فتــــرة نقــــاههـ ..!!

[عالية المقـام]

السلام عليكم ورحمة اللهـ وبركاتهـ ..

اشحالكم ربكم الا بخير وسهالهـ ؟!

غبت يومين .. تقدرون تقولون فترة نقاههـ .. او راحهـ نفسيهـ ^_^

المهم .. سرت قصر الامارات .. وسرت فندق روتانا ..!!

اول شي .. اممممم استلمت مفــتاح الغرفهـ ..!!

الــجــوارح كـلــهــا حــنـــت ظامـيـه تبـكـي عـلـى بـابـك
تخـفـي الأســرار مـــا دلـــت هايمـه نفـسـي وتشـقـا بــك

[img]http://www.*********.com/uploader/2006_6/2dae1c71d3.jpg[/img]

اول ما حدرت لفت نظري شي ..!! .. شو تتوقعون ؟؟ .. هديهـ صغيرونهـ لول ..


اجمعي كل الرســايل واحرقيهــا كلها .. إنتهت قصه هوانا والمحبه والغراام ..
واحرقي كل القصايد بالطريقه مثلها .. وانثريها بالهوى يوم خلق الله نيـــام ..
انتهينا يا حياتي من ضميري قلتها .. هذي هي اخر رساله هذا هو اخر كـلام ..
حتى صورتج الجميله من خيالي شلتها .. والهدايا والمحبه الحكم فيها عــدام ..

[img]http://www.*********.com/uploader/2006_6/d010768582.jpg[/img]

شعــور طبيعـــي .. فتحتها واريد اعرف شو فيهــا .. شو ظهر ؟! .. كاكااااااااااااااااااو .. بس لذيييذ لووول ..

[img]http://www.*********.com/uploader/2006_6/5ff3a1bc30.jpg[/img]

وعقب التفت .. شو شفت ؟! .. فواكهـ .. قربوا ..

لا هنى زادي وشربي ولا بيومي اهتنيت .. تايه مضيع دروبي وسط عتمات الظلام

[img]http://www.*********.com/uploader/2006_6/29bb27e8ca.jpg[/img]

وبعديييييييييييييييييين .. فتحت التلفزيون .. اول قناهـ نجووم الخليج ..!! ..

[img]http://www.*********.com/uploader/2006_6/cde5676c09.jpg[/img]

المهم .. دوم اسمع شي نت في القصر .. قلت يلا بجرب افتحهـ .. و فتحت الكيبورد ..

[img]http://www.*********.com/uploader/2006_6/5e3eed3c13.jpg[/img]

وبعدييييييييييييين .. ظهرت لي الشاشهـ الرئيسيهـ ..

[img]http://www.*********.com/uploader/2006_6/b9579ca470.jpg[/img]

شوي واشوف اخويهـ الصغير ياي بغرشهـ .. طالعتهـ مصدومهـ .. من وين يابها ؟! .. وجان اسير ابطل الثلاجهـ ..

[img]http://www.*********.com/uploader/2006_6/4f0d92c34e.jpg[/img]

عقب قلت دامني جيه الا يالسهـ .. بنزل تحت .. وصورتلكم الماي ..

لاني بعـــــطشان ولا بشـارب الماي .. ولاني انا بماخذ ولاني بعاطـــــــــيه
لاني انا المذكور ولاني بمنسـاي .. مادري انا اللي غالي أو إني أغـــلــيه

[img]http://www.*********.com/uploader/2006_6/ea5bb69ba5.jpg[/img]

كملت دربي .. الفندق هادي .. محد فيهـ ..!!

مــن يظن المـحــبه جـوها جـو هــادي .. أشــــهد إنـــه يمـــاري في زمــانه زمـانــه

[img]http://www.*********.com/uploader/2006_6/dc55cd6bbe.jpg[/img]

وفي سكون الظلام .. واجواء الملل والتفكير .. وكنت اسمع صوت موج البحر .. ظهرت في البلكونهـ .. وصورت لكم المنظر الحلوو هذا ^_^

طـال الـسهر ومـابان للفـجر بلـسم طـلوعه .. حتـــى القــمر عــاف السـهر وغــطا جــفونه..
شــوقي مـن غــديــر الاهـات ملــت حـروفه .. وقـال السـطر خـلاص ما قـدر على وصـوفه..


[img]http://www.*********.com/uploader/2006_6/3c0d33fa10.jpg[/img]

اليوم الثاني وانا اتمشى العصر .. عيبني هالممر الطويل .. همممممم منو تبا يمشي فيهـ فـ عرسهـا ؟؟ .. بنزف عروستنا فيهـ لووول .. تراهـ اوكيكـ للمشي ..

[img]http://www.*********.com/uploader/2006_6/12d34a543c.jpg[/img]

عيبني هالمكـــان ..!!

[img]http://www.*********.com/uploader/2006_6/655ad928df.jpg[/img]

هاللحظهـ تذكرت قصة سندريلا .. وتخيلت نعالها يطيح والامير يربع وراها ( خيالي واسع ) .. :1 (53):

[img]http://www.*********.com/uploader/2006_6/da54040041.jpg[/img]

عقب ما ظهرت من الفندق .. قلت بصور قبل لا نسير ..

[img]http://www.*********.com/uploader/2006_6/6b25094dc6.jpg[/img]

وهالصورهـ للقصر من برا ..

مشاعر فيني هي ماتت أو اْحسبها شبه حيـّه .. وبعده منخلق شي بطاري الفرح يغريـها
زهورٍ اذبلت فيني بماي الهجر مرويــّه .. قصــور ٍهدّهـا بعد ٍعقب ما كنت ابنيـــــــــــــها

[img]http://www.*********.com/uploader/2006_6/1cf04ce45c.jpg[/img]

ويا واحد حليو ( اخويهـ الصغير) ورز فيسهـ .. يبا يتصور حليلهـ لووول ..

[img]http://www.*********.com/uploader/2006_6/d381d4eded.jpg[/img]

بعدين سرنا فندق روتانا .. بس ماصورت لان الجو ما يساعد .. و زحمهـ .. بس شي واحد قلت بصورلكم ياهـ .. بوظبي مول .. ما وراء الكواليس .. هــذا السطح فوق بوظبي مول ..

[img]http://www.*********.com/uploader/2006_6/446aeb310d.jpg[/img]

والحين خلصـــنا .. :1 (53):

بس بغيت اخبركم السموحهـ ع النكـ .. لاني كنت منزلهـ الصور في موقع ثاني بنكي .. وماقدرت اغير النكـ في الصور لانهـ بياخذ وقت مني ^_^

السموحهـ طولت عليكم ...!!

المزيد من آخر المواضيع من نفس القسم:

• تنسيق الالوان في التصوير الفوتوغرافي
• التكوين في التصوير الفوتوغرافي و تشكيل الكادر
• اهم نصائح للتصوير الليلي الاحترافي
• اساسيات تكوين التصوير الفوتوغرافي وترتيب...
• انواع الاضاءة في التصوير الفوتوغرافي
• دور الضوء في التصوير الفوتوغرافي
• معدات الاضاءة في التصوير الفوتوغرافي
• التعريض الضوئي في التصوير الفوتوغرافي
• تطويق الحركة في الصورة في التصوير الفوتوغرافي
• فن التصوير الفوتوغرافي البطئ

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت النوخذة]

ما شالله التصوير حلو والمكان رووووعة

[أم الـغـالـي]

هههههه اونه فترة نقاهه بس تبين الصدق عيبتني الصور والمكان حسيت به روعه

يا شاطره خبرينا كم الليله عندهم هناك لول

[feelingsSilent]

المكان حلو وتصويرج احلى

[عيون دبي]

المكان حلــــــــــــــــــــــو والتصوير أروع

[*أم اسمـــا*]

ما شالله عليج.. حتى ما عزمتينا عشان نسير وياج وانصور رباعة خخخ
تقرير حلو والله .. والصورة قبل الأخيرة وااايد عيبتني
كثري من هالطلعات عشان تيبيلنا غنايم

[دبيّه]

ماشاء الله , زين الواحد يغير شوي,,

التصوير رووووعه , والله يحفظ الشيخ إللي

يالس على الدري يتريا التصوير,,

[سندريلا]

ما ظهرن عنـــــــــــــدي الصور ........... ــــ_ــــ

[عالية المقـام]

بنت النوخذة
تسلمين ع المرور الاحلى ^__^

بـنـت الأيـاويـد
تسلمين شيختيهـ من ذوقج .. اعتقد الغرفهـ تكاليفها بالكامل يعني 1200 لليوم ^_^
سيري وان شاء الله تستانسوون ..

feelingsSilent
مشكورهـ ع المرور الاحلى ..!! :22 (16):

عيون دبي
مرورج الاروع شيختيهـ

*أم اسمـــا*
خفتج تغلبيني بالتصوير ولا حد يرد ع موضوعي عقب خخخخخخخخخخخخخخ
تسلمين من ذوقج الغلا ..
فالج طيب .. الحين مابقصر في فرنسا ولندن :1 (53):


أم سعوووود
تسلمين ختيهـ .. هههههههههه وحليلهـ مصدق عمرهـ لوول .. زاهب للتصوير :1 (53):

سندريلا
اعتقد الخلل من عندج لان كذا موضوع ما يظهرن الصور فيهـ عندج .. راجعي الادارهـ ^_^

[بنت بلال]

واااااااااااااو كوووووووووول ...

أحلى ......... صورة .... الصورة إلي كان قاعـــــــــــــــــــد فيها ..... الوسيـــــــــــــــــــم... (( الله يحفظه ))

.
.
.
.

تسلمين حبوبة ..

[سندريلا]

هاللحظهـ تذكرت قصة سندريلا .. وتخيلت نعالها يطيح والامير يربع وراها ( خيالي واسع ) .. <<<< خيالج حلووو



والحمدالله يوم دشيت مره ثانيه طلعن عندي الصور ^_^


والصرااحه التصوير والأماكن ..... رووووووووووعه


الله لا يحرمنا منج.......

[ملكة الحوور]

خطير وروعه المكان

وتصوير احلى احلى


ربي لايحرمني منج

[أم أحمدومحمد]

مشكورة الغالية على التقرير الروعة

[مــــيره دبــي]

ماشاء الله ياعلايه..

بصراااحه التصوير روعه.. والأماكن بعد غاااويه...

بس جنج ألا سرقتي أفكاااري.. أنا مصوره كل شــــــيء في السفر.. مامخليه شـــــيء
مامصورتنه..

أخااافج ألا تقولين حقوق النشر محفوظه...

تسلمين يالغاليه لاعدمنــــــاج

[محد شراتي]

روووووووووووعه

لا عدمناج الغلا