طالبة متفوقة في كليات تقنية

**Doctora.rana** · 2017-01-14, 17:39

مؤسسات حكومية في امارات .. منها كليات تقنية ، جامعة زايد ، جامعة الإمارات ..... مع بداية قبول تبدون بأمتحان سيبا تدخلون سنة تأسيسية تدرسون أنجلش و ملزوم عليكم اجتياز ايلتس تيبون 5 في reading , lisinting , speaking و اجمالي 5 تدخلون تخصص مناسب لكم اختار تخصص .. بالنسبة للتخصصّات شي ايام مفتوحة و راح تلتقون بمدرسين و مسؤولين بخصوص تخصص اللي حابين تدخلونه تدرسونه استغلوا هاي فرصة اسألوا كل ما ترومون عن كل تخصص متوفر و ابحثوا عنه .. بعد اختيار تخصص و بداية سمستر ادرسوا اول بأول ركزوا على كل كلمة يقولها دكتور استخدموا دفتر خاص + تسجيل صوت + تصوير الصبورة لتسهيل وقت و حتى يساعدكم في شرح و دراسة ..وقت امتحانات مفروض تكونون دارسين قبل امتحان بأسبوعين حتى معلومة تكون فراسكم و متقبلينها و لا تضغطون على عماركم ليلة امتحان لانها اكبر غلط و دراسة ليلة امتحان بس ممكن يؤدي للرسوب لا تتوترون وقت امتحان لانه توتر يخلي واحد ينسى كل معلومات اللي درسها اهم شي تقرون أذكار و دراسة اول بأول ادرس كل درس بوقته و بنفس يوم حتى لما يي وقت امتحان يكون مجرد مراجعه و تركزين في اشيا مهمه بالنسبة للامور اهم تأثر في نفسية بشكل كبير ناموا من وقت رقدوا 8 ساعات في اليوم و نشو من وقت حتى يكون فيكم نشاط + لا تنسون صلاة الفجر مع بداية اليوم .. اهم شي الريوق ريوق ريوق حتى تركزون و تستوعبون .. و ثلاث وجبات مهمه في اليوم الريوق و غدا و عشا كلشي بوقته لا تكثرون الاكل المطاعم و لا المشروبات الغازية .. كلوا اكل صحي و مارسوا رياضة حافظوا على لياقتكم و على صحتكم حتى يكون لها تأثير إيجابي لدراستكم .. العقل السليم في جسم سليم .. نصيحة خريجة شدو حيلكم من بداية سمستر ابدأ صح و اختار تخصص اللي تحبه بقناعه لا تضيعون أوقاتكم الثمينة في امور تافهة ترا المستقبل بيدج النجاح و رسوب يعتمد عليج مهما كان صعوبه كورس او اذا مدرس ما يشرح صح هذا مش حجه خل عندج هدف و راح تجتازين هاي حواجز منها ضغوط نفسية و توتر اثناء دراسة و امتحاتات لا تخلينها تسيطر عليج .. شخصيتج مفروض تكون اكثر عقلانية و مسؤولة اكثر بعد تخرج من مدرسة و راح تكبرين سنه و راح تشوفين بنات انواع و أشكال نصيحة مني لج خلي شخصيتج قوية ولا تتأثرين بكلام ناس و رابعي بنات اللي يخافون الله اللي صدق راح تكون وفية لج بعد تخرج .. شي بنات مصالح بس يتمصلحون مع شطار وقت امتحانات او وقت بروجكتات هاذيل بنات لا تعطونهم اي مجال يسيطرون عليكم لأنهم راح يودونكم فداهيه .. اذا تساعدين ربيعتج في بروجكت او مشروع ماراح يكون لصالحج ربيعتج ماراح تفيدج لانه نقل من طالب لطالب يعتبر ممنوع ..حتى اذا تغششينها اكبر غلط .. ممكن تتعرضين للطرد .. ثقي بنفسج و طوري عمرج و خذي نصيحة من اساتذتج دكاترة .. و دايماً اسألي مدرس اذا عندج اي سؤال لا تستحين اهم شي يكون لج قروب دوم تجتمعون حق دراسة قبل امتحان بأسبوع مثلاً في كلية نفسها اما تجتمعون قبل امتحان بيوم يعتبر غلط و ما ينفع أبداً .. سالفة تأخذون امتحانات من كلاسات ثانية و ما تدرسون او تأخذونها من سنوات اللي طافت ممكن تستفيدون منها اذا كنتوا دارسين لكن اذا مش دارسين و تبون تنقلون غلط ممكن أستاذ يصدمكم بنموذج مختلف احتياطاً لج خلج دراسة اول بأول و كلشي بوقته من جّد وجد و من زرع حصد الله يوفق الجميع

الموضوع: طالبة متفوقة في كليات تقنية

أدوات الموضوع

عرض

طالبة متفوقة في كليات تقنية

المزيد من آخر المواضيع من نفس القسم:

المواضيع المتشابهه

الشيخة فاطمة تتكفل بنفقات طالبة متفوقة

وزير التربية يكرم طالبة كفيفة متفوقة فى امتحانات الثانوية العامة