ريلي وراتبي !!

[مشكلتي]

السلام عليكم ..
انا صارلي سنتين متزوجه وكنت ما اشتغل وريلي ما قصر علي ف ولاشي من مصروف وهدايا وكل شي الحمدلله

من فتره الحمدلله توظفت ، من توظفت هو قدم استقالته بحجة انه مب مرتاح في شغله وبيشوف مكان ثاني ، وهالفتره كلها انا اللي اصرف على البيت ، وحتى طلعاتنا وفنادق علي ، ياخذ فلوس مصروفه مني ، وحتى فلوس ديونه ياخذها من عندي وما يتم لي شي من راتبي ان اسيفه او اشتريلي شي ف خاطري ، واحين يخطط اني ادفع له مخالفاته .

طبعا انا ماقدر اقول له لا لانه ما قصر معاي في شي قبل ومابا انكر هالشي ، بس احس الوضع بيستمر جي واانا ماعرف هالشي اللي يالس يصير صح ولا غلط ؟

واذا كان غلط ؟ كيف اقول له لا مابدفع او ما بعطيك ياخذ الموضوع بحساسيه ويقولي انتي بخيله !! وماتوقعتج جي!

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

هلا فيك
المشاركة مافيها بين الزوجين لكن مفروض زوجك يكون واعي
ومايقدم استقالته مهما يكن لأنه هو سيد البيت والمسؤل الاول عن مصروفاتك ومصروفات عياله وبيته
ودام انتي اللي تصرفيمفروض يتعاون معاك وينتبه للمخالفات المرورية ويكون حريص مايكون عنده مخالفات
الان حتى تصححي الوضع اللي عملتيه ويعتبر نوعا ما خطأ لأن الوسط حلوو
الامور الثانوية مثل طلعات فنادق تتركيها
اكتبي بدفتر صغير لك احتياجاتكم الاساسية والثانوي لا
مصروف تعطيه حددي بدون ماتحرجيه حتى يتعلم الاقتصاد لانه صعب قلب الادوار
خاصة ان الاستقالة جات من عنده وماحسب حساب لأي شيء
ديونه ممكن تتأخر حتى يتوظف والهدف من الفكرة حتى يتحرك ويدور له على شغل
لكن طول ماانتي تسددي الديون وتوفري له الحياة ماراح يشتغل ( حطيها ببالك )
اتبعي كلامي حددي احتياجاتك الاساسية فقط
وكوني وسط ومعتدلة صح مو مقصر معاك بس تصرفه الغير واعي باستقالته لازم يتعلم منه درس
ولاتكوني مثل صرافة البنك اللي كل ماطلب يحصل لأنه بيقلب عليك ويزعل لو ماعطيتيه
والله يوفقك

[Bent_uae_dxb]

المفروض كان يحصل عوظيفة يضمنها عشان يقدم ع استقالته بس الصراحة قوية هذي تصرفين عليه هذا بالنهاية ريال كيف يشل من حرمة سوري اذا كلامي كان جارح ❤

[Ward-uae]

انتي السبب في استقالته؟
يعني تعايريه براتبه او راتبج
لما كان يشتغل انتي كنتي تقولين له استقيل واستقيل؟؟
كان مدلعج وما كان مقصر معاج وييتي انتي واشتغلتي انزين أمور البيت من يقوم بها ؟ العيال سبب في استقالته انه يحاتيهم وصار يقعد معاهم ؟؟
دوري شو سبب قعدته في البيت هل هم العيال ؟؟؟ او انتي شليتي عنه مسؤولياته وصار يحس انه ماله داعي يشتغل؟؟ 

[احلى بعفويتي]

بقولج من خبرتي بنفس الموضوع

انا كنت اداوم اصلا من قبل لا اعرس
وعقب ما عرست .. بسنه وشوي استقال من اتصالات بسبه الخصخصه
وقدم على كل مستحقاته .. استملم مبلغ وقدره عقب 3 شهور من الاستقاله
فتره الثلاث شهور انا الي كنت اصرف ..
بس كنت وراه عشان يحصل على وظيفه ..
يعني هو استقال في شهر 2 وتوظف في شهر 8
ست شهور بس كنت وراه كنت ايلس معاه يسوي السيفي واطرش وياها حق المؤسسات
يعني موب هامله سالفه انه يقدم على وظيفه والحمدالله توظف وراتبه وايد زين

فنصيحتي لج :1- اصرفي بحدود حاجة البيت
2- كوني وراه في تسجيل للوظايف
3- لا تهملين حقج في راتبج ابدا
4- كلميه بصريح العباره ان انتي لين متى بتمين تدفعين وهو ريال ملزوم انه يداوم وانتي تتعاونين معاه موب تصرفين صرف كامل

[mouzan7mod]

اختي تصرفج غلططططط
و الغلط الاكبر من صوب ريلج ، لانه قدم الإستقالة بدون ما يضمن له وظيفة ثانية
عزيزتي ، حاولي تحطين جدول معين للمصاريف
و لازم توفرين مبلغ معين لج .. ماتعرفين شو يصير
عزيزتي ، حاولي تفهمينه ان الاساسيات مهمة و ضرورية أهم من الطلعات و الفنادق و الهدايا
و لازم توقفين على راسه لين يحصل شغل ثاني

[دلع المزاريع]

او انتي شليتي عنه مسؤولياته وصار يحس انه ماله داعي يشتغل؟؟ 

أظن جي لان اغلب الريايل مايحبون الزوجة لما تشتغل أو تداوم وتخلي بيتها أو ان يختبرج ؟ والله اعلم الله يصلح الحال

[الموهبة]

قولي له زوجى الغالي راتبي يفداك وتحت تراب ريولك لكن اتمنى شي وبوقف معاك حتى اخر لحظه بعمري الي ابغى منك زوجى الغالي تحاول تجوف شغل من اجل ورانا في المستقبل عيال نبغى من الان نبنى لهم مستقبل

[ماحد شراتي]

الولد على ما تربيه والريال على ما تعوديه .. تحملي عزيزتي يتم جذيه وريلج وتعرفين طبعه كلميه وقوليه تبي مساعدتي بتعديل السي في او تبيني اطرش واسالك عن الوظايف المتوفره ..تنغيزه بطريقه غير مباشرة

[حبر المساء]

سبحان الله الامر شوي غريب
انا اقول في هاي المواضيع وان كان الرد جارح بس خذيه بعين الاعتبار
الريال اللي يتعود ع اليلسة والحرمة تشتغل وكل شي يتوفر له يتعيبه السالفة خلاف
وهو مب بس ما عنده وظيفة ويتريى يغير وضعه لا هو يصرف بكل اريحية في كماليات وليست اساسيات
حاولي توصلين له الموضوع بداية بكل ادب واحترام واذا اطر الامر كوني حازمة في الامر
يوم وصل الى ان ادفع مخالفاتي وديوني ع حسابج هذا فيه ضياع للحياء ونسيان ان الرجل هو المسؤول عن البيت

اسمحي لي الكلمات حادة بس لمصلحتج لان اذا طال الامد بتستحين عقب وما بتغير الوضع

[خبآيا]

وعليكم السلام

والله اختي موقفك جدا صعب ..
بس انتي حاولي كل شوي تقولين له ها مالقيت لك وظيفه عشان ماينسى هالشي
شوفي ايش رده .. وكمان انتي دوري معاه مافيها شي

واذا ماتقدرين حاولي تشترين له هديه وتحطين فيها رساله تكتبين فيها كلام حلو وبعدها تقولين والله اشتقت للايام هذيك وان مو مكانك في البيت وانت وانت ومن الكلام هذا كبري راسه هههههههه
واذا مافهم عاد الله يعينك واذا شفتي الشغله طولت مافي غير انك تستعين بأهله معليش هالامور مافيها خجل اذا اشتغل لنفسه ولعياله مو لك بس