هويه بنتي

[مشكلتي]

السلام عليكم
بنات انا مطلقة وعندي بنت المهم اوراق بنتي عند زوجة طليقي مب راضين يعطوني اياها ، انا من فتره كلمته انه يعطيني عالاقل الهوية على اساس اذا البنت تعبت و لا شي اقدر اوديها مستشفى خليفة و رد عليي انه ما يقدر لان الهويه عند زوجته ، حسبي الله عليها طلقتني من زوجي و الحين تتحكم فيه على حساب بنت حسبي الله و نعم الوكيل ، انا احتاج الهويه الحين لان بنتي تعبانه من اسنانها و شو اسوي وياهم لاني تعبت وايد منهم

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

لاحول ولاقوة الا بالله
الكلمة الطيبة صــــــدقة

[ام يوسف 82]

لا حولا ولا قوه الا بالله

[تفاحتي]

طلعي بدل فاقد

[Ward-uae]

بنتج كم عمرها؟
اذا صغيرة وايد تقدري تاخذين الأوراق وخاصه لو كانت بحضانتج
اما الحين دخلي من الطواري ما عندج رقم الملف او بطاقة ثقة او تأمين من جهة عملج او اتصلي لطليقج اي وياخذ البنت بنفسه يوديها المستشفى 
مب خلاص تطلقتي هو يشيل ايده من المسؤولية اليوم بطاقة هوية باجر بيطلبون ولي الامر خلي علاقتج مع طليقج طيبة العيال مالهم ذنب باللي يصير هم محتاجين ام تحن وتعطف وتربي ومحتاجين اب مسؤول وحنون

[غزالة AD]

اشتكي فالشرطة

[ليلى24]

صحيح لازم تدخلي الشرطة وضروري .. البنت مريضة شو هالنفوس المريضة هاي , والله لو اني مكانك ما اتردد اروح الشرطة واقول حارمين بنتي من العلاج بسبب اهمالهم رح يتبهدلو اكيد.... حسبي الله ونعم الوكيل

[Dalila79]

وليش هو على كيفها ؟ اشتكي للمحكمة او الشرطة و شوفي كيف بيعطونج الهوية و الجواز و صورة عن الجنسية بعد . باجر البنت بتدخل المدرسة و اصلا وايد أمور في الحياة اليومية تحتاج الاوراق الثبوتية و القصة مب مزاج زوجة الاب أو الأب .. المهم راحة البنت و نفسيتها و صحتها ..... الله يريح بالج و يحفظ لج البنت الحلوة ...

[مالتيزرس]

بهدليهم فالمحكمة اشتكي عليهم وارفعي لهم قضية ..والله حلوة هاي حرمته مب مخلتنه يعطيج هوية بنتج ..جيه نحن وين عايشين آخر زمن حرمة تمشي ريال بكلمتها وفوق هذا رده بايخ حرمتي مب معطتني الهوية ..استغفر الله ..وانتي اختي الله هداج لا تترين منه يعطيج سيدة اشتكي عليهم البنت فقيرة تعبانه وانتيي تتريينهم .

[رسايل غلا]

اختي ما يحق لحد ياخذ منج أي اوراق ثبوتية تخصج او تخص عيالج ويرفض تسليمها هالشي ممنوع ولازم تقدمين شكوى ضد زوجته.

الله يسهل امرج ويوفقج

[ماحد شراتي]

اشتكي عليهم وبهدليهم فالشرطه والتوجيه الاسري
شو ذنب البنت ؟ وشو هالريال بدون شخصيه ؟ هذه بنته حرام عليه
الله يعينج ويقويج

[الملكة ديهيا]

سيري الشرطه و اشتكي عليه
حسبي الله عليهم هو و حرمته

[غلآ نفسي]

شرطه

هيه نعم شرطه

هذا اللي ناقص بعد

تنرفزت

[الموهبة]

الحل
هو تروحي معاها باجر المستشفى وتتصلي على ابوها انه بنتك الحين في المستشفى ومريضه لوسمحت جيب الهوية وانا في المستشفى الفلانى من اجل يعالجوها بسرعه الله يخليك
فطبيعى بجي حق ابنته المستشفى ولما يكون الهوية بيدج خليها معاج وابغى منج تشكريه من كل قلبج
وقولي له جزاك الله الف خير
الكلمة الطيبه تنفع لعله وعسى ترجعو لبعض لانه بينكم طفلة
ان الله كتب ليكم ترجعو لبعض لا تطلبي يطلق زوجته الثانيه ولا تحنى عليه
وهو بنفسه بعدل بينكم

[mrs.abk]

عزيزتي الكلام سهل والتطبيق غير

الهوية اثبات رسمي يحل محل جواز السفر وتقدرين تطلعين فيه من بلد لبلد .. مافيه قاضي في الدولة بيحكم لج تاخذينه عندج .. الحكم بيكون تستلمينه من المحكمة كم يوم وتردينه في المحكمة...

فالافضل تكتفين ببطاقة ثقة وما تشوشرين على نفسج لأن الهوية يممنع تسليمها للحاضنة مثل ما يمنع تسليم جواز السفر ..


كلامي هذا عن خبرة ومعرفة تامة بهالقانون ..

- - - Updated - - -

والمستشفيات تطلب الهوية مرة وحدة بس .. فالمحكمة تعطيج صورة طبق الاصل مختوم عليها بختم المحكمة لاستعمالها في المستشفيات