مشكلتي النظافة

[مشكلتي]

عندي مشكلة متعبتني صارلي متزوجة من سنتين وريلي ينقهر لما يشوفني نظيفة ومتكشخه
تعبت معاه لما يقولي منطلع لزيارة يدخل المطبخ وييب العصير وكأنه يفتحه ويصبه على ملابسي ويتحجج انا مستعيلين وما عندنا وقت ويلا بنسير عادي ما فيها شي
مره ومرتين وثلاث ورمسته اخر مره كسر البيض ونحن في الجمعية عصبت وزعلت عليه
يبرر انه يغار علي وما أحب احد يشوفج حلوه غيري
ساعدوني بحل بديت اطفر من تصرفاته حتى العزايم يبيني اسير بدون ما أسبح

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الكلمة الطيبة صـــــــــــــــدقة

[تفاحتي]

بسيطه جدا


خفي من الكشخه خلج معتدله


اما سايره الجمعيه وتتكشخين ماله داعي والا ليش بيكسر البيض عليج

خلي كشختج حق ريلج
مو حق كل البشر


ولو عندج مناسبات سوي اللي ف خاطرج

[ام نهييان]

شوفي الظاهر ريلج يباج تكشخين له هو بس يعبر عن غيرته بشكل جدا غلط

انا ريلي فالمناسبات يحب يشوفني احلا وحده غريب طبع ريلج

وبعد سالفت انه مايباج تسبحين قبل لاتظهرون !!!!!!


بس للجمعيه ياختي ماله داعي خلج عاديه

خلي ابداعج ف الكشخه كله له هو عشان يحس انه غير عن الخلق

واكشخي مانقول لا بس بالمعقول

موفقه

[Ward-uae]

انزين هو طبيعته مب نظيف ويبيج شراته ولا مزاجي ؟
اذا طبيعته هالشكل انتي نظفيه وحاولي معاه ترتبيه وتكشخيه وطقمين معاه
اما اذا كان مزاجي ويخرب طلعتج فهنا عادي سيري بدلي لكن لا تبطين عليه يمكن انتي وايد تاخذين وقت لين تطلعين وهو يتضايق من هالشي 
خلج بسيطه في لبسج وكشختج ولكل مكان له لبسه وترتيبه فالسوق مثلا ما يحتاي ميكب واكسسوارات وكعب هالشي بعض الرياييل يتضايقون فأنتي ادرى بريلج وحاولي تعرفين مشكلته وما عليه شوية تنازلات ما بتنقص من كرامتج هذا زوجج وانتي واجهه له

[غلآ نفسي]

ما فيه شي

شغلة عناد بس

[الموهبة]

1- يحتاج يكون معاكم في المنزل ونيس والو نيس هو المولود
الامر طبيعى كونى عادية لما تسيري معاه خارج البيت
وفي البيت اكشخى له وهو واضح يحبج لانه مافي شي يكون ونيس للطرفين تكون هذي الحالة مع اكثر المعرسين اليداد كونى عفويه في اللبس هو حاب يجوفج عفوية شي جميل يكون لبس عفوي ومرات كشخه

[mrs.abk]

عفوا هذا موب حب .. هذي همجية ..

لو قلتي قول امسحي مكياجي بقول حب وغيرة ..

لو قلتي يقول لا تلبسين عبي مزركشة بقول حب وغيرة

لو قلتي ما يباني البس كعب .. بعد يمكن يكون حب وغيرة


بس ان يصب عصير على ثيابج ويكسر بيض !! عفوا ؟؟ وين يبا ؟؟


النظافة من الايمان .. والطهور شطر الايمان .. على أي أساس يوصخ ثيابج يوم تطلعين تجابلين الناس

لازم يفهم إن الناس بيذمونه وبيقولون حرمة فلان وصخة اتينا بعبي معفنة وريحتها صنه ..

لازم يعرف إن حتى لو ابتسمو في ويهج بيحشون فيج

وعيب تروحين مكان عام بريحة صنه .. مثل ما هو حرام تروحين متعطرة ..

لازم الوحدة تتسبح وتحط ديو درنت ولوشن قبل لا تلبس ..

وتلبس ملابس نظيفة ومرتبة وأنيقة ..


بصراحة لازم تلقين حل لهالمشاكل الصغيرة .. حاولي تقعدون تتفاهمون أو تكلمين أمه أو أخته اللي يحبها وترمسون مع بعض انتو الثلاثة ..


هالمشاكل بتكبر وبتنكد عليج حياتج .. حليها قبل لا تتضخم

[mouzan7mod]

كشخه السوق فعلا مالها داعي
الموضوع مو نظافة لكن غيره من نظرات الغير لج
لاتنسين أنتي عرض و شرف شخص غيور
حاولي تخففين من الكشخة إذا للسوق أما زيارة فخليج أنيقه بإعتدال

[حبر المساء]

انا احس المسألة مش مسالة غيرة لا
في امر ثاني ما عرف افسره بس مش غيره
هي ما قالت ما يباني اتمكيج
انا اللي فهمتخ ما يباها تكون مرتبة ونظيفة
ساعات نحن نحاول نداري في رمستنا
انا ما بداري ولا بشب الضو
بس تصرفاته مش طبيعية حاولي تكلمينه ليش تسوي جذه
اوكي متمكيجة امسحي المكياج ما يعيبني
في فرق بين فلانه نظيفة مرتبه وبين فلانه متعدلة كاشخة
لان النظافة والترتيب شي و الكشخة شي ثاني
ما عرف ما ابا ازيد في الرمسة بس شوفي لج حل عشان انت ترتاحين ويكون مظهرج اما الكل وهله حلو

[احلى بعفويتي]

يع ..
مول ماحبيت الحركه اوووفر بيض عاد وصخ شو ها ..
مادري رياييل يوم يعرسون يبون الحرمه كجره برع ليش
اذا انت عرست عليها خلاص تراك ملكتها
عادي شلي وياج كل مره لبس سبير وخله يكسر بيض لين باجر

[احلى بعفويتي]

ونصيحتي لا تعودينه على انج بتمسحين مكياجج وبتلبسين جلابيات عيايز يوم بتطلعين
خله يتعود انج فاشنيست دايما كيفه خله يتعود
لا تغيرين اطباع ومالها دخل في الزواج عشان هو موب عايبنه