حز بخاطري الموقف

[مشكلتي]

صارلي موقف مع ريلي بخصوص السناب شات وحز بخاطري صراحه
قبل يومين ريلي شافني منزله البرنامج وهو للامانه محذرني قبل وقالي ما تنزلي برامج تواصل غير الواتساب
بس انا نزلته لان شفت خواتي واهلي وربعي كلهم عندهم ويستخدموه عادي
بس ريلي عصب عليي وقالي انا محذرنج وقلتلج لا تنزلي برامج وحاولت اتفاهم معاه بس ماشي فايده مع اني والله مب ضايفه حد غريب عندي والا شباب وحتى ستوري ما انزل بس اطالع اللي عندي وكلهم ربعي وخواتي واهلي وكذا وحده من المشاهير بنات بعد مب شباب
صراحه حز بخاطري الموقف حسيت انه مب واثق فيني يعني ليش اغلب المتزوجات عندهم وانا ريلي يمنعني
وبعد خيرني قالي اذا تبي السناب شات خلاص تنازلي عن بيتج وعيالج مب معقوله توصل لهدرجه عشان برنامج عادي
لكن قلتله ما بخرب بيتي عشان شي ما يسوى وخلاص ما بنزله مره ثانيه وعقب عطاني تلفوني بعد ما فرمته وحذف كل اللي فيه
ومن ذاك اليوم ما كلمته لين الحين لان خذت بخاطري صراحه
اذا وحده منكن صار لها هالموقف شو بتكون رده فعلها؟؟؟؟

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني