تعقيب / محتاره اوافق ولا ارفض

[مشكلتي]

السلام عليكم

https://forum.uaewomen.net/showthread.php/1271782

شكرا ع نصايحكم ورايكم وايد ريحتوني انا امس رفضت الريال الحمدالله خصوصا ان صار موقف وايد تضايقت امس اتصلت فينا وحده نعرفها وتقرب للولد وتمت تقول لامي وافقو الولد ما يطوف ع ضمانتي الولد طيب وخلوق ومتربي ويا عيالي ونعرفه زين امي قالتلها نتريا راي البنت وهي صلت استخاره كم مره وللحين ما ردتلي خبر قالتلها حتى لو هي قالت لا انتي وافقي هاي ياهل ما تعرف مصلحتها امي قالتلها هذا زواج مافي شي بالغصب و اخوانها للحين يسئلون عن الولد قالتلها انتو مشو حتى لو بتتساعدون فالعرس مافيها شي لو البنت ساعدت ريلها وهي سوت شي وهو سوا شي عادي جي بالعكس بتكبر فعين ريلها هني امي استغربت قالت كيف يعني نساعده اذا هو مب قد العرس ليش بيعرس قالت لا لا لاتفهمي كلامي غلط انا قلت لو نقص شي وهو ان شاءالله ما بيقصر وانا سمعت ان امه عندها ارض وبانيه عليها وبتبيعها يايبتلها 9 مليون طبعا امي ما حبت ترد عليها وقلتلها يصير خير وسكرت منها ويت خبرتني انا هني قلتلها لا و الف لا ما ابيه خلاص لو يكون اخر ريال ما ابيه شو اساعده وشو 9 مليون اذا ع الفلوس ترا هال9 ما ايون شي ينب ورثي من ابوي هذول شكلهم داخلين ع طمع اول شي قالت ساعدوه ويوم شافت ان الكلام ما عجبنا قالت امه و 9 مليون انزين ليش امه ما تساعده ولا هي بتاخذ الفلوس كلهم وبتحطهم فجيبي قلتلها الحين اتصلي ع امه وقوليلها لا وفعلا خليتها تتصل ع امه وقالتلها لا تخيلو شو ردت قالت لا يكون رفضتو ع كلام فلانه تراها ما تقصد شي امي قالتلها سلمي عليها اسمع صوتها حذالج ( امي لا سمعت صوتها ولا شي بس جي قالت ) قالت ها هذيج خذت التلفون من ام الولد وكلمت امي قالت لا يكون فهمتي كلامي غلط ترا انا مالي خص هذا كله كلام امه بصراحه بصراحه انا ما اعرف ولدها بس سمعت انه زين قلتلها يعني مب رابي مع عيالج تخيلو سكتت ما ردت ع امي قالتلها ما عليه حبيبتي بس انا ما عندي بنات للزواج ومع السلامه

يعني تخيلو هذيج يايبه الحرمه عندها ومخليتنها تتصل علينا جدامها وتقولنا هالكلام و انه متربي مع عيالها طلع كله كذب فكذب من امس وانا مستغربه في ناس جي بس ما أقول غير الحمدالله ان ربي بينلي نيتهم والله ما تخيلت فحياتي كلها ان في ناس جي

و ارد ع بعض التعليقات :-
1- الشهاده مب مهمه........ ممكن البعض يقول مب مهمه صح ممكن بس في حاله اذا هو انسان مثقف مب أكون انا فشرق وهو فغرب خصوصا انا خلصت ماجستير و قاعده احضر نفسي للدكتوراه هذي كانت نقطه خوفي كيف بيكون تفكيرنا اذا تناقشت معاه ويلي حسيته لو هو انسان مثقف ما بيخاف وبيصارحنا بكل شي وما بيكذب او بخلي اهله يتكلمون عنه لانه بيكون واثق من نفسه بس هذا ما حسيت عنده شخصيه
2- ما باخذ واحد اقل مني....... ترا الفلوس مب كل شي تي فيوم وتروح فيوم اهم شي يكون انسان يخاف ربه وبار بوالدينه انا مستحيل اشوف الريال بماله او شو عنده من الأراضي و السياير انا الحمدالله شايفه خير وابوي الله يرحمه بدا من الصفر فانا ماخذتنه قدوه لي لان الانسان هو يلي يصنع الثروه من الثروه تصنع الانسان
3- كيف انجاز وثاني اعدادي........ حبيبتي في شهاده اسمها انجاز لتاهيل سوق العمل في دوائر حكوميه و شركات خلو موظفينهم يلي ما عندهم ثانويه ياخذونها فكليه التقنيه مب لازم يكون عندج ثنويه او اعداديه ممكن تسئلين كليه التقنيه وهم بيخبرونج ما اعرف اذا انلغت بس قبل 3 سنوات خذها ولد ربيعت امي وهو عنده شهاده صف 6 أتوقع
4- كم عمر الريال...... بتضحكين لو قلتلج للحين ما اعرف عمره امه قالت انا ناسيه هو يا 28 او 29 بس انا يوم شفته قلت لاهلي هو تقريبا 32 او 33 مب اقل عن جي حتى ربيعت امي قالت انا اذكر ان انا وهي ربينا فنفس السنه وولدي عمره 33 فاتوقع 33 هم كذبو فكل شي ما يت ع هذي

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الحمد لله استخرتي الله وشاورتي وماخاب من استخار
والله يرزقك الزوج الصالح اللي يخاف الله فيك وتبشرينا قريب

[Ward-uae]

ما خاب من استخار وكل شي خيره مادام العبد يوكل أمره لرب العالمين
اما عن النقطه اللي قلتي عنها الدراسه والشهاده
مب مقياس عندي ما شاء الله اخواني جامعيين واحد كان يزورني لما ولدي كان تعبان في المستشفى وشاف وحده تشل امها وتأكلها وتقوم بها قالي ابيها خطبيلي رحت لها وعرفت انها ما كملت دراسة لانه داري امها وانسانه في قمة الأخلاق الله يحفظها وخطبتها لاخوي وسبحان الله بعد يومين توفت امها
هذي أرزاق وما تعرفين وين الله كاتب رزقج او مع من ؟ الواحد يتوكل على الله

[ام نهييان]

الحمدلله

الله يرزقج بولد الحلال ويوفقج بدراستج

[ريم العسووله]

الله يوفقج و يرزقج الزوج الصالح
لا تستغربين في ناس اخس عن جذي ، خلج دايما حذرة لما حد يتقدم لج و لا توافقين الا اذا كنتي مرتاحة ...بالتوفيق ♡♡♡

[mouzan7mod]

الحمد لله ما وافقتي و لا انظلمتي مع انسان أمه تمشيه و تسيره على هواها
الحمد لله

[فدا تراب زايد]

ذكرتيني بواحد من اهلنا بعد ما عرس اكتشف ان حرمته مريضه عايشه على ادويه مضاده للاكتئاب الله يحفظنا من كل شر ... وبعد سنه من زواجهم تطلقو !
؟؟
من حق الريال يعرف كل شي عن البنت الي بياخذها قبل لايتزوج و كذلك من حق البنت تعرف كل شي عن الريال الي بياخذها قبل لاتتزوج
اسلوب الغش والكذب قبل الزواج يظلم الزوج والزوجه

[بسمه دبي]

اووووووووووويه شو هالناس عفان الله

من بدايتها خرط ب خرط


الحمدلله انج رفضتي والله يعينهم