عيالج والاحراجات؟؟؟

[ولوف]

الســــــــــلام عليكم

شحالكن يابنات



اليوم خطر في بالي اسألكن هالسؤال


عشان اعرف عيالكم الكتاكيت شو سووو فيكم من مواقف محرجه ؟؟...




لانه ماشاءالله عليهم دايما يحطون الام والابو في موقف محرج



يمكن يكون هالموقف بينكم ...


ويمكن يكون بين ضيوف عندكم او حتى عند الاهل ...




شو هالموقف وكيف اتصرفتي حزتها ؟؟؟





يلا خلونا نستانس وياسوالف اليهال الحلوهـ اللي يسوون هالشي وهم مايعرفون معناه او عواقبه على اهلهم خخخ

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[*nawari*]

موضوع وايد حلو هههه

لين احين ما استوالي موقف ويا علاوي

يوم بيكبر بقولكم هههه

[ولوف]

موضوع وايد حلو هههه

لين احين ما استوالي موقف ويا علاوي

يوم بيكبر بقولكم هههه

هههه

فديته ياربي ... والله يحفظه لج

وتسلميــــــــن الغلا على طلتج


ونتريا البقيه

[ولوف]

ولللللللللللللللللللللللل سويتوا لي احلى طاف


ماعليه يالدبات ماحبكن

[missuae3003]

ماعندي عيال للحين .. بعدنيا علوووووووووووووووووثه

يوم بييوني عيال وبيلعوزوني برد عليج حزتها هههه من يعيش

[رفيعة الشأن]

وحده من بناتي اذا كنا في عزيمه مثلا تيلس على ريولي واتبهدلني يوم ابا آكل يعني يظهر شكلها كأنها مفجوعه وميته على الأكل وماتعطيني فرصه احط لقمه في حلجي.

[ومضة إبداع]

انا مب متزوجة ،، لوووول لحيني ،،

بس اذكر موقف يوم اخوي كاان صغييير خخخخ في الروضه!

الابله طالبه منه ادوات البناااء وسار خبر ابوي اباه الابله تقوول ييب ادوات البناء ،،

ابووي وحليييله ما فهم علييه قااال شو ادوات البناء بعد!! قال مادري الابله قالت!!

ابوي كاان معصب رد علييه قال هاي ابلتك غبيه!! وراااح عنه

في اليوم الثاني اخووي قايل للابله ابوي يقووولج انتي غبيه لوووووول!!

تخيلوا!! قفطة!!

[مزمزنه]

حلو الموضوع ...........بس نونوتي بعده عمره بس 8 شهور بس ما شاء الله عليه ما يخلي شي في ويهه ابوه صاحي ....طايح في ابوه يشمخه و يمط خشمه و اذنه و شعره و يعضه و يتفل عليه و اذا رحنا مشتفى و لا سوق فديته يصارخ بأعلى صوته يلعب بروحه ههههه و يطيح ضرب في بنت اختي الصغيره عواشه ........

[Cute_Barbie]

ههههههههههههه كشخه موضوعج .. انا هب معرسه بس دخلت ابا افرفش و اغير جو لوووول

[Candle]

انا متبهدله مع علايه
مااقدر اسير وياها اي مكان
مره ست وياها سنتر
فضحتني من كثر مااصيييييييييح ومضايقه ..
هههههههههههههههههههههههههههههههه .. تقريبا من سنه ماطلعت وياها سوق ولا مكان
هههههههههههههههههههههههههههههههههههههههههههههههههه هههههههههههه

[منّايه]

أنا عندي ولد اختي يحب التيلي تابيز
مره يابوهم في تويز آر أس ووديناه يجوفهم
هو أصلا وايد يستحي ومن النوع اللي يتعلق فيني ومايحب يرمس أي حد بس مادري شو ياه يوم جاف التيلي تبيز
كانوا ناس طوال لابسين ماعرف شو يسمونه يعني متنكرين على شكل تيلي تابيز
مره وحده الولد تهور وتخبل وقام يرافسهم ويعطيهم بوكسات وهو يضحك ومستانس وايد
أنا ماعرفت وين أودي ويهي بس بعد ماقدرت أيود عمري من الضحك .. سحبته برع وروحنا عقب ما شّوه الأوادم وسبب لهم عاهات

[فـــدك]

انا توني مالجه بعدني على هالسوالف
بس احيد مره كنت سايره ازور بنت عمت امي في المستشفى مربيه .. نحن يالسين و ما شاء الله كل اهالينا الشباب و البنات متكودين في الحجره و الاكثريه كانوا شباب..فجأه رمست بنت خالي الصغيرونه هي تستوي بنت اخت المربيه .. و عاد بنت خالي يوم ترمس الكل يسكت يبا يسمع رمستها الحلوة..
سألت خالتها خالو وين البيبي اللي كان في بطنج جان تقول لها ما شفتيه في المنز عند النيرس.. جان تقول لها خالو من وين طلع البيبي؟؟
عاد انا استوت جريجه في ويهي و الحرمه تمت ضحك و فجأه الحجره استوت حشره عسب يتغاضون على اللي سمعوه..

كككككك شكراً ع الموضوع


فـــــدك

[ولوف]

مشكووووووووووووووووووووووورات خواتي على مروركن



بسسسسسسسسسسسسسسسسسسسسس فـــــــــــــدك

اي ويهي هههههههههههههههههههههههههههههههههههههههههههههههههه هه
والله موقف قوي الصراحه

فشششششششله





ونتريا البقييييييييييييييييه واحراجات اليهال

[om mansour]

انا توني مالجه بعدني على هالسوالف
بس احيد مره كنت سايره ازور بنت عمت امي في المستشفى مربيه .. نحن يالسين و ما شاء الله كل اهالينا الشباب و البنات متكودين في الحجره و الاكثريه كانوا شباب..فجأه رمست بنت خالي الصغيرونه هي تستوي بنت اخت المربيه .. و عاد بنت خالي يوم ترمس الكل يسكت يبا يسمع رمستها الحلوة..
سألت خالتها خالو وين البيبي اللي كان في بطنج جان تقول لها ما شفتيه في المنز عند النيرس.. جان تقول لها خالو من وين طلع البيبي؟؟
عاد انا استوت جريجه في ويهي و الحرمه تمت ضحك و فجأه الحجره استوت حشره عسب يتغاضون على اللي سمعوه..

كككككك شكراً ع الموضوع


فـــــدك

الله يعينكووووووو هههههههههههههههههههههه

نحن فالويك اند لي طاف كنا بيت عمي والشباب كلللللهم متيمعين...وكانو حاطين ((الفريج)) وام خماااس يالسه ترمس.. شو سوت بنت اختيه الصغيرونه(( عمرها ثلاث سنين)) تخيلوووووووو
ربعت صوب شاشة التلفزون وحطت يدها على ((صدر ام خماس)) وقالت دودووووه
ههههههههههههههههه

كل البنات لي كانن يالسات اتشاردن والشباب تموو يضاكحون ويعلقووون

[شوق وبس]

تعرفون عربة الحلاوة اللي تكون في المراكز .. فلبينية تبيع حلاوة واحنا نختار ونحط اللي نباه في كيس وبعدها نحاسب .. المهم مرة كنا رايحين مركز وطبعا بنتي ( 3 سنوات عمرها ) من تشوف هالحلاوة تتخبل على طول تركض عنده .. طلبت مني احط لها وعقب ما خلصت ويالسة اناولها ياه جدام الناس قالت لي شاطرة ماما والله ما قدرت امسك عمري من الضحك واحس الناس اللي حولي فيهم ضحكة وماسكينها ..