مشكلتي مع زوجي

[small-bird]

حبيت اعرض عليكم مشكلتي عشان تساعدوني فيها

المشكله ومافيها ان ريلي يجبرني على شي انا ما احبه ومايعجبني
قتله خلني لي ما اقتنع بنفسي والله انا بروحي بسويلك اياه
قال لا انا ابا حرمتي تكون جيه من بداية زواجنا
والمشكله ان خوانه المعرسين قبله كلهم جابرين حريمهم على هالشي
عشان جيه احسه يبي يجبرني
ودووووووم يقارني بحريم خوانه
يقول لي رفضوا هالشي فالبدايه وعقب رضوبه ليش اتعبين عمرج
قلتله ع الاقل عقب السفر........>بنسافر 6 شهور
احسه ما اقتنع بس سكت عني
ورد فتح الموضوع من يومين وبدت المشكله تكبر وتكبر
اغلق التلفون عنه ويزعل ويعصب.........>اسكره لني اعرف عمري اعق رمسه قووووويه
ومافي طريقه اتخليني اهدي عمري غير تسكيييييييير التلفون
والمشكله واااااااااااااايد كبرت لني اسكر التلفون
وانا ناويه اسكره مره ثانيه اقل شي 3 ايام
ولا اخليه يشوفني............>مسافر من 4 شهور وباجر بيرد
ويتريا هاليوم عشان يشوفني بس انا مابا
ماحب حد يجبرني على شي.....>ادري انه ريلي ومن حقه
بس ماباه يتعود على هالاسلوب صدقوني اذا طاوعته بيرد ايكررها
ويجبرني على كللللللل شي

الحين ادري طولت عليكم بس شو رايكم باللي يجبر حرمته؟
وكيف اقدر احل المشكله؟
شو هي احسن طريقه للتفاهم؟؟؟؟


((انا بعرس عقب اسبوعين))

ياريييييييييت اتخبروني كيف اتصرف؟؟؟؟؟

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غموض]

شوفي حبيبتي انا قريت مشكلتج بس مادري مافهمت وايد بس ع حسب فهمي

اول شي صدقيني ان كل حرمه تعرف حق ريلها هو من اي نوع من النوع اللي ايي بالسياسه ولا بالامثله ولا بالكلام الحلو ولا اتييبين له اشيا دينيه يعني على حسب هو شخصيته شقايل
صدقيني انتي حاولي تغيرين اسلوبج وياه واكيد بتحصلين نتيجة ومافي ريال مهما كان يرضى ان حرمته تسكر التلفون بويهه اصلن الرياييل يعتبرونها اهانه لهم ولرجولتهم وانتي توج فبداية الطريج يعني لا تكبرين المسأله صدقيني في اشيا وايد بالدنيا تستحق ان الواحد يزعل عشانها ماعليه لا تيأسيين حاولي مرة ومرتين اقنعيه عطيه امثله ناقشيه حاولي تعرفين هو ليش يجبرج يمكن لنه هو يحبج وبيرطبت فيج طول حياته ومافي واحد يحب شخص ومايباله الخير ولا يبا مصلحته يمكن هو يوم يجبرج لنه يشوف هالشي احسن لج وانتي يوم ماتشوفين هالشي احسن لج حاولي تناقشينه وتاخذين بعدة اساليب بس مب انج تسكرين بويهه وتزعلين بالعكس جذه بيصير عناد بينكم ومابتوصلون لنتيجة اللحينه المفروض انتي من البدايه تكسبين ريلج وثقته وحبه عسبت يوم يشوف هالاشيا الحلوة منج والمعامله اللي يحبها اكيد مابيقصر وياج وبيسويلج اللي تبينه ..
ادري طولت وايد شسوي يوم اكتب انسى عمري ان شالله افدتج فشي :1 (53):

[small-bird]

حبيت اوضح لج اني ماسكرت الخط بويهه
انا ما اتجرأ أسوي هالحركه ومش حلوه بحقه
بس غلقت التلفون يوم كامل
وهو وااااااااااايد يعصب من هالحركه
بس ادريبه بيتعود يجبرني وانا مابا هالشي

[دانة جميرا]

مرحبا ختيه .. الله ايهدي سركم انتو الاثنيين ان شاء الله و ويسر اموركم

ختيه نصيحه من اخت للاختها .. هذا مب حل انج تغلقين التلفون ليوم واحد

او انج تتقاضين عنه بانج ماتشوفينه .. ترى هذا ماينفع اذا قدرتي الحينه باجر

يوم بيجمعكم بيت واحد شو بتسوين !!؟؟ فكري فيها ختيه احسن حل هو المواجهه

لازم كل واحد فيكم ايصارح الثاني ويقول كل اللي في خاطره السي للي يعجب

به من الطرف الاخر او العكس بس يكون باسلوب لبق وبهدوء .. وصدقيني يا ختيه

خلي عنج سالفة انه اخوانه ولا يقارنج بحد مثل حريم اخوانه كل وحده فينا الها اسلوب

تقدر تقنع به ريلها فيه لو تبا بس لو اتفكر شويه عدل وتنسى الضغوطات اللي اتخليج ماتقدرين اتفكرين بالحل مثلا

باسلوب حلو اتقولين له انته تعيبني واسلوبك ايعيبني انته مستقل في تفكير وبهذا الشي

ايخليك تفرق عن اخوانك انته انسان حضاري مثقف مثل ماتحب انه يكون لك راي اكيد بعد

اتحب انه ايكون لي راي؟وكل واحد يقدر يقنع الثاني برايه واللي حجته قويه اكيد بيقدر يقنع الثاني

باسلوب سلس وحلو .. ترى الريايل ايون بالكلمه الطيبه مب بالعناد والله انته تبا تجبرني عيل

خلاص بطنشك وببند التلفون و مابشوفك ترى هذا كله مايفيد مانقدر انسميه عناد ولا تحدي بس

كلميه مدام انكم على البر بعدكم ومثل ماقلت لج بالتفاهم كل شي ينحل والاسلوب الحلو اكيد ..

واسموحه على الايطاله

[حروف الحب]

اختي كلام الخوات ما عليه زود ... و انا نصيحتي لج ... على حسب الشي اللي يبا يقنعج به ... اذا هو منطقي او لا
يعني انتي فكري فيه قبل لا ترفضينه ... و فهميه انه الجبر على شي ما منه فايده و كل شي بالتفاهم و الاقناع ..
يعني ممكن يحاول يقنعج باسلوب يخليج تسوينه و انتي راضيه ...

[small-bird]

ها اللي ابيه
اباه ياخذ برايي
ما اباه يتعود على هالاسلوب

ومشكورين الصراحه ماقصرتوا معاي

[BntZayed]

اختيه انا ويا راي البنات

بس حاولي انه ما يجبرج على شي انتي ما يحبينه

و اكيد هو ما يسوي هالشي لا لمصلحتج

و بالاخير هو ريلج وباجر و راكم عشره عمره و تو كم انتوا بادين المشوار

و الله يوفقج انشالله

:22 (8):

[الظبي الدماني]

ريلج لازم اتطيعينه

[رقيقة الإحساس]

ريلج لازم اتطيعينه

[small-bird]

بس حاولي انه ما يجبرج على شي انتي ما يحبينه
:22 (8):

كييييييييييييييييييييييييييييييييييييف؟؟

[BntZayed]

كييييييييييييييييييييييييييييييييييييف؟؟

الغاليه يعني اتشاوري وياه عن السبب اله جابرنج عليه

خذي و عطي وياااه و لاتعلين صوتج عليه

الاحترام يولد المحبه ترااااا

و في الاخير ترا هو مايسوي هالشي عشان انتي عدوته لا بالعكس هو يسوي جي لمصلحتج

و الله اتمنالج كل خير

و بتتعودين على السالفه

:22 (8):

[الأحلام الملونة]

نصيحتي إلك ببساطة هو فكرة جميلة جداً تجبره على إنه يمشي معك ...

و بما إنه عندك حالياً نقطة مختلفة معه فيها .. اتصلي بيه و كلميه بكلامك الحلوو الي بيعبر عن محبتك
إله .. و لازم تعرفي و توصلي إله إنه حياتكم حالياً معناها ( المشاركة ) و كل شيء بيطلع أحلى لو أعطيتيه من قلبك ...
اعرفي هالمعلومة حبيبتي و هي إنه بكرة بس تتزوجي حتعملي شو ما بده حتى لو مو عاجبك علشان خاطره ( لكن ) فهميه إنه الشيء الي ما بطلع من القلب مو مثل الي بطلع غصب .. و النقطة الثانية ربنا ما ببارك بأي شيء تعمليه غصب أو هو يعمله غصب لأنه ما أرضيتم ربنا في بعض ...

احكيله هالمعلومات و اتفقي معه على اتفاق يضل معكم العمر و هو كالتالي ::

خليه يصلي عالنبي بعد هالكلام و قوليله انا ما بدي أرضيك لأنك زوجي .. أنا بدي أرضي ربنا فيك ... و لازم نلجأ إله علشان يهدينا للصح ... و اي شيء نختلف عليه بنصلي ركعتين ... و بنخلي نيتنا صافية ... إن الله بعدها بعت بالراحة و ربنا وصلي إنه ( هالأمر ) رضا لزوجك و رضا إله فحتعملي المطلوب ... ولو ربنا ما كتب أي أريحية فهو لازم يحترم أي شيء ربنا بينزله على عبده ...

هالنصيحة عمرها ما حتخيبكم إن شاء الله و انا اختك :22 (1): ... و حتخليه يمشي معك بكل خير
أهم شيء دائما صفاء النية لما تلجأوا لسؤال رب العالمين ...

و موفقة الغالية يارب و الله يتمم عليكي بالحياة السعيدة الكريمة و الذرية الصالحة

[small-bird]

حبيت اشكر كل من ابدى رايه في مشكلتي وحاول يساعدني
غموض
دانة جميرا
بنت زايد
الظبي الدماني
حروف الحب
رقيقة الإحساس
الأحلام الملونه
ويزاكم الله ألف خييييييييير