كيف أعيش بدونه؟

[مشكلتي]

انا بنت تعرفت على شاب سنوات وتعلقت فيه تعرفنا عن طريق البي بي ام وحبينا بعض لكن انا متاكده ان اهل اهلي ماراح يوافقون لان هو من مكان بعيد وانا من مكان بعيد هو يبي يتقدم لكن اهلي بيرفضونه لهالشيء وانه انا سمرا وهو ابيض ومابيوافقون لا اهلي ولا اهله ولان هالشي انا ابعدت عنه وقطعت العلاقة شهور وانا هالفترة محتاجه احد يكون معي ومحتارة بأمره كل تفكيري استمر او اقطعه نهائي ولو تركته بشتاقله وبحن له وكيف بحب من وين وعمري بيروح وانا ماحبيت وما استغليت احلى سنين عمري واخاف افتتن بغيره واتعود اراسل شباب وانا حبيته بعتقد ان هو شريك حياتي الي ماعرفه اخيرا لقيته انتوا شوا رايكم

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

قوي علاقتك مع الله وستجدي السعادة
هو وحده قادر على إنارة طريقك للصواب

[الموهبة]

كيف حكمتى انه ما بكون نصيب بينكم وهو ماتقدم الدنيا على فكره ارزاق والزواج قسمه ونصيب

وعن لون البشره هو موافق يعنى ماله حد خص في شي
ان كانت نيتكم صادقه الطرفين تتمنو الزواج
وعلى فكره الشاب ان بغى بنت يتزوجها لو الكل منع بتزوج البنت الي يبغاها

اول خطوه وهى نصيحه منى لكم الاثنين تطلبي منه يجى زيارة لكم ويقابل ابوك لوحدهم ويشرح له كل الامور ان يبغى يتزوجك
اما تقولي ما بوافقو وانتم ماجربتم معناه غير جادين للعرس
اثبتو حسن النية ويجى يزور ابوك ويجلس معاه لوحدهم ويشرح له انه يبغى يتزوجك على سنة الله ورسوله
ولايحتاج ذكر تفاصيل كيف عرفتها

ماهى اول بنت سمره يتزوجها ابيض ولا هو عيب هم يبغو بعض والحمد لله نحن مسلمين ماعندنا تفرقة الالوان والجاهلية انزعيها من راسك فكرة لون البشره
اثبتو لنفسكم يزور ابوك هذا الاسبوع ان تهرب ولم يثبت او يحاول الحل هو الابتعاد
من اجل بعدين لايقول احد منكم ياليت جربنا حظنا
والحين الاباء والامهات متفهمين واعيين الي يتمنوه بس يكون زوج صالح واخلاق وسمعة طيبة من اجل سعادة ابنتهم والمسؤل عن زواجك هو ابوك واخوانك اقاربك ما يخصهم بشي بحياتك الخاصه

[mouzan7mod]

خليه يتقدم ليش تسكرين الباب على نصيبج ؟
جربي ما فيها شي ، خل يقول انه سمع عنج من حد بكلام زين و حب يتقدم
واذا هو يباج خليه يكلم أهله

[Ward-uae]

انتي ما عندج شغله
اهلج عطوج الثقة انج تحافظين على نفسج ومن اول واحد ترمسيه قلتي احبه ويحبني ولكن هو ابيض وانا اهلي شو هالافلام الماصخه لا عقد ولا رابط بينكم كيف تسمحين لنفسج تنزلين لهذا المستوى لواحد يكلمج من ورا اهلج
افتحي عينج وقلبج وأملي وقتج بشي يفيدج واتوظفي وساعدي اهلج وقفي معاهم بدل ما تعطين قلبج لواحد يمكن يدوسج بيوم من الأيام

[بسمه دبي]

خليه يتقدم وان شاء الله خير

لا تسبقين الاحداث