مقيمة وزوجها مواطن

[مشكلتي]

السلام عليكم شحالكم بنات؟
بدخل دايركت ف الموضوع ربيعتي من دولة فيها حرب وفساد وتقدملها مواطن من قبيلة معروفة، وربيعتي تحاتي وايد اهل ريلها لانه اسلوبهم حاد ويا الكل ومنعزلين مايحتكون بحد وتخاف انهم يعايرونها بالدولة الي هي منها وبنفس الوقت تخاف ربع ريلها يعايرونه انه متزوج من هالدولة مع انه شي وايد مواطنين ماخذين من هالبلاد وحتى انها تبي تكنسل العرس وكل شي بس عشان موضوع جنسيتها وانا عطيتها شوري وانا حاسة انها متأثرة وايد بتخصصها هي تدرس الاقتصاد والعلوم السياسية ودوم تقول انا دولتي فيها مشاكل اقتصادية وامنية كبيرة ودومي ارد عليها واقولها شدخل مشاكل بلادج ب ريلج؟ الريال يباج ويحبج وانتو ماخذين بعض عن حب وقناعة و البلدان والسياسات مالهم خص ف الحب او الزواج ولا تلخبطين الحابل بالنابل .. وانا الحين ابيكم تجاوبني وجهة نظري صحيحة ولا؟

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الكلمة الطيبة صــــــــدقة

[dxb_love]

هذا مش حب الي تحب مابتفكر اهل ريلها وهالكلام , بتاخذ الريال ومع السلامه

خل تفكر عدل بما انها تفكر فهالمواضيع

[ليلى24]

قوليلها في بنات مش مثقفين واهلهم حالتهم حالة متزوجين مواطنين وعايشين بثقة وما بزيد شو قصدي اتوقع فهمتي... هي انسانة مثقفة ومحترمة بس شكلها تحاتي كلام الناس وايد. اذا تمت تحاتي كلام اهله والناس ما رح تعيش مرتاحة سواء كان معا ولا مع غيره على فكرة . بس انا فاهمة صديقتك كيف احساسها . هالشعور انوجد عندها من فترة طويلة اكيد مش بيوم وليلة واكيد له اسباب يمكن بطفولتها كان حد يعايرها ويمكن لين الحين الناس تحسسها انها اقل من غيرها طبعا الشي راجع لمحيط -عنصري لي هي متواجدة في . اتصلي استخارة وتقعد مع نفسها تفكر اذا ما خذته هل رح تندم او لا , وبالنهايه اذا مش متقبلة فكرة الارتباط بشخص مش من نفس مستواها الاجتماعي اشوف افضل انها تتراجع لانها رح تتعب , لي من طبعها الحساس صعب يندمج مع ناس مختلفين ويسمع ويطنش!

[ام نهييان]

قوليلها اذا اهله مش موافقين ع زواجه منها خليها تنسا الريال لانه مرده بيرد لهله وهي بتخسر

اما انه وايد تحاتي نظرت الناس لبلدها ترا محد يختار بلده واهله الناس تحكم ع الشخص من اخلاقه مش بلده

الله يوفقها

[وجدان الفجر]

لو هي ما مرتاحة لهذا الزواج أوعندها شك انه ما بيكون فيه احترام لها من قبله او من قبل أهله لا تتزوجه .
ولو أهله ما موافقين على الزواج بعد لازم ما تتزوجه , مثل ما قالت أم نهيان مرده لأهله .
وقولي لها تصلي صلاة الاستخارة وتستخير ربها .

[mouzan7mod]

هذا مش حب الي تحب مابتفكر اهل ريلها وهالكلام , بتاخذ الريال ومع السلامه

خل تفكر عدل بما انها تفكر فهالمواضيع

وانا معاها

[غزالة AD]

مع وجدان

[سلآمي~✿]

مرحبــآآآ .. ✿

أولاً تقولكم أم كلثوم الله يغفر لها ولأموتنا جميعاً ../
حب إييييييييييييه إللي انت جاااي بتقول عليه .. هههههههههه

ثانياً من وجهة نظري .. لاتستبق الأحداث بتفكيرها وتحاتي وايد تخليه يشاور اهله
لو وافقوا الحمدلله وألف مبروك عليها والله يسعدها يارب ..
ولكن ،،
في حال رفضوا واصروا ع رايهم لا تاخذه نصيحة لان حتى لو خذاها غصباً عن اهله
بيتعب من كثر محاولاته انه يرضيها ويرضي أهلها .. وأهله مستحيييل يسكتون أكيد بتصير
مشاكل وإحتمال يقولون له بنزوجك ثانيه ع مزاجنا ونبا نفرح فيك مافرحنا فيك بعد مرور كمن سنه ..

ثالثاً والأهم .. خليها تستخير وتدعي وتستغفر واااااايد .. وربي بيوفقها فموضوع هالزواج لو هو خير لها
ونصيحة لج لا تضغطين عليها توافق ولا تخوفينها عسب ترفض لان هاي حياة وعمر
إما بتدعي لج أو تدعي عليج وإنتي حره هههههههههه ..

فيه مثل مصري مناسب للموقف يقول ،

إمشي بجنازه ولا تمشي بجوازه ^^

والله يوفقها ويكتبلها الخير ✿✿

[الموهبة]

ان هم يبغو بعض بالحلال
يسكنو بشقه او بيت لحالهم للبعد لوحدهم وعن اصحاب خطيبها مالهم خص يدخلو بشؤن زوجته

ان هو محترم ليش تتخوف تتوكل على الله وتنتبه لزوجها وهو يهتم فيها

وتخبر خطيبها انها متخوفه من هذي الامور من اجل هو يضع كل شخص له حدود في الكلام والناس مالهم حق يدخلو بحياة خطيبها ان البنت محترمه واخلاق لااحد يدخل بقطع رزق البنت ورزق الشاب

[ماحد شراتي]

لااااازم اهله ييوافقون على هالزاج ولا الريال بيدخل بدوامه بين حرمته واهله.. او انه يصر على رايه ويتزوجون ويعيشون ببيت بروحهم .. وكل التوفيق لهم