ابا اعقل

[مشكلتي]

الله يسلمكم صار لي معجبة في واحد من سنة و نص ، بقول لكم السالفة مرة من المرات كنت اتلفلف في الانستا و عيبني اكاونت شخص و كانت محطي سنابه المهم ضفته و تابعته من الصوبين و ما كان من بينا كلام بس متابعة و يوم عن يوم قمت احب هالشخص بشكل فظيع ما اعرف شو هالحب المهم و رحت و دورت عنه و سالت و طلعت ، عرفت عنه لعاب بس بعدني معجبة فيه و المهم قمنا نسولف شوي شوي سوالف عادية من بين فترة و فترة و من هالسوالف بينت له اني اعرف عنه اشياء هو عاد و بدا بسال كيف تعرفي كل هالامور و تحراني وحدة مطرشتنه عليه و انا طبعا ما اريد ابين له اني معجبة فيه و مدورة عنه و المهم صكني بلوك و طبعا الاخت قامت اتابعة من حساب ثاني كان وايد شاغل تفكيري و كشفني و الصراحة لعوزه وايد كنت اطلع له في كل مكان و هو يعصب لين ما رجعني في السناب و حاليا احس انه عرف اني معجبة فيه بدا بسولف احسن قبل ، المهم انا ما ودي اكمل هالشيء الصراحة احس وايد راكضة ورا مشاعري و عقلي طاير و حتى شخصيتي وايد تغيرت منه المهم نصحوني ابا اعقل

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

عارفة انه لعاب ... اذا مافي فايدة من الركض وراه ؟؟
اقطعي كل طريق يوصلك له .. احذفي حساباته واشغلي وقتك بالمفيد
خلي عندك هدف بحياتك واتركي هذه الامور اللي ماوراها غير الهم والنكاده

[Upscale touches]

انتي فكري شو نهاية الوضع
عوار قلب
ذنوب وضيق على الفاضي

اشغلي نفسك

[سماءالأفق]

استغفري أختي وبإذن الله سيصرف عنك وسوسة الشيطان

ولا تقربي هذا الطريق فإن نهايته سيئه,وعليك بالدعاء.

[احلى بعفويتي]

بصراحه سوالف مراهقات
بتكبرين وتعقلين

[Ward-uae]

الحين هذا هو الحب في نظرج
الحب ايي بعد الزواج مب قبله واللي يحب مب في المراقبه والشكل بالعشرة والمواقف
غضي بصرج تراج لو عودتي عينج تراقب فلان وعلان حتى لما بتعرسين ريلج ما بيعيبج ولا بيمزر عينج

[mouzan7mod]

من صدقج ؟ ليش كل هذا ؟
حاولي تشغلين نفسج
الحب مب جي والله الحب شي حلو و أحلى من المراكض ورا شخص لعاب

[وجدان الفجر]

أختي محد يقدر يساعدج , هذا القرار بإيدج ,لو تبي تعقلي وتشوفي حقيقة الامر .أنت قلتيها لعاب وانت اللي عقيتي عمرج عليه ! أبتعدي أختي واستغلي وقتج في شي يفيدج دنيا وآخرة . وطلعي نفسج من هذا الوضع قبل لا سمح الله يتحول لمستنقع تغرقي فيه وساعتها ما ينفع الندم .

[مغليك]

ياا سلام ..

كملي وخبرينا عاد شو خبرج عن سوالفه ؟؟

انه متزوج وعنده عياال وحرمة ..

وعقب تعالي لنا فموضوع ثاني اكتبي لنا فيه حبيته وعلقني فيه وعقب اكتشفت انه متزوج ومب قادرة أصبر عنه وحبني وحبيته ..ويباني حرمة 2


بنات فاضيات ماعندكم سالفة تراكضون ورا الشباب واتيبون لعماركم المصايب ..وتخربون بيوت وتهدمونها وتسوون مشاكل بين الحرمة وريلها تكتشف خيانات ريلها..

تاكدي انه مب متزوج ..وهالكلام مب معناته انج تستمرين معاه فعلاقة حررام كلام وسوالف ورا الاهل

انتي جوهرة عزي فعمرج ونصيبج بييج لاتخربين ع عمرج ..

الكلام هذا لكل وحدة ماشية فها الدرب وتخرب بيوت نااس وهي عارفة انه هالدرب حرالم وفيه خرااب بيوت

الله يهديج

[Bent_uae_dxb]

سوال يعني هو مب معطنج اهتمام ولاحتى سولف وياج ولاتعرف عليج باين انج صغيره وهذا مش حب هذا اعجاب يعني كل شخص بتشوفينة جميل بتتعلقين فيه؟ اسالي نفسج هالسؤال؟

[الموهبة]

نزوه وانتهت
اعجاب هل تضمنى انه بتقدم لج او هى نزوة في حياتج هذا يسمى فراغ عاطفه استغلي الفراغ في امور تفيدج وابعدي عمن عطاج معلومات عن الريال