دبي اوتليت مول

**نور حياتي** · 2007-10-18, 14:49

أمس ربيعتي كانت تطري المول
وقالت الماركات اللي عندهم بنص السعر

**3ali_mustwaha** · 2007-10-18, 14:51

هلا انا بعد خاطري اسير اظن يكون ارخص عن المراكز لان اللي عندهم اشياء يديده بس ماعرف كيف مب كولكشن يديد او مال المصنع

خبروونا بنااات نبغي نرووح

**عالية المعالي** · 2007-10-18, 15:29

بالظبط بيكون في منطقة الرويه طرق العين

وفيه كل المحلات الي بالمراكز ويقولوون اسعاره ارخص !!!

**المزيونه18** · 2007-10-18, 21:04

حبيبتي الي أعرفه أن المول قريب من جامعة زايد لان سمعت البنات يرمسون عن المول و يقولون ان قريب و ان شاء الله يوم من الايام بروحله و بخبرج عن المحلات ....

**UAEcat** · 2007-10-18, 21:50

الاسعار رخيصه نفس اسعار المصنع

وغالبا تكون ستوكات زايده او كولكشن قديم نفس اللي تنزلها المحلات العالمية بالتنزيلات السنويه

وبصراحه عنده شغلات وايد حلوه واسعارها حلوه

انا سرت له قبل رمضان وكان محلاته اغلبه ماتبطلت وشريت كم قطعه روعة

المول جدا كبير مالحقت الفه كله

وهو على طريق العين دبي بس ماعرف ادليكم

**ياقوته** · 2007-10-18, 21:53

تسلمون على المعلومه
وان شاء الله بروحه

**Om_ Sa3eed** · 2007-10-18, 23:01

الصراحه كنت ابي اعرف عن هالمول..و كنت بنزل نفس الموضوع .. بس مشكوره اختي انج نزلتي الموضوع ..وخاطري اروح هالمول..بس ان شاء الله ما يكون بعيد..

**m123** · 2007-10-18, 23:21

الاسعار معقوله..زينة

**مون لايت** · 2007-10-20, 13:14

بنات اترياكم تسيرون
وتعطونا الاخبار ,,,,,,,,,,,,,

**مون لايت** · 2007-10-21, 00:46

المشاركة الأصلية كتبت بواسطة UAEcat

الاسعار رخيصه نفس اسعار المصنع

وغالبا تكون ستوكات زايده او كولكشن قديم نفس اللي تنزلها المحلات العالمية بالتنزيلات السنويه

وبصراحه عنده شغلات وايد حلوه واسعارها حلوه

انا سرت له قبل رمضان وكان محلاته اغلبه ماتبطلت وشريت كم قطعه روعة

المول جدا كبير مالحقت الفه كله

وهو على طريق العين دبي بس ماعرف ادليكم

هلا اختي
من وين سرتي ؟
انا ابي اسير من بوظبي
اي طريق نسير بليز دلونا ؟؟؟؟؟؟

**غلاي إنته** · 2007-10-21, 05:35

انا من يومين سرت المول.. حلوو بس وايد هادي وبعده مافتحوا المطاعم فيه ..

نص المحلات فاتحه ونصهم بعدهم يتزهبون ههههههه

ببس اللي انتبهتله انه اسعارهم وايد ارخص..

قالوا لأنه مثل المصانع يعني اسعارهم ارخص..

انا شفت نظاره شمسيه كنت ماخذتنها ب565 حصلتها عندهم ب370 ضربتني غصصصصصه.. لانه مامدالي ماخذتنها من بن بطوطه من اسبوعين تقريبا ...

**مون لايت** · 2007-10-21, 21:47

مشكورات خواتي
بس دلوني الطريق من بوظبي ؟؟؟؟؟؟؟؟؟؟

**BinKhadim** · 2007-10-21, 22:26

صح بضاعتة رخيصة ........ لاكن لازم اتجيكون قبل ما تدفعون لان اغلب بضاعاتهم ما تقدرين اتردينها او اتبدلينها..... خذنا بدلة من عندهم .. صح كانت رخيصة بس عقب ما ردينا البيت وقايسناها حصلناها منطرة من صوب ... وما رضو يردونها......

**مون لايت** · 2007-10-21, 23:31

مشكورات خواتي
بس دلوني الطريق من بوظبي ؟؟؟؟؟؟؟؟؟؟

الموضوع: دبي اوتليت مول

أدوات الموضوع

عرض

المواضيع المتشابهه

اقرب فندق لدبي اوتليت مول

اوتليت مول

اوتليت في جنيف؟؟

استفسار عن اوتليت مول (بليز بسير اليوم)