حلم عقد قران (ملكة)

**حلمي** · 2017-02-02, 12:28

بسم الله الرحمن الرحيم

السلام عليكم ورحمة الله وبركاته

رأيت في المنام إنها حفلة ملجتي (عقد قراني)، وأنا لابسة فستان عرس الهنود (ساري أحمر) ولابسة ذهب أصفر وايد وايد بكميات كبيرة، إيديّه كلهن حيول ذهب، ولابسه أكثر من عقد ذهب وحتى على راسي وحلق في اذنيّه، والناس اللي يايّين منبَهرين من الذهب اللي لابستنّه، كلحين حد إيّيني يقولولي وااو ما شاء الله ع الذهب، هذا ذهب صدقي؟ أقولهم: هيه يابوا وايد ذهب (أقصد هل المعرس) قلنالهم نبى ذهب بس هم يابوا وايد! والمعرس كان واقف حذالي، أنا ماعرفه حقيقة ولا مرة شفته في حياتي بس كانوا يزقرونه عبدالله مثل ما أتذكر، وأنا أحاول أرمسه وهو موَخّي مستحي وايد وما رد عليّه بـ ولا كلمة! ويوم يا وقت إنه يروّح جان يروّح على طول بدون ما يقول شي! وأنا اقول فخاطري مب خيال ومستحى لين هالدرجة! وكنت متضايجة إنه ما رمّسني، وامّيه تقول لي: ما عليج يمكن الريال مستحي عشان الحريم! وعقب جفت بنت كانت دارسة ويايه في الجامعة، قالت لي ما شاء الله اليوم انتي كاشخه شو عندج؟ قلتلها: اتصدقين ملجتي كانت اليوم! وحضرته الريال يوم يا حتى ما قال لي كلمة ولا نطق بحرف أونه مستحي ويوم خواته قالوله الحين لازم تروّح هو روّح بدون ما يقول شي جنّه رجل آلي! فقالت لي البنت: أويه! الله يعينج.

عمري 27 سنة، موظفة ولله الحمد، غير متزوجة، أسكن في الإمارات

الموضوع: حلم عقد قران (ملكة)

أدوات الموضوع

عرض

حلم عقد قران (ملكة)

المزيد من آخر المواضيع من نفس القسم:

رد: حلم عقد قران (ملكة)

المواضيع المتشابهه

حلم عقد قران امي

حلم عقد قران

محفظة قران

مسج عن عقد قران

تتويج ملكة الحجاب 010 تحت رعاية حرم سمو الشيخ عمر بن صقر القاسمي( مسابقة ملكة الحجاب)