سناب ريلي

[مشكلتي]

فتحت سناب ريلي لانني اراقبة من فترة شفت رسالة من وحدة كاتبة له " يا رب يكون النبض موجود و ابي اسمعه الاسبوع الياي ولا بتعب وايد " انا رديت عليها من السناب نفسه نبض شوووو ؟؟
قرت و ما ردت و رجعت طرشتلها حامل ؟؟ من منووو ؟؟ و قرت و سوتلي بلوووووك

و ريلي ينكر كل شي يقول ماعرفهاااااا

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الله يهديك تصرفك غلط حتى لو صح انصدمتي
بس شيء لازم تفهمينه لاتدروي ورى الرجال استودعيه الله واعملي مايرضي الله
واذا حصلتي شي لاتدوري وتكتشفي واجهيه
ممكن تكون زوجته الثانية وقتها حتى لو تزوج بالسر يظل زواج شرعي
التأني مطلوب في كل شي والله يصلح الحال

[ام نهييان]

لاتفتشيييييين محد بيتعب غيرج ياما فتشنا وشفنا وانصدمنا وما استفدنا شي

مثل ماقالت الاخت المراقبه استووووودعيييييه وربج بيحفظه لج وبيبعد عنه بنات الحرام

[ام يوسف 82]

وانا رايي من راي العضوات لا تفتشي ولا ادوري انتي اللي راح تتعبي

استودعيه رب العالمين

[تفاحتي]

يعني بالذمه سؤال غبي حامل من منو ؟! بتجاوب يعني طبعا بتعرف ان ف حد ثاني غير صاحب الرقم

يلا الحين عيشي النكد والوهم
لو هي حرمته لو هي ربيعته لو وحده تبا ادردش كل يوم بيطلع ف مخج شي والسبب شو تنبشين


لاتعورين راسج تبين الراحه انسي ولو ما تبين كيفج نبشي
يمكن عقب يبلغ عليج ويدفعوج غرامه التفتيش ف جهاز الزوج



ربي يهديكم ويصلح بينكم

[مالتيزرس]

صدق صدمة حطيت نفسي مكانج ..الله يعينج اذا صدق ماخذها ..2

[ليلى24]

بصراحة لي قريتي غريب وصعب نحط بذمتنا ونقول شي مش متاكدين منه بس لو ما فتشتي كان فتكيتي من الصدعة , الله يعينج

[mouzan7mod]

الريال لو تواجهينه بكل مرة صدقيني بيستوي الشي عادي عنده
لا تعورين راسج و تدورين وراه

[dxb_love]

من فتره تراقبينه .. والعنوان اسمه سناب ريلي

يعني شي مو من حقج تسوينه بالااساس , التفتيش والمراقبه

خل يبلغ عليج , والحين الشيطان يلعب بمخج منو هذي ؟ اكيد لو عشيقه لو حبيبه لو لو لو لو لو...

انتي تيبين النكد حق عمرج . احسن شي التطنيش

[mrs.abk]

على فكرة اختي .. هذي زوجته الثانية .. لأن ما دام راحت المستشفى يعني زواج شرعي ..
والنبض واضح انها حامل ..
الله يرحم حالج .. والله يفرج كربتج

بس اختي انتي شكلج متعودة تنبشين أغراض ريلج الله يهديج ويصلحج هذا شيء عيب لو ولدج ينبش اغراضج بتهزبينه ..

[dxb_love]

يا رب يكون النبض موجود و ابي اسمعه الاسبوع الياي ولا بتعب وايد

تفسير هذي الجمله ممكن يكون يارب انت تكون موجود لانك نبضي ياحبيبي وابا اسمع دقات قلبك اسبوع الياي ولا بتعب .. اي طفل اي خرابيط هههههه

[الموهبة]

ضعي الثقه بينك وين زوجك
لو كان يبغى غيرك لرحل
مو كل رساله توصل معناه له معرفه حافظى على منزلك بدون شكوك ومراقبه
وطبيعة السناب يكون مفتوح للناس

[Ward-uae]

هالبرنامج مب قادره ابلعه
ما اعرف كيف الناس تستخدم برنامج شراته
لهذي الدرجة ريلج فاضي يسجل يومياته في هذا البرنامج وانتي ما عندج شغله غير التفتيش
رتبي جدوله انه تطلعون مع بعض ويقضي وقت معاج ويتحمل مسؤولية البيت والعيال ويمر على اهله ويشوف شي قاصرنهم او يسير يمارس رياضة عنبو ما عندكم شغله غير التصوير والمراقبة
ما من شي حياتكم معتفسه فوق تحت
ومادام انه فاضي فما استغرب رمسة هالبنت معاه لانه السبب الاول والأخير الفضاوة والزواج رباط قوي مب تفتيش وفضاوة هذي مسؤولية وثقة واحترام وموده

[_Om_3soola]

الله يعيننا نحن الحريم ، بس صدقهم الحريم لا تفتشين ولا تدورين ورى الريال لان نحن الحريم الي نتعب ومستحيل يعترف بشي ماعليج الا ان تصلي وتستغفري وتدعي ( اللهم جملني ف عين زوجي وجمل زوجي في عيني) وكثري استغفار شو ما كانت مشاكلج الحل الوحيد لها هو الاستغفار وعن تجربه والله ولا تتوقعين اننا مو حاسين بالحرقه كلنا مجربين شي مؤلم بس ما باليد حيلة الله معانا حبيبتي

[mrs.abk]

يا رب يكون النبض موجود و ابي اسمعه الاسبوع الياي ولا بتعب وايد

تفسير هذي الجمله ممكن يكون يارب انت تكون موجود لانك نبضي ياحبيبي وابا اسمع دقات قلبك اسبوع الياي ولا بتعب .. اي طفل اي خرابيط هههههه

حبوبة لو كنتي حملتي قبل كنتي عرفتي ان النبض يكون فيه شك في الاسبوع السادس او السابع وان وايد حريم يروحون بعد 6 اسابيع يشيكون النبض وما يطلع ويروحون عقب اسبوع او 2 ويطلع النبض ..