سؤال محرج شوي

**نعناعة منعنشة** · 2007-10-05, 22:58

هلا بنات

عندي استفسار بسيط عن الحبوب

فيني حبوب حمرا صغيرة نفس حب الشباب بس مو في ويهي !!! في منطقة المؤخرة و مو عارفة شو استخدملها

حد يعرف كريم او مرهم يخفف من هذي الحبوب

المزيد من آخر المواضيع من نفس القسم:

**so_raw3a** · 2007-10-06, 03:25

لو كنت مسويه حلاوة او شايلة الشعر تطلع حبوب
لأن الشعر ف هالمنطقه يكون ناعم ما يقدر يطلع من اليلد
ف يسوي حبوووووب

و امممم على العلاج .. الصراحه ما اعرف ..
ان شالله البنات يفيدونج ..

**عبيطه** · 2007-10-06, 03:29

جربي اتحطيلهم sudocream وانشا الله يفيدج =)

**الرحيق** · 2007-10-06, 03:47

مره انا قريت عن هالحبوب ووحده من اهلي صارلها هالشي ولما راحت للدكتوره قالت لها هذي الحبوب مثل الثآليل اكيد قبل كان عندج حبه في جسمج في مكان ما بريولج او اي مكان تمت فتره طويله فطلعت لج هالحبوب في هالمكان
وعلاجها سهل جدا وهو الكي عادي تسوينها وعلى طول تمارسين حياتج اليوميه ماتعور
بس اذا ما كويتيها واستخدمت مثلا كريمات او مراهم في احتمال انها ترد
بس اتمنى انه ما تحتاجين هالشي وتكون هالحبوب عاديه

**فتاة العين** · 2007-10-06, 03:48

لالالالالالالالالالالالالالالالالالا روحي عند دكتورة هاذيلا على علمي مش زين يكونن فيج

**هم ونكد** · 2007-10-06, 04:08

على حد معرفتي هي سبب الملابس الداخليه عشان جذه هوي فليل والبس القطن يمكن انت من النوع الذي يعرق وايد
وهذا السبب والله اعلم وأسالي دكتور احسن

**dala dubai** · 2007-10-06, 04:12

وانا بعد فيني هالحبوب من زمان

بس الحين ماشي يمكن اتخوز عنج

بس مادري اتاكدي على حسب الحبوب

استشيري الدكتوره

**cutyah.87** · 2007-10-06, 04:14

الغاليه لاتلبسين ملابس داخليه البسي شلحه ولاصراول
واغسلي المنطقه بغسول وابتعدي عن الصابون وبالنسبه للحبوب
سيري عند دكتوره شرات ماقالو البنات دكتوره نسائيه شاطره
وبترتاحين

**ساحرة العيون** · 2007-10-06, 14:05

الله يعافيج ان شاء الله
سيري العيادة احسن

**نعناعة منعنشة** · 2007-10-06, 16:50

مشكورات خواتي ما قصرتن

بس ما اظني انها ثآليل لا بس اهي نفس حبوب الويه و بشوفلها حل انشالله

**فانتاستك** · 2007-10-06, 18:59

اختي ترا هالي فيج يطلع بسبة الاكل .......شوفي اغلبية الي ياكلون أكل فيه بهارات وايد والي فيها شطه حاره .......وبعض االخضار الي تسبب غازات......طبعا في ناس لما ياكلون الاكلات الحريفه تكثر عندهم الغازات ........والكل عارف كيفيه خروج الغازات .........لذلك الغاليه حاولي تبتعدين عن هالاكلات او خففي من البهارات في اكلج ... وللقضا عالغازات شرب الينسون ويا الليمون قبل النوم ...... وشرب ماء دافي مضاف اليه ملعقة عسل على لريج,,,,,,,,,,

الحين هي يوم بتخف عنج ان شاء الله بتترك لج اثر....اهنيه دورج بالاهتمام الشخصي..... تستخدمين سكراب الرمل الي ينباع فالجمعيات وعند الاستحمام تاخذين كميه من هالسكراب وتفركين هالمنطقه فرك تاما لين اتحسين شويه باحمرار وعقب اتنشفينها زين هالمنطقه وتستخدمين اي مرطب ومثل ماقالت الاخت يمكن استخدام سودو كريم مال الاطفال ترا زين

واتما ياختي اني فدتج

**شيما333** · 2007-10-07, 04:56

؟؟؟؟؟؟؟؟؟؟؟؟

**عفاري80** · 2007-10-08, 02:02

الله يعينج

الموضوع: سؤال محرج شوي

أدوات الموضوع

عرض

العرض المتطور