هلا

**umm zayed** · 2007-10-15, 23:36

السلام عليكم و رحمة الله و بركاته .
بنات أبا حد يساعدني عندي ولد الله يحفظه لي صف أول , ومشكلته أنه ما يحفظ شيء و أقعد أعذب روحي وياه وهو مل من المذاكره ولا أعرف شووه أسوي , وأحس منهج صف أول صعب عليهم خبروني ولا تبخلون علي

المزيد من آخر المواضيع من نفس القسم:

**umm zayed** · 2007-10-16, 07:53

مشكوره ي الغاليه, و أتمنى حد يساعدني

**ظبايه الحلوه** · 2007-10-16, 07:58

راجعي معاه اول باول وعطيه جوايز شي يحبه لما يحفظ انا كنت جي اسوي مع ولدي فديته وهو يحب الشبس يوم اقوله ادرس اللي عليك وبراجعلك واذا كنت اوكي بعطيك شي تحبه عاد هو ييلس يحوس يبا الشي اللي يحبه ويضطر يدرس

**عواااشه** · 2007-10-16, 09:28

صدق حاله انا السنه اليايه عيالي بيكونون اول ابتدائي ومدخلتهم صغار غامضيني مدري شو بيسوون بس تدرين عن ناحيه الحفظ لو كان قران حطيه له السيدي مال الايه وصدقيني بيحفظها على طول وكرريها له وبعد لو اي شي ثاني حطيه له ع الكمبيوتر مثلا سي ديه لتعليم الاحرف وماشي احسن عن سي دي اسمه روضه البشائر صدقيني يعلم الياهل صدق الحروف .......... بعض اليهال اتحسيهم وياج جنه راسهم مليان تراب شرات ولد اختي فديته خخخخ بس ويا الابله وايد شاطر وتمدحه بعد

**خيط وابره** · 2007-10-16, 09:34

هلا حبيبتي
انا عندي ولدي الله يحفظه ويخلييييييييييه لي صف اول ابتدائي كنت في صيف اراجع معاه الحروف والارقام كله عن طريق سي دي على كمبيوتر وباللعب وااااااااايد مفيده بتحصينه في بيبي شوب والحين يوم الدراسه انسوي مسابقه من يخلص قبل انا ولا هو ولو قلبني عطيه واحد وان صفر ونشوف من اكثر شي إلي اكثر شي يكون له هديه او طلعه المكان إلي يحبه وساعات انسير الحديق صوب بيتنا واشوي وشوي بحب دراسه بياخذا لعب وتسليه وان شاء الله يسر امرج بس يبااااااااااااااااله طولت بال وصبر ولا تستعيلي عليه لانهم صغار يبالهم صبر

**فراشة العمر** · 2007-10-16, 10:36

نفس مشكلتي

اول الأيام كان يبهدلني وايد وبصراحة كنت وايد مضايجة لأني حسيت انه ما يفهم شي وانه غبي فديته بس شوفي شو سويت اتصلت لمعلمته وقلت لها عن مشكلته قالت لي معاي كان يفهم ويحاول يحفظ اهني انا قلت هالولد يلعب علي وما يبا يذاكر
سويت معاه المذاكرة مثل المسابقة منو يفوز اول ومنو بياخذ الهدية والحمد لله الحين احسن يوم اقوله قوم ذاكر يقولي ماما انا بفوز عليج هالمرة ^_^

**umm zayed** · 2007-10-18, 02:17

مشكورات يا الغاليات يس أنا جربت معاه السيديات و الجوايز و الضرب و الطيب و كل شيء و شكلي بنهار

**umm zayed** · 2007-10-18, 20:20

مشكوره على مرورج الكريم عاشقة وادي

**uaeeyes99** · 2007-10-18, 20:24

ومنكم نستفيد....................خخخخخخخخخخ

الموضوع: هلا

أدوات الموضوع

عرض

هلا

المزيد من آخر المواضيع من نفس القسم:

هلا

هلا