تقويم اسنان

**gharam** · 2007-10-07, 21:48

هلا خواتي بغيتكن اتساعدوني لاني ابي اعرف شو المراكز الطبية او المستشفيات الحكومية اللي يسوون التقويم

وفي مركز المدينة في بوظبي بغيت اعرفه وين موجود في بوظبي

وابي وصف دقيق وياليت تعطوني رقمهم

ولوعندكم مكان حكومي يسوي تقويم ايكون احسن

واشكركم

المزيد من آخر المواضيع من نفس القسم:

**دنيا دنيّه** · 2007-10-10, 11:35

انا مركبه تقويم تقريبا من سنة ونص في مستشفى دبي الحكوومي ..

عند دكتوور هندي اسمه جيليووس .. وربيعتي بعد مركبة عنده بس في راشد من 4 سنوات ..

ما شاء الله عليه واايد فنان ودقيق ..وشغله ماعليه كلام

واذا تبين في عيادة خاصة .. خبريني وبسألج ..

**شيطونة** · 2007-10-10, 12:50

عندج "مركز مدينة أبوظبي لطب الاسنان"..في مدينة زايد بعد محل الامراء للاقمشة
بس زحمه موت ...وعشان تسوين تقويم يحطونج على لائحة الانتظار
أنا أختي صارلها سنة ونص أو سنتين على اللائحة وبعده ما وصل دورها..لا هذا وهي على اللائحة السريعة
المكان الثاني اللي أعرفة مستشفى المفرق...وااااااااايد يمدحونه

**ملكه دبي** · 2007-10-10, 17:09

انا مركبه بس فعياده خاصه.. ما كملت سنه بس شكلي اتغير ويمكن اشله بعد 3 شهور ان شالله

بس في دبي *___^

**رواضي...** · 2008-03-18, 23:35

انا اعرف عياده خاصه ف دبي .. اسمها السهول وايد اوكي

**امونة2006** · 2008-03-19, 00:07

حبيبتي اذا ا على المستشفيات الحكومية ...عيني خير..يبغيج فوق 4 سنين على ما ايي دورج ..هذا عن تجربة ..انا الحين من كثر ما تعبت من المشتشفيات الحكومية ولا ياني الدور الى الحين ..رحت عيادة خاصة في الخالدية ..جنب منطقةبوظبي التعلمية .. عيادة الدكتور الجندي ....شكله فنان الكل يمدحه..بس شوي غالي ...

**اللولو2** · 2008-03-19, 03:40

هلا والله حبيبتي gharamفي مستشفى المفرق واعتقد مستشفى الخليج في بوظبي بالنسبه للحكومي اما الخاص مركز المفرق في بني ياس

الموضوع: تقويم اسنان

أدوات الموضوع

عرض