخلي على اي جات "
للتجربة فقط
والخوة الثانية تقربي منه مثل ما قالوا لج الاخوات

**سالفة** · 2007-10-18, 20:39

والله تبين الصدق الوحدة ما تجري من وين تلقاها من ريلها ليش هم يسوووون جس ما دادري اذا هم لهدرجة ما يقدرون يصبرون ليش يتزوجون والله العظيم الوحدة تغلط يوم تتزوج

الله يعينا ان شاء الله

**RNEN** · 2007-10-19, 06:16

حاولي تغيرين الروتين مالج يعني لا تكثري طلعات ويوم تطلعين تاخذين معااااااج عزيزتي ريلج موب خاين ولا شي ريلج مريض ومهوووس وهذا طبع فيه قبل لا يعرس والانسان ما يتغير طبعة بين ليلة وضحاها انتو بعدكم 3 شهور هذي فترة اصغيرة اصبري عليه ومثل ما قالت وحدة الاخوات حاولوا تصلون مع بعض وتصومون مع بعض وتروحون العمرة مع بعض وتسمعون محاضرات دينية هذي نقطة,اتشوفين شو هواياته وحتى ما عند هوايات حاولي تشترون بلي استيشن اورقة حاولي اتحببينه بالكورة والرياضة خلي يدمن عالشي عسب يترك هالشغلة هذي نقطة, وانتي يالسة وياااه فالبيت حاولي تكشخين له اتغيرين استايلج بالمره يعني وحده ايديده خلي يحس بالتغيير اشتري لعبة الحب والعبي ويااااه كل يوم سويله بارتي اصغير ودلعيه هذي نقطة , اتسافرون برع كم من اسبوع بدون ما تاخذون النت وياكم كتغيير جو الهيه او بالاحرى حاولي اتنسيه بالشي الي اسويه كل يوم سوي له شي ايديد عسب ينسى ويتعالج من هذي الحالة
الله يهديه ان شاء الله

**أم المر** · 2007-10-19, 07:24

فديتج الريال يوم يبا يسوي المنكر الحرمه ما تغلبه ريلج يبا يسولف يلعب يغير جو شو ملان انتو عرسان توكم 3 شهور وين عيل لو كملتي وياه سنين شو بيسوي يمكن قبل ما ياخذج كان هذا جو والحينه ما يروم يصبر عنه الله يهديه رمسي هلج يرمسونه دامج بعدج ويا على البر ما حملتي

**أم حتوس** · 2007-10-19, 10:14

لا تخلينه بروحه واذا هو بيطلع مكان يعني ويا الشباب سيري بيت اهلج ويوم بيرجع البيت رجعي معاه المهم ما تخلينه

بوحه والله يوفقج

**المنقبة** · 2007-10-19, 10:40

الله يهديه ويصبرج

**زنبقه** · 2007-10-21, 05:44

سمعي يالغاليه الكلام اللي يجمد عالشارب مثل مايقولون

عمتج باين عليها حرمه سنعه وبنت حلال وماترضى بالغلط

امسكيها عجنب وقوليلها السالفه من اولها وخبريها انج ماتبين تخربين بيتج عشان هالتفاهات وولدهم محتاج زيادة تخويف من الله وحزم أكثر من جهة والديه
اذا مسكته امه وعطته كلمتين بيجيج يخانقج لاتسكتين له قولي اذا انت تخاف ان امك تدري ترى بيجي يوم كل الناس تشوف سواياك ويفضحك الله على رؤوس الاشهاد
اذا انت تخاف من الفشيله جدام امك خاف من رب العالمين اللي عطاك السمع والبصر والاصابع خاف انه يحرمك اياها وتقضي باقي عمرك معاق لانك ماصنت النعمه اللي عطاك اياها ربك وصرفتها فيما يغضبه
وقوليله ان كل يوم تصبح فيه وانت سليم معافا او تمسي وانت بنعمه فعليك ان تشكر ربك اللي مهلك لهالحظه ماسلط عليك سياره تسبب لك شلل احمد الله انك ليما الحين وربي معطيك فرصه تتراجع عن أخطائك وحصنك بزوجه يتمناها كل شاب ومع ذلك انت مستمر في عصيانه ومتوغل انتبه لنفسك ترا الله يمهل ولايهمل ولاتستمر في المعصيه لأنك بذلك تسارع بخطاك نحو أجلك
وعلقي فبيتج الايات اللي تدل على ان السمع والبصر تشهد على الانسان
واذا ركبتي وياه فالسياره حتى لو امه معكم شغلي الاشرطه اللي فيها وعظ وتذكير بالاخره
فيه شريط للعلايفي ماذكر اسمع يقول فيه ان الانسان اذا نوى يسوي معصيه يطالع يمينه وشماله عسب ماحد يشوفه ولكنه لاينظر فوقه ويتحسس ان من خلق الظلام يراه
أبشرج بالخير زوجج هدايته قريبه وراح تكون على يدج ان شاء الله
بس الموضوع محتاج منج شوية صبر وكفاح
لانه بالاصل انسان طيب ودخلت عليه شوية عوارض ساعديه على تخطيها
بيتج لاتتركينه ابدا ابد ابدا لان الشيطان بيخالفج عليييييييييييييييييييه وهذي نقطه مهمه
خذيلكم ساعه اقرو فيها سورة البقره قدر المستطاع يوميا اذا تقدرين بعد تقرنها له بصوت عالي وهو بعد يقراها لج بصوت عالي هم أحسن وتعذري بانج اتحسين بضيقه وانج مب طايقتنه الا ليما تسمعينه يقراها وان فيه ناس انصحوج بالطريقه هذي وضخمي الامر فعينه عسب يحرص على قرأتها عليج عشان الله يشافيج وترجعين تتقبلينه من جديد وتأكدي ان الفرج جريييييييييييييييييييييب وان كيييييييييييييييييدهن عظيييييييييييييييييييييم

**ساميه** · 2007-10-21, 15:38

اذا توكم مزوجين

وينكم عن الظهرات ......... !!

انا اول ما عرست .. دوم اظهر وياه اي مكان ...... وكل مكان حتى لو انحوط في السياره

المهم نشغل وقتنا ... او نسير ضربه بيت اهله او اهلي ..

لا تخليييييييييييييييينه بروحه تمي وياه ع طووول

**إمـــكـــن؟!** · 2007-10-21, 15:44

السلام عليكم ورحمه الله وبركاته
الله يعينج ويهديه ان شاء الله
لازم تخلينه يلتزم بالصلاه والاستغفار وقرايه القران
وبقولج شي ثاني بعد
اذا كان ملتزم وجيه فالحل الوحيد انج تقطعين النت
بقولج ليش لان يمكن هو قبل لا يعرس كان جيه وخلاص خذها عاده

قطعي النت واخذي الجهاز ولا تعطينه فرصه يستخدمه مره ثانيه
واعرف يمكن انتي مب مقصره وياه بس هو تعود على هالشي
والله يعينج

**QlaYeD** · 2007-10-23, 04:38

خلج جديه معاه بهالمواضيع لاتكلمينه ازعلي عليه طنشيه كمن يوم لين روحه ايه ويقولج ليش زعلانه او يعتذر لج

**أم عبـد الرحمن** · 2007-10-23, 13:58

الله يعينج ادعي في صلاتج

**...(مريّة)...** · 2007-10-23, 16:49

حاولي تكلمين استشارية علاقات أسرية أختي ،
لا تخلينه على كيفه ويتم قلبج يعورج وتنقهرين وتنهرين عمرج !
حسبي الله على الرياييل !!!! عنبو 3 شهور ويسوي جيه ؟

**غريبةالوقت** · 2007-10-31, 12:30

آه قهرني من ينا ولني أياه عشان ابط حرتي فيه
بس الله يهديه ويهدي جميع شباب المسلمين هذا مثل الادمان اعتبري نفسج قاعده تعالجين مدمن والمدمن محتاج لوقت عشان يترك الشي وانتي حاولي تتقربين منه ومن ربج قبل كل شي عشان الله يساعدكم

**زنبقه** · 2007-11-11, 05:05

أختي ليما ألحينه ماطمنتينا شو صار عوضعج

الموضوع: نفسيتي تعبانه ...ابغي حل...,,

أدوات الموضوع

عرض

المواضيع المتشابهه

نفسيتي تعبانه

تعبانه تعبانه نفسيتي خلاص صايره داااااون

نفسيتي تعبانه ~و ابغي اتغير

نفسيتي تعبانه

نفسيتي تعبانه