اخواتي ساعدوني

[omaya26]

السلام عليكم ورحمة الله وبركاته
اخواتي اشحالكم
انا بقولكم قصتي
عقب ما ربيت قبل 3 سنوات وزني قام يزيد بشكل مب طبيعي وصلت 130
وها كله لاني من ما تزوجت قبل 8 سنوات كنت دوم اخذ موانع وانتو طبعا تعرفون موانع الحمل
كلهم فيهم سلبيات اتزيد الوزن بشكل مب طبيعي واتلخبط وغير السلبيات الثانية المهم عقب اخر مرة ربيت فيها وشفت كيف انه وزني قام وايد يزيد ما خليت دكتورة تغذية ما رحت لها وما خليت اعشاب وما خذيتها استمر عليها شهر وشهرين انقص كيلوين ولا 3 وارد اكثر لين ما صار وزني في سنة 2013 136 وقررت اسوي عملية تحويل المجرى في خلال سنة نزلت حوالي 30 كيلو طبعا كنت محافظة على نوعية الاكل الغذاء الصحي وكنت اتمشى باستمرار وفي اقل من سنتين الله رادلي احمل وحملت وعقب ما ربيت وزني بدا يرد تخيلو يا بنات من 84 كيلو زدت 20 كيلو وايد انحبطت وتذكرت كلام الدكتور قالي في خلال سنتين لا تفكرين بحمل عشان العملية بس الله كتبلي احمل وحملت بعد سنة من العملية عقب ما ربيت بنتي الله يحفظها بطني كبرت بشكل مب طبيعي اي حد يتحسبني حامل في الدوام ياني احباط مب طبيعي وحسيت اني فقدت ثقتي في نفسي وقررت بعد ما شفت كمن موضوع عن شفط الدهون اني اسوي هالعملية عملية شفط الدهون من البطن بس لانه جسمي مب متين ايدي وافخادي معتدلين بس منطقة البطن برزت بشكل كبير جدا
ملجة اختي بعد 3 شهور ابا انزل بطني باي طريقة كانت للملجة.
فبغيتكم تساعدوني عن احسن المستشفيات اللي تسوي هالعملية انا سمعت انه شي شفط دهون بالفيزر
اللي عندها فكرة اتفيدني وهل ممكن الدهون تتجمع مرة ثانية؟ وبالليزر بعد ابي اعرف سلبيات العملية واللي سوتها لا تبخل علي بتجربتها.
اسمحولي عالاطالة
لا تبخلون علي بردودكم يا بنات اترياكم بفارغ الصبر

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة