شو الحل بخصوص زوجي ....؟؟

**لحظة حزن** · 2007-10-06, 05:17

هلا خواتي مين تعرف عن هالشي

زوجي دائما يعطس ويتحسس من اي رائحة

ومن التكييف ايضا المسكين

تدمع عيناه

من كثر العطس

يمكن بدون مبالغة فوق 10 وراء بعضهم

والمشكلة انه عندما يعطس في الصباح الباكر تكون الرائحة كريهة لكنني لا اقول له حتى لا يتحسس من نفسه

ما الحل ...؟؟؟

افيدوني جزاكم الله كل الخير

المزيد من آخر المواضيع من نفس القسم:

**ساحرة العيون** · 2007-10-06, 05:27

يمكن عنده حساسية او جيوب انفية

**قارب uae** · 2007-10-06, 07:08

صح الظاهر مشكلته في الجيوب الأنفيه

نفس بابا وايد يتحسس من المكيف

**ام_سيف** · 2007-10-06, 14:43

عنده حساسيه والله اعلم

**عبيطه** · 2007-10-06, 18:32

عنده حساسيه في صدره ....

**غلا دبي** · 2007-10-06, 20:46

دايما غسلي بيتج بالديتول الأخضر

حتى راس الشبريه وأسفنجة المكيف

**المحارة** · 2007-10-06, 21:05

اكيد يتحسس من الغبار
حاولي انه المخده اللي يرقد عليه اتكون مجيسة او اتغطينها بجلد عشان يمنع الغبار انه يوصل لبشرته وفوقها كفر المخدة اللي لازم يتبدل كل يومين

طبعا المكيف لازم يتنظف دوريا عسب لايطلع الغبار مع الهوا
ولبسه لازم يكون كله قطن

خليه يراجع المستشفى و انصح بالمستشفى الايراني

**بنوته راك** · 2007-10-06, 21:17

يمكن عنده حساسية

**عيون_الورد** · 2007-10-06, 21:19

عنده حساسيه

انتي سوي اللي قالو لج عليه البنات

وبعد خليه قبل لاينام يتمضمض ب غسول للفم

وشي دوا حبوب اسمها كليراتين حبه كل يوم ف المسا ياخذها

بس اكيد استشيري الدكتور قبلها يمكن مايتقبلها جسمه

بس هالحبه وايد اوكيه تخفف من اعراض الحساسيه

**الثور76** · 2007-10-06, 21:20

يمكن حساسيه ف الجيوب الانفيه ...وخله يرااااااجع عياده مختصه بهالشي وان شاءالله خير ..

**سكون الروح** · 2007-10-07, 05:53

انا اعاني من نفس المشكلة لكن يتني فترة اتعالجت بالقاح وهو عبارة عن ابرة كل اسبوع وبعدين كل اسبوعين وكل مرة يقللون الجرعة لين ما تصير مرة كل سنة او كل ثلاث سنوات وتكون مثل فكرة التطعيم وانا وايد ارتحت عليها واتحسنت لكن عقب ما نقلوا الدكاترة اللي في الجزيرة المفرق ما قدرت اروح اكمل علاجي وهذا العلاج غالي في الخاص بس موجود في بعض مستشفيات الدولة واذا حابة اسم الدكتور اللي في المفرق طرشيلي رسالة عالخاص وبطرش اسمه وهو بقولج وين موجود العلاج في الامارة اللي انتي فيها.
وان شاء الله اكون افدتج..

**ظبية الامارات** · 2007-10-07, 06:48

نفس مشكلة ريلي ......

**لحظة حزن** · 2007-10-08, 04:55

الله يجزيكم خير اخواتي والله

اني احبكم في الله

الف شكر للجميع

الموضوع: شو الحل بخصوص زوجي ....؟؟

أدوات الموضوع

عرض

العرض المتطور

شو الحل بخصوص زوجي ....؟؟

المزيد من آخر المواضيع من نفس القسم:

المواضيع المتشابهه

زوجي واهلي شو الحل؟؟؟؟؟؟؟؟؟؟؟؟؟؟؟؟

زوجي مايصلي شو الحل

اكره زوجي شو الحل؟؟

شو الحل مع زوجي؟؟