صديق زوجي يزني .. كيف ابعده عن زوجي

[مشكلتي]

السلام عليكم ورحمه الله وبركاته

انا متزوجه من خمس سنين تقريبا، عندي ولدين واحد عمره سنتين ونص والثاني 3 شهور

زوجي كان زميلي فالدوام ولا كان بينا محادثات او شي من هالحرام غير حدود الشغل .. حسب كلامه اعجب فيني واتقدم لي

المهم طبيعته طول فتره حملي مايقربني بحجه انه يخاف عالبيبي يعفصه

حتى يوم خلصت الاربعين والحين تقريبا كملنا سنه بدون جماع ! وهو يتعلث باليهال لاني ساكنه في بيت اهل زوجي في حجره وحده وعيالنا ويانا !

شكيت فيه ...
روتينه اليومي يتريق برع وعقب يسير الدوام الظهر للانه دوامه لين 8 فليل وعقب يسير ميلس ربيعه ويرد اخر الليل
وربيعه متزوج وعنده عيال


يوم ذبحتي الشك
فتشت تيلفونه وانصدمت

لقيت في محادثاته ويا ربيعه الي يسير ميلسه فيديوها بنات عاريات واكاونتات بنات خايسات وكاتب يالس اضبطها ومطرشله صوره له ويا بنت وكاتب يوم بشبع من الن**ج (الجماع) برد البلاد

زوجي كان يرد عليه بالضحك بس
صح مالقيت دليل انه يسوي سوات ربيعه لكن الي قهرني انه يسايره ومستمر وياه ولاكنه مسوي مصيبه. مع العلم انه هذا ربيعه ساعات يعزم ابويه عزايمه وهو جدام الناس محترم

ماعرف كيف اتصرف

انا ماقتله ولا واجهته

للعلم زوجي محترم وطيب ونقطه ضعفه انه اطيح صورته جدامي او جدام اهلي او اهله عشان جيه ماواجهته

شو تنصحوني كيف اتصرف وابعد هالخايس عن زوجي

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الكلمة الطيبة صــــــــــدقة

[ام نهييان]

اختي انتي ماعليج من الريال دام ريلج الحمدلله ع كلامج زين ومش شاكه فيه عنده علاقات وغيره

سولفي معاه امبين السوالف هاتيله قصه انج قريتي او سمعتي فلانه ريلها كان زين واخترب من ربيعه وشوفي شو رايه فالموضوع وبينيله رايج

ان صار وقدرتي تبعدين ريلج عنه ترا في مليون غيره اهم شي ريلج شو وماعليج من لي حوله

بعدين هاتيله كلام من دكاتره عن ضرورة الجماع وقت الحمل ومايضر بالعكس يسهل الولاده ومن هالكلام تكلمي معاه سنه ما قرب منج الموضوع مش طبيعي حبيبتي 🙂

[الموهبة]

قبل التصرف كيف تبعدي زوجك عن الاخرين اتصرفي كيف ترتبى وضعك وتكون غرفتك فاضيه بدون يهال

لمدة سنه باعدين عن بعض بدون اخذ كل واحد منكم حقه الشرعي احمدى ربك لو زوجك ما يحبك كان تزوج ثانيه

مشكلة الحريم عندهم شي ما ينتبهو ن له وهو الاهتمام في الزوج ويعرف البعض هم غلطانين مقصرين ويضعو العتاب على الاخرين الي نعرف عند حدوث مشكله يتم البحث عن سبب المشكله وايجاد حلول
ماهو عذر تقولي عندنا بس غرفه مانقدر ناخذ راحتنا تقدري لو تودي اليهال بيت اهلك او تعطيهم احد في البيت
او بناء غرفة ثانيه من اجل تكون خاصه لكم
بالنسبة لي لو يتم استشارتى اقول قبل لا افكر ابعده عن الاخرين افكر كيف احل مشكلته وهى حرمانه من حقه الشرعي لمدة عام
حاولي ترتبى لهذا الامر لاتتغافلي عنه

[غزالة AD]

من سنة مب ياينج؟ وعذره انهم عندكم عيال وما ياخذ راحته؟
انزين اليهال ما يرقدون؟ ما يطلعون من الغرفة؟ اكيد شي وايد فرص!
يوم الريال يبا حرمته بيسوي المستحيل عسب يتم وياها بروحه وياخذ اللي يباه.
حبيبتي في شي غلط في علاقتكم. مب طبيعي هالشي.

[غزالة AD]

هيه ونسيت اقول شي بعد..
مثل ما قالت الاخت موهبة
حاولي تحلين مشكلة المعاشرة مع ريلج وركزي على هالموضوع.
لانه اهم من اي شي ثاني مثل ربعه شو يسوون ولا شو اطباعهم.

[mouzan7mod]

سنة ؟؟ لاتعليق !!
خذوا بيت إيجار إنفصلوا عن أهله أذا كنتوا مع أهله
لازم تكون لكم خصوصية شوي ، الشيطان سهل يقص على الانسان
بخصوص ربيع ريلج إستدودعي زوجج من هالصديق
و إدعي الله يبعده عنه

[khaleejiya]

اختي لا ادورين وراه ترا في النهايه راسج انتي اللي بيعورج
بدال اللف والدوران تكلمي معاه صراحة وقولي له انت ليش كذا كذا ولا تستحين تراه ريلج مب غريب

[soaad m]

اختي حاولي تنسين سالفه ربيعه وكيف انتي ويا الكل عاديه خلي قلبج نظيف انسسي كل شي ماشاءالله انتي عندج اطفال لا تهدمين بيتج بايدج و حاولي تتقربين من زوجج اكثر اقعدي معاه اتفقي ويا اهلج ف الويكند تودين عيالج يباتون عندهم و الغرفه بتفضالكم ولا فاجايه و حجزي فندق راقي و رتبي بس عرفي جدوله اهتمي فيه لا تخلينه يحتاج يسوي المحرمات ولا يحتاج غيرج وانتي موجوده حسسيه انج مرتاحه ومستاننسه وياه و اختي اهم شي اهم شي انسي الي شفته ولا تشكين مووول و ابعدي هالافكار من راسج نصيحه اخت اتقربي من زوجج اكثر اذا هو يشوف ان وضعكم مب مناسب للجماع بسبه اليهال وديهم عند اي حد و رتبي الجو و تكشخي له و هو برع لبسي له و ورد و شموع وهالحركات والله يوفقج ويريح بالج يارب ويسعدج ويبعد عنكم عيال الحرام

[مالتيزرس]

اختي خليني اكون صريحة معاج عسب تستستفيدين ..

اول شي وهذا شي اكيد انه الريال مايملى عينه غير التراب وماشي شي يرضيه ..

ثاني شي ماشي معاشرة من سنه ..سلامات خير ان شاءالله ..وايد نفس حالتكم عندهم يهال بس ماتمو سنه مايعاشرون ..

انتي بهالشي اقعدي مع عمرج راجعي نفسج ..ريلج شكله حصل فراغ عاطفي لذلك انجرف ورا ربيعه يدور الوناسة ..انتي بهالشي اختي بدل ماتتعبين عمرج وتحوسين وراه وتتعبين تفكيرج حاولي تفرين راسه كأنثى حببيه فيج خلي غرفتج جنه باسلوبج ولبسج خليه يشتاق لج اول مايدش طرشي مسجات شوق مثلا فالدوام اشتقت لك ..والصبح حتى لو حذالج بعد طرشي له ..عيشي الحلال وياه بدل ماتخلينه يتسلى بالخرابيط مع ربيعه ..

شوفي الخلل بعلاقتكم مع بعض اطلعي معاه فندق يعني جددي حياتكم اطلعي افكار وايد بتحصلين فالنت وانتي وشطارتج لانه الصراحة شكله ريلج حاس بفراغ وروتين .لانه تو متش الصراحة سنه ..يمكن ريلج مب محصل الراحة عندج ويدور لها برع راجعي نفسج وعلاقتج معاه جددي له بالاوضاع فالجنس سوي له ليالي حمرا تفنني ..خليه يتعلق بج اكثر ..دقي له بين فترة وفترة صدقيني يوم بيحصل منج اهتمام يمكن يقل من خرابيطه بس انتي طولي بالج

[(خيماويه)]

ما شا الله ريلج بطل يصبر عن المعاشره سنه سلامات واليهال ابدن مب عذر اسمحيلي هذا يتحجج ومعروفين الرياييل مايغلبهم شي لو بغو حايتهم انا اقول انتبهي ل ريلج مبين انج طيبه زياده عن اللزوم

[Ward-uae]

تبعدينه عن ربيعه هو ما ياهل حتى تعامليه جيه
انتي ادرى بريلج وتكلمي معاه واسأليه ليش ما يقرب صوبج
اما عن تفتيشج للتلفون مب حلوه في حقه من وجهة نظري احطها تحت منظور عدم ثقة
لو مثلا ولدج غلطان بتسيرين عند ولد الجيران تنازعيه

[الملكة ديهيا]

قبل التصرف كيف تبعدي زوجك عن الاخرين اتصرفي كيف ترتبى وضعك وتكون غرفتك فاضيه بدون يهال

لمدة سنه باعدين عن بعض بدون اخذ كل واحد منكم حقه الشرعي احمدى ربك لو زوجك ما يحبك كان تزوج ثانيه

مشكلة الحريم عندهم شي ما ينتبهو ن له وهو الاهتمام في الزوج ويعرف البعض هم غلطانين مقصرين ويضعو العتاب على الاخرين الي نعرف عند حدوث مشكله يتم البحث عن سبب المشكله وايجاد حلول
ماهو عذر تقولي عندنا بس غرفه مانقدر ناخذ راحتنا تقدري لو تودي اليهال بيت اهلك او تعطيهم احد في البيت
او بناء غرفة ثانيه من اجل تكون خاصه لكم
بالنسبة لي لو يتم استشارتى اقول قبل لا افكر ابعده عن الاخرين افكر كيف احل مشكلته وهى حرمانه من حقه الشرعي لمدة عام
حاولي ترتبى لهذا الامر لاتتغافلي عنه

[cute uae]

سنة ؟؟ لاتعليق !!
خذوا بيت إيجار إنفصلوا عن أهله أذا كنتوا مع أهله
لازم تكون لكم خصوصية شوي ، الشيطان سهل يقص على الانسان
بخصوص ربيع ريلج إستدودعي زوجج من هالصديق
و إدعي الله يبعده عنه